Yakobo 4:2 - AHYERƐLƐ KRONGRON

² Ɛmɔpena, na ɛmɔnnya ye; yiti ɛmɔdi awue; ɛmɔ nye boro kyɛ ɛmɔkonya ye, na ɛmɔngora benya ye; yiti ɛmɔko, na ɛmɔdi ahoɛ. Ɛmɔ sa nga ye, ofikyɛ ɛmɔmmisa.

Yakobo 4:2 Iomraidhean Croise

1 Ahemvo 21:6

Ahabo buale ye kyɛ, “Ofikyɛ nga ngyirele Yesreelniɛ Nabɔto kyɛ, ‘Fa wɔ bobe boo ne ma ndɔ, anaa sɛ ekuro po a, ngɔma wɔ bobe boo foforɛ maa ɛkɔfa kosi ye gya nu.’ Nakoso obuale me kyɛ, ‘Mengɔfa me bobe boo ne mengɔma wɔ.’ ”

Anyandera 1:19

Sɔ yeɛ oyie mmenia mukoraa bɔ bɛpena anwonya wɔ atee tɛɛ so ɔ, na anwonya tɛɛ ne ɔpɛ ye nwo okũkũ bɛ.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Yesaya 7:12

Nakoso Ahase buale kyɛ, “Mengobisa, yeɛ mengoso AWURADE mengɔnea.”

Habakuku 2:5

Afei koso, nzaa te nnakannaka, anwomasoɛniɛ ne ngɔtena berɛ daa. Ye akɔnnɔ nu trɛ kyɛ ɛborɔ, ɔte kyɛ ewue bɔ ye ko nyi le ɔ. Ɔko boaboa maen maen amukoraa noa ma ye nwo, na ɔkye mmenia amukoraa nnure ɔfa.”

Yohane 16:24

Na ɔbaadwu ɛnɛ ye, ɛmɔnnya bebbisale nikyee biala wɔ me dumaa nu. Ɛ́mɔbisa, na ɛmɔ sa kɔhã ye, amaa ɔnate so ɛmɔ anigye ne wali mu.”

Yohane 4:10

Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.”

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

Yakobo 5:6

Ɛmɔabua teneneeniɛ foɛ bahũ ye, wɔ aberɛ bɔ onzi ɛmɔ ate ɔ.

1 Yohane 3:15

Ebiala bɔ ɔpɔ oliɛma ne te wudiniɛ, na kyɛbɔ ɛmɔse ne, daa ngoa ndena wudiniɛ biala nu.