Yakobo 4:5 - AHYERƐLƐ KRONGRON

⁵ Anaakyɛ ɛmɔdwene kyɛ Ahyerɛlɛ ne kã ye mbaen, kyɛ, “Ɔtwe ye sunzum bɔ ɔte yɛ nu ne nwo nungunɛ” ɔ?

Yakobo 4:5 Iomraidhean Croise

Gyenesise 26:14

Onyane mmoaen ne nandwie mɔ ɔne ngoaa pee. Yiti Filistifoɛ nemɔ nye borole ye.

Gyenesise 30:1

Rahɛl nwuni kyɛ ɔne Yakob bɛnwo ne, ye nye borole oliɛma ne, na osele Yakob kyɛ, “Ɛne me wo mmaa, anyɔ sɔ a ngowu!”

Gyenesise 37:11

Yosef aliɛma nemɔ nye borole ye, nakoso ɔse de ɔfale edwirɛ nemɔ siele ye ti anu.

Gyenesise 38:9

Nakoso né Onan se kyɛ mmaa nemɔ ngɔyɛ ye deɛ. Yiti ɔne oliɛma n’aye ne lale ne, ɔmane ye nwo nzue guale ase, kyɛbɔ ɔkɔyɛ na ɔngɔwo ngɔma oliɛma ne ɔ.

Gyenesise 6:5

Afei AWURADE nwuni kyɛ kuro sona amumuyɛɛ asone pee wɔ aseɛ ye aso, na nzusuleɛ tɛɛ ngome ayi ye ti anu tɛkyɛ daa.

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

Edwein 106:16

Bɛ nye borole Mose wɔ asikyeleɛ ne anu, ɔne AWURADE krongronniɛ Aarɔn koso.

Edwein 37:1

Nnɛma bɔnefoɛ bɛ nwo adwenedwene tɔ wɔ so, yeɛ nnɛma wɔ nye boro amumuyɛɛfoɛ,

Anyandera 21:10

Amumuyɛɛniɛ, ye kra gye aleɛ ole bɔne, na onnwu ye mmango anwumvoin.

Nworɛ Dwirɛhanɛniɛ 4:4

Na nwuni kyɛ, ɛfɛɛ mukoraa bɔ sona fɛ, ɔne ye sa noa adwuma mukoraa bɔ ɔyɔ ye yé ne, ɔnate ye nye bɔ ɔboro kyɛ ɔne obiɛngo bɛkɔyɛ pɛ ti ɔ: Ɛhe koso te mbaen, na ɔte dadwene mbaen.

Yesaya 11:13

Efraim anyeboroborolɛ ne bo kɔpɛ, Yuda pɔfoɛ mɔ bɛ boso komini, Efraim nye ngɔboro Yuda ko, yeɛ Yuda ngɔpɔ Efraim ko.

Numeri 11:29

Nakoso Mose buale ye kyɛ, “Ɛ́ko me ti ngondii anaa? Ɔhale me ngome a, ahaa AWURADE mmenia amukoraati bɛte ngɔmhyɛlɛfoɛ; ahaa AWURADE afa ye sunzum wawura bɛ nu!”

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Yohane 10:35

Na sɛ ɔfrɛle bɛ bɔ Nyameɛ dwirɛ ne wale bɛ berɛ ne nyameɛ mɔ, bɔ ebie ngora nzɛkye Ahyerɛlɛ ne a,

Yohane 19:37

Afei koso, Ahyerɛlɛ foforɛ kã kyɛ, “Bekotu bɛ nye bekogua bɔ bɛwɔle ye pealɛɛ ne aso.”

Yohane 7:42

Ahyerɛlɛ ne, aso wanga kyɛ Kristo ne kɔyɛ Dawide bosoniɛ, na Betlehem kuro bɔ Dawide tenane so ne anu yeɛ okofi ɔ?”

Asomafoɛ 7:9

“Na ɔnate kyɛ né Yakob mma ne nye boro b’eliɛma Yosef ne ati, bɛtɔnene ye maa ɔɔyɛle akoaa wɔ Misraim. Nakoso Nyameɛ gyinane ye si,

Romanfoɛ 1:29

Sɔ bɔne hemɔ ayi bɛ ti anu tɛkyɛ, amumuyɛɛ, aborɛ, anyeboroborolɛ, ɛpɔen, anyeborolɛ, awuelilɛ, patapaa, nnakannaka, kanda, nzekure;

Romanfoɛ 9:17

Na ɛhe ati yeɛ Ahyerɛlɛ ne sele Faro kyɛ, “Mapagya wɔ, kyɛbɔ ngɔfa wɔ so ngɔma me tumi kɔla ali wɔ wɔ nu, ná babɔ me dumaa wɔ aseɛ so amukoraa ɔ.”

1 Korintofoɛ 6:19

Anaa ɛmɔnze kyɛ ɛmɔ nipadua ne te Sunzum Krongron bɔ Nyameɛ afa ama ɛmɔ, bɔ ɔwɔ ɛmɔ nu n’asɔneyɛɛ sua ɔ, na ɛmɔ bɔbɔ ɛmɔlle bɛ nwo ɔ?

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Galatiafoɛ 3:8

Na Ahyerɛlɛ ne hã tole berɛ kyɛ Nyameɛ kɔfa gyidie so yeɛ okobua Amaenmaensofoɛ mɔ be ɔ, na Nyameɛ dwirɛ ne lili moa sele Abraham kyɛ, “Ɔnate wɔ so yeɛ Nyameɛ koyirayira maen maen amukoraa ɔ.”

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.