Yakobo 4:4 - AHYERƐLƐ KRONGRON

⁴ Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

Yakobo 4:4 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Edwein 21:8

Wɔ sa kɔhã wɔ pɔfoɛ mɔ amukoraa. Na bɛ bɔ bekyi wɔ ne, wɔ sa famaa kɔhyehye bɛ mukoraa.

Edwein 50:18

Sɛ enwu awueniɛ a, ɛne ye betira abiɛngoɛ, na ɛne agyaasɛkyelɛfoɛ yeɛ betu nu ɔ.

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Yesaya 57:3

Nakoso ɛmɔ de, bayifoɛ brasua mma, ɛ́mɔpingye wa, agyaasɛkyelɛniɛ ne gyanderaniɛ bosofoɛ.

Yeremia 2:2

“Kɔ ná kɔbɔ ye dawure kyire Yerusalem kyɛ, AWURADE nwa nyoo: Mekaye wɔ ndaluwa nu anwofama ne, w’atɔmvorɛ mmerɛ nu ehurolɛ ne, mmerɛ bɔ elili me si wɔ ɛserɛ so, wɔ aseɛ bɔ né belluale so hwee ne aso ne.

Yeremia 9:2

Ao, ahaa né manya ɛwɔfoɛ dabea wɔ ɛserɛ so, amaa mahora mayakyi me mmenia nu mahwe me nwo mafi bɛ nwo mahɔ! Ofikyɛ bɛ mukoraa bɛte agyaasɛkyelɛfoɛ ne nnakannakafoɛ fekue.

Hesekiel 16:32

Ɛte brasua bɔ ɔsɛkye agyaa ɔ! Ɛte brasua bɔ ɛwɔfoɛ mɔ mmom yeɛ wɔ nye gye bɛ nwo tra ehu ɔ!

Hosea 3:1

Yeɛ AWURADE sele me kyɛ, “Sa kohuro braa adwamanbɔlɛniɛ bɔ ɔte agyaasɛkyelɛniɛ ne, kyɛbɔ AWURADE kuro Yisraelfoɛ dwirɛ, nakoso bɛso nyameɛ foforɛ mɔ, ná bekuro borɔdoma bɔ babobɔ ye kunguma ɔ.”

Mateo 12:39

Na obuale bɛ kyɛ, “Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana ngɔmhyɛlɛniɛ Yona deɛ ne ala.

Mateo 16:4

Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana Yona sɛngyerɛnneɛ ne ala.” Na Yesu yakyili bɛ berɛ hɔle.

Mateo 6:24

“Sona biala ngora nzo meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ; anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Yohane 15:19

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.

Yohane 17:14

Mafa wɔ dwirɛ ne mama bɛ; na wiase apɔ bɛ, ofikyɛ nna wiase yeɛ befi ɔ, kyɛbɔ me koso mmvi wiase ne.

Yohane 7:7

Wiase ngora mbɔ ɛmɔ, nakoso me yeɛ ɔpɔ me ɔ, ofikyɛ medi adanzeɛ kyɛ ye yɔleɛ te bɔne.

Romanfoɛ 5:10

Mmerɛ bɔ né yɛte Nyameɛ pɔfoɛ nen, Nyameɛ nate Ɔwa ne wue so siesiele yɛ ne ye afia. Na kekesaala ye bɔ yɛne Nyameɛ ayɛ ko ye de, ɔnate teasefoɛ Yesu so okole yɛ ngoa maa ɔkɔbo so.

Romanfoɛ 8:7

Ofikyɛ anwoɔnaen nu adwenedwene pɔ Nyameɛ, ɔngora mmerɛ ye nwo ase nwura Nyameɛ mmeraa bo, ɔngora nyɔ sɔ amba.

1 Korintofoɛ 1:20

Nzaade, né nworɛfoɛ gyi ye sɛ? Nimdeɛfoɛ koso begyi ye sɛ? Bɛ bɔ babe aporowaasulɛ nu wɔ ewiase wa ne koso begyi ye sɛ? Aso Nyameɛ mmane wiase wa nworɛ ɔkkakyili ngwaseasɛm?

1 Korintofoɛ 1:21

Ɔnate Nyameɛ nworɛ (nhyehyɛleɛ) ne ati, adasammaa bangora bamva bɛ nworɛ so bannwu Nyameɛ. Yiti ɔsɔle Nyameɛ nye kyɛ ɔkɔfa edwirɛ bɔ yɛkã, bɔ bebu ye ngwaseasɛm ne aso kole bɛ bɔ bede bedi ne ngoa.

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.