Yakobo 4:12 - AHYERƐLƐ KRONGRON

¹² Mmeraahyɛlɛniɛ ne ndɛenbualɛniɛ komapɛ yeɛ ɔwɔ berɛ ɔ; ye ole bɔ ɔkora ode ngoa ná ɔsɛkye ne. Yiti wɔ ole nwa bɔ ebua ebiɛngo ndɛen ɔ?

Yakobo 4:12 Iomraidhean Croise

YOB NWOMAA NE 38:2

“Sona beni ɛne, bɔ nimdeɛ nne ye dwudwolɛ nu, bɔ ɔfa sɛkye me nhyehyɛleɛ ye?

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Mateo 10:28

Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.

Luka 12:5

Na mebɔ ɛmɔ kɔkɔ, bɔ ɔsɛ kyɛ ɛmɔsuro ye ɔ: Odi kyɛ ɛmɔsuro bɔ oku yie a, ole tumi kyɛ ogyi to abɔnzam see nu ɔ. Amba, mekã mekyire ɛmɔ kyɛ, ye yeɛ odi kyɛ ɛmɔsuro ye ɔ.

Romanfoɛ 14:13

Yiti ɛ́mɔma yɛyakyi kyɛ yɛkobua yɛ nwo yɛ nwo ndɛen ɔ. Na mmom ɛ́mɔma yɛyɛ y’adwene kyɛ yɛngɔfa pambim anaa sundidua yɛngɔto yɛ biɛngo atee nu ɔ.

Romanfoɛ 14:4

Wɔ ole nwa bɔ ebua ebie akoaa ndɛen ɔ? Ye bɔbɔ ye mene yeɛ okohyire kyɛ ɔsɔ ye nye anaa ɔnzɔ ye nye ɔ. Na ɔkɔsɔ ye nye, ofikyɛ Awurade kora maa ɔsɔ ye nye.

Romanfoɛ 2:1

Yiti kuro sona, wɔ ole nwa bɔ ebua ebiɛngo ndɛen ɔ? Sɛ ebua ebiɛngo ndɛen a, né ebua wɔ bɔbɔ wɔ nwo ndɛen. Ofikyɛ wɔ bɔ ebua sɔ ndɛen ne, wɔ koso ɛyɔ sɔ yɔleɛ ne bie.

Romanfoɛ 9:20

Nzaade kuro sona, wɔ ole nwa bɔ ɛne Nyameɛ di nyeyeanoɛ ɔ? Bua ngora mmisa bɔ ɔnwone ye ne kyɛ, “Nzu ati yeɛ ɛnwone me sɔa ɔ?”

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

Yakobo 5:9

Aliɛmaa mɔ, nnɛma ɛmɔbobɔ kwaadu betiatia ɛmɔ nwo, ná bammua ɛmɔ ndɛen. Ɛ́mɔnea, ndɛenbualɛniɛ ne ogyi anoa nu berɛ.

1 Samuel 25:10

Nakoso Nabal buale Dawide somvoɛ nemɔ kyɛ, “Nwa ole sɔ Dawide ne? Nwa ole sɔ Yese awa ne? Ngoaa mɔ bɔ ɛlɛsa ye bɛnwati befi bɛ mene mɔ nwo ne, bɛsone pee.