Yakobo 4:11 - AHYERƐLƐ KRONGRON

¹¹ Aliɛmaa mɔ, nnɛma ɛmɔkekã ɛmɔ nwo dwirɛ tɛɛ. Na ebiala bɔ ɔkã oliɛngo nwo dwirɛ tɛɛ anaa obua ye ndɛen ne, ɔkã mmeraa ne nwo dwirɛ tɛɛ, na obua mmeraa ne ndɛen. Na sɛ ebua mmeraa ne ndɛen a, né ɛnyɔ bɔ mmeraa ne kã ne, na mmom ɛte ye so ndɛenbualɛniɛ.

Yakobo 4:11 Iomraidhean Croise

Edwein 140:11

Sona bɔ ɔkekã mmenia nwo dwirɛ ne, nnɛma oyie ye yé wɔ aseɛ ne aso, ma musue oli patapaaniɛ si yerɛlɛlɛlɛ!

Luka 6:37

“Nnɛma ɛmɔbua ndɛen, ná bammua ɛmɔ ndɛen; nnɛma ɛmɔbua foɛ, ná bammua ɛmɔ foɛ; ɛ́mɔfa (bɔne) bɛhyɛ, na bɛkɔfa bɛkɔhyɛ ɛmɔ.

Romanfoɛ 2:1

Yiti kuro sona, wɔ ole nwa bɔ ebua ebiɛngo ndɛen ɔ? Sɛ ebua ebiɛngo ndɛen a, né ebua wɔ bɔbɔ wɔ nwo ndɛen. Ofikyɛ wɔ bɔ ebua sɔ ndɛen ne, wɔ koso ɛyɔ sɔ yɔleɛ ne bie.

Romanfoɛ 2:13

Ofikyɛ nna bɛ bɔ bɛse mmeraa ne yeɛ bɛte teneneefoɛ wɔ Nyameɛ nyunu ɔ, na mmom bɛ bɔ bedi mmeraa ne aso yeɛ bekobua bɛ be ɔ.

Romanfoɛ 7:7

Afei yɛkɔhã ye sɛ? Kyɛ mmeraa ne ɔtte mayee anaa? Dabida! Na sɛ nna mmeraa ne ahɔ a, ahaa menze bɔne. Sɛ mmeraa ne anga kyɛ, “Nnɛma wɔ nye boro ebie nikyee” a, ahaa menze kyɛbɔ besi bɛma bɛ nye boro nikye ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

Ɛfesofoɛ 4:31

Ɛ́mɔgyi amvamviri, ahonetɛɛ, ɛyaafɛlɛ, basabasayɔlɛ, ɛsoentolɛ ne bra fiɛ biala bégua.

1 Timoteo 3:11

Sɔ ala yeɛ ɔsɛ kyɛ bɛ ye mɔ koso bɛyɛ mmenia bɔ bɛ nyunu le animnyam ɔ, bɔ bɛmmɔ nzekure, na mmom bɛ nwo dwo, ná bedi nahorɛ wɔ nikyee biala nu ɔ.

2 Timoteo 3:3

bengonya sona nwo dɔ, amvamvirifoɛ, ɛsoentolɛfoɛ, bɛ bɔ bɛnhyɛ b’akɔnnɔ so ɔ, bɛ bɔ bɛ ti anu te awosii, bɛ bɔ bɛpo nikye paa biala,

Tito 2:3

Sɔ ala yeɛ kyirekyire nworowaa nemɔ ma bɛbɔ bra bɔ ɔte krongron ɔ. Ɔnzɛ kyɛ bedi nzekure anaa bɛyɛ akɔnomnzafoɛ; na mmom ɔsɛ kyɛ bekyirekyire bɔ ɔte paa ɔ,

Yakobo 1:16

Nniɛma mɔ bɔ ɛmɔla m’ahone nwo ɔ, nnɛmɔma bɛlakalaka ɛmɔ.

Yakobo 1:19

Aliɛmaa adɔfo mɔ, ɛ́mɔtie ɛhe yé. Ɔsɛ kyɛ sona biala yɛ ndɛ tie, nnɛmaa ɔpe ndɛen dwudwo, nnɛmaa ɔpe ndɛen fɛ yaa;

Yakobo 1:25

Nakoso sona bɔ ɔgyene ye nye nea fawɔnwodi mmeraa bɔ odi mu ne anu, ná ɔtena nu, ná wanyɛ tiefoɛ aworafireniɛ, na mmom odi so ɔyɔ nen, bekoyira ye wɔ bɔ ɔyɔ ɔ nu.

Yakobo 2:8

Yiti sɛ ɛmɔdi dehyeɛ mmeraa ne aso nahorɛ nu, kyɛbɔ Ahyerɛlɛ ne kã kyɛ, “Kuro ebiɛngo dwirɛ kyɛ wɔ bɔbɔ wɔ nwo” ne a, ye de né ɛmɔayɛ nikye.

Yakobo 5:10

Aliɛmaa mɔ, ngɔmhyɛlɛfoɛ bɔ bedwudwole Awurade dumaa nu ne, ɛ́mɔfa bɛ bɛ́yɛ amaneɛnwunɛ ne aboterɛ nwo nhwɛsoɛ.

Yakobo 5:7

Yiti aliɛmaa mɔ, ɛ́mɔnya ndoboaseɛ maa oodwu kyɛ Awurade kɔwa ɔ. Ɛ́mɔtie, kuaniɛ bɔ ɔnwondɛ ma aseɛ kye aleɛ bɔ ye nyɔboɛ yɛ se ne, onya ye nwo aboterɛ maa okodwu kyɛ feefee ne asuso kotikye ɔ.

Yakobo 5:9

Aliɛmaa mɔ, nnɛma ɛmɔbobɔ kwaadu betiatia ɛmɔ nwo, ná bammua ɛmɔ ndɛen. Ɛ́mɔnea, ndɛenbualɛniɛ ne ogyi anoa nu berɛ.

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.