Yakobo 4:17 - AHYERƐLƐ KRONGRON

¹⁷ Yiti ebiala bɔ ɔse paa bɔ ɔsɛ kyɛ ɔyɔ, nakoso ɔnyɔ ne, ɔte bɔne ma ye.

Yakobo 4:17 Iomraidhean Croise

Yohane 13:17

Sɛ ɛmɔse hemɔ, ná ɛmɔyɔ a, ɔte saleɛ ma ɛmɔ.

Yohane 15:22

Sɛ mamma manga dwirɛ ne mangyire bɛ a, ahaa benni bɔne nwo foɛ; na afei de, belle bɛ bɔne nwo nyeanoɛ biala.

Yohane 9:41

Na Yesu buale bɛ kyɛ, “Sɛ ɛmɔte anyesiniwaafoɛ a, ahaa ɛmɔnni bɔne nwo fɔ; nakoso ɔnate kyɛ ɛmɔnwa ‘Yɛnwu nikye’ ne ati, ɛmɔ bɔne mata ɛmɔ.”

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

Romanfoɛ 7:13

Aso ɛhe kyire kyɛ nikyee bɔ ɔte paa ne ɔmaa nyane ewue anaa? Dabida! Nakoso kyɛbɔ ɔkɔyɛ na bekonwu bɔne pefee kyɛ ɔte bɔne ne ati, bɔne nate bɔ ɔte paa so maa nwuli, amaa ɔnate ahyɛdeɛ ne aso banwu ye kyɛ bɔne te nikyee bie bɔ ɔtte mayee koraa ɔ.

2 Petro 2:21

Ofikyɛ sɛ bannwu tenenee atee ne po a, ahaa ɔte paa ma bɛ, tra kyɛ banwu ye bayie, ná afei nziɛ ye bakakyi bɛ nwo bafi ahyɛdeɛ krongron bɔ bɛfa bɛmane bɛ ne anwo ɔ.