Yakobo 4:13 - AHYERƐLƐ KRONGRON

¹³ Afei ɛ́mɔtie, ɛmɔ bɔ ɛmɔkã kyɛ, “Ɛnɛ anaa ɛhema, yɛkɔhɔ kuro he anaa ɛhene aso yɛkooli berɛ afoɛ ko, yɛkɔtɔ ná yayɛ nningyein atɔen, ná yanya mvasoɛ.”

Yakobo 4:13 Iomraidhean Croise

Gyenesise 11:7

Ɛmɔbra, ɛ́mɔma yɛdwu yɛhɔ ase, ná yɛkakyi bɛ dwudwolɛ ne ma ɔyɛ nwunyaenn, amaa bɛ nu biala ande obiɛngo dwudwolɛ bo ko.”

Anyandera 27:1

Nnɛfa ɛhema hoahoa wɔ nwo, ofikyɛ ɛnze alehyeleɛ nu dwirɛ.

Nworɛ Dwirɛhanɛniɛ 2:1

Ngane ye me ti anu kyɛ, “Bɔ sɔ bra ne bie, gye wɔ nye nea kyɛbɔ anigye si te ɔ.” Na ɛhe koso, ɔte mbaen.

Yesaya 24:2

Na ɔkɔwa kyɛ, bɔ ɔkɔto mmenia ne, sɔ ala yeɛ ɔkɔto ɔsɔfo ɔ; bɔ ɔkɔto kanganiɛ ne, sɔ ala yeɛ ɔkɔto ye mene ɔ; bɔ ɔkɔto afaneɛ ne, sɔ ala yeɛ ɔkɔto ye mene brasua ɔ; bɔ ɔkɔto sona bɔ ɔtɔ nningyein ne, sɔ ala yeɛ ɔkɔto bɔ ɔyɛ ye atɔen ɔ; bɔ ɔkɔto sona bɔ ɔbɔ bosea ne, sɔ ala yeɛ ɔkɔto bɔ obisa bosea ɔ; bɔ ɔkɔto sona bɔ bɛma ye kerɛ ne, sɔ ala yeɛ ɔkɔto bɔ ɔma kerɛ ɔ.

Yesaya 5:5

Afei de, bɔ ngɔfa ngɔyɔ me bobe boo ne, mebaahã mekyire ɛmɔ. Ngotutu ye nwo waen ne maa ngaka kooli; ngodwiri ye nwo fasue ne ngogua maa bekotiatia bobe ne aso.

Hesekiel 7:12

Mmerɛ ne adwu, kyẽa ne apingye; bɔ ɔtɔ nikyee ne, nnɛma ye nye gye, yeɛ bɔ ɔyɛ ye atɔen wora, nnɛma ye wora bɔ, ofikyɛ ahone ne ahu b’anwonya ne amukoraa so.

1 Korintofoɛ 7:30

bɛ bɔ besũ ne, odi kyɛ bɛbɔ bɛ bra kyɛ benzũ ɔ; bɛ bɔ bɛ nye agye ne, odi kyɛ bɛbɔ bɛ bra kyɛ bɛ nye ɔggyele ɔ; bɛ bɔ bɛtɔ nningyein ne, odi kyɛ bɛbɔ bɛ bra kyɛ belle huu ɔ;

Yakobo 5:1

Afei ɛmɔ, esikafoɛ, ɔnate amaneɛ bɔ ɔ́ba ɛmɔ so ne ati, ɛ́mɔsu ná ɛ́mɔbɔ awuye!