Yakobo 3:9 - AHYERƐLƐ KRONGRON

⁹ Ye yeɛ yɛfa yɛyirayira yɛ Nyameɛ ne Baba ne; na ye komapɛ ne ala yeɛ yɛfa yɛnoma kuro mmenia bɔ Nyameɛ abɔ bɛ kyɛ ye sɛso ɔ.

Yakobo 3:9 Iomraidhean Croise

Gyenesise 5:1

Adam boso ama mɔ ɛhe: Mmerɛ bɔ Nyameɛ bɔle sona nen, ɔyɔle ye kyɛ Nyameɛ sɛso.

Gyenesise 9:6

Sona biala bɔ ɔkɔha obiɛngo mogya kogua ne, ye wora sona yeɛ ɔkɔha ye mogya kogua ɔ, ofikyɛ Nyameɛ sɛso yeɛ ɔyɔle sona ɔ.

2 Samuel 16:5

Mmerɛ bɔ Nana Dawide oodwuli Bahurim nen, mvum nu, biaa bie bɔ oli Simei bɔ ofi Sɔɔlo abusua nu wale berɛ. Ye baba ole Gera. Ɔ́ba ne, né ɔ́boro amoen.

2 Samuel 19:21

Na Seruya awa Abisae buale kyɛ, “Aso ɔnzɛ kyɛ beku Simei anaa? Ofikyɛ ɔborole sona bɔ AWURADE apopa ye ngoo ne amoen.”

1 Aberɛso Dwirɛ 29:10

Afei Dawide yele AWURADE ayɛ wɔ maen ne amukoraati bɛ nyunu. Na Dawide hane kyɛ, “Yɛye wɔ ayɛ afebɔɔ oo, AWURADE, yɛ nana Yisrael ye Nyameɛ.

1 Aberɛso Dwirɛ 29:20

Afei Dawide sele maen ne amukoraa kyɛ, “Ɛ́mɔye AWURADE ɛmɔ Nyameɛ ayɛ.” Na mmenia amukoraa bɔ babɔ dwaa ne, bɛyele AWURADE bɛ nana mɔ Nyameɛ ne ayɛ, na bɛbɔle bɛ nu ase bɛsɔnene AWURADE, yeɛ bɛkotole Nana Dawide koso.

Edwein 10:7

Ɛnomalɛ, nnakannaka ne anwunanwuna ayi ye noa nu to, na ye temverema bo te nzɛmmɔne ne amumuyɛɛ.

Edwein 108:1

Ao Nyameɛ, m’ahone gyi berɛ pindinn, m’ahone gyi berɛ pindinn! Ngɔto dwein ngɔye wɔ ayɛ. Me kra, tingye!

Edwein 145:1

Me Nyameɛ ne me Hene, ngɔkamvo wɔ, na ngɔhyɛ wɔ dumaa animnyam afebɔɔ.

Edwein 145:21

Me noa kɔhã AWURADE nwo ayɛyelɛ dwirɛ, odi kyɛ abɔdeɛ amukoraa bɛye ye dumaa krongron ne ayɛ afebɔɔ.

Edwein 16:9

Yiti me nye agye, yeɛ me kra di ahurusi; me nwo atɔ me fɔnwoo.

Edwein 30:12

amaa ɔnate so me kra wanga ye noa wandu nu, na mmom waye wɔ ayɛ. Ao AWURADE me Nyameɛ, ngɔla wɔ ase afebɔɔ.

Edwein 34:1

Ngɔye AWURADE ayɛ mmerɛ biala; ye ayɛyelɛ kɔla me noa daa.

Edwein 35:28

Afei ngɔte me noa ngɔbɔ wɔ tenenee ne w’ayɛyelɛ nwo dawure daa amukoraa.

Edwein 51:14

Ao Nyameɛ, me ngoadefoɛ Nyameɛ, pepɛ de me fi mogya nwo foɛlilɛ nu, na ngɔfa me noa ngɔto wɔ tenenee nwo dwein serɛ paa.

Edwein 57:8

M’animnyam, tingye! Sangoo ne adengum, ɛ́mɔtingye! Me koso ngotingye alebahyene.

Edwein 59:12

Bɛ noa dwirɛ bɔ ɔte bɔne, yeɛ edwirɛ bɔ otua bɛ noa ne ati, ma b’anwomasoɛ ne kakyi ngaen ɔhye bɛ. Ɔnate bɛ noa dwirɛ bɔ ɔte amoenwaa ne ngondombo ne ati,

Edwein 62:4

Bɛ botaeɛ ala ole kyɛ bekotu ye bekofi bia so ɔ. Bɛ nye gye ngondombo nwo; bɛfa bɛ noa beyira sona, nakoso bɛ ti anu de, bɛnoma ye. Sela

Edwein 63:4

Yiti mmerɛ bɔ nde ngoa nu ye, ngɔye wɔ ayɛ, na ngɔma me sa so ngɔbɔ mbaeɛ wɔ wɔ dumaa nu.

Edwein 71:24

Mmerɛ biala, me noa koso kɔhã wɔ tenenee nwo dwirɛ, ofikyɛ bɛ bɔ bɛpena me bepura me ne, bafɛre, na bɛ nyunu agua ase.

Nworɛ Dwirɛhanɛniɛ 7:22

Ofikyɛ, ɛse kyɛ mmerɛ pee ne ala yeɛ wɔ koso anoma ebiemɔ ɔ.

Yesaya 29:13

Na AWURADE sele kyɛ, “Maen he, bɛfa bɛ noa mbaen yeɛ bɛtwe bepingye me ɔ, bɛ noa mbaen yeɛ bɛfa bedi me ni ɔ, nakoso b’ahone nu de, bembingye me koraa, na esurolɛ bɔ besuro me ne, ɔte kuro sona ahyɛdeɛ bɔ basua ye mbaen ɔ;

Mateo 26:74

Na Petro hyɛle ye bo lili amoen tale ndaen kyɛ, “Biaa ne, menze ye oo!” Na berɛ ne ala, akɔ bɔle.

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

Asomafoɛ 2:26

Yiti m’ahone lili ahurusi, na me temverema nwo sandele ye; na me nwonaen koso kɔla wɔ anyelasoɛ nu.

Romanfoɛ 3:14

Amoenwaa ne edwirɛ yealɛ ayi bɛ noa nu tɛkyɛ.

1 Korintofoɛ 11:7

Bienzua de, onhia kyɛ ɔkata ye ti so ɔ, ɔnate ɔte Nyameɛ animnyam ne ye sue; nakoso brasua de, ɔye bienzua animnyam kyire.

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

Yakobo 3:10

Noa komapɛ ne anu yeɛ saleɛ ne amoenwaa fi ɔ. Aliɛmaa mɔ, ɔnzɛ kyɛ ɔba ye sɔ ɔ!

1 Petro 1:3

Animnyam hã Nyameɛ, y’Awurade Yesu Kristo Baba ne, bɔ ɔnate ye anwumvoinnwunɛ mmorosoɛ ti wafa Yesu Kristo awufoɛ nu ewutingyelɛ ne aso wawo yɛ foforɛ maa yanya anyelasoɛ bɔ ngoa wɔ nu,

Maenbulɛfoɛ 9:27

Bɛhɔle fieso, na bɛɛtetele bobe befili bɛ bobe boo mɔ nu. Behwini bɛyɛle nzaa, na bɛfa bɛgyele bɛ nye. Yeɛ bɛhɔle bɛ bosoen asɔneyɛɛ sua nu. Bedidili bɛnone, na bɛgorole Abimɛlɛke nwo.