Yakobo 3:8 - AHYERƐLƐ KRONGRON

⁸ Nakoso temverema de, sona biala ngora mmrɛ ye ase; ɔte busueniɛ bɔ bɛmmɔ ye kyɛnn so ɔ, na ɛborɔ bɔ ye noa yɛ hye yeɛ wayi ye tɛkyɛ ɔ.

Yakobo 3:8 Iomraidhean Croise

Edwein 140:3

Basi bɛ gye nnaennaen kyɛ ewoo deɛ, na ɛbɔnaa borɔ yeɛ ɔwɔ bɛ noa nu ɔ. Sela

Edwein 55:21

ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

Edwein 57:4

Gyata mɔ yeɛ me kra la b’afia ɔ. Bɛ gye te pealɛɛ ne agyaen, bɛ temverema te ngrandɛ nnaennaen.

Edwein 58:4

Bɛ noa borɔ te kyɛ ewoo deɛ ne ala, bɛte kyɛ ɛbɔnaa asotiniwaa bɔ watuatua ye so,

Edwein 59:7

Tie, edwirɛ mbiri mbiri bɔ bele bɛ noa bɛkekã ɔ, edwirɛ yealɛ bɔ otua bɛ noa ɔ, B’adwene ole kyɛ, “Nwa yeɛ ɔkɔte yɛ nga ɔ.”

Anyandera 17:20

Sona bɔ ɔte kanda ne, onyie ye yé, yeɛ nnakannaka sona wora musue to ye.

Nworɛ Dwirɛhanɛniɛ 10:11

Sona bɔ ole ewoo ayire ne, sɛ ɔma ewoo ka ebie yie koraka né wahye ye a, ye de mvasoɛ biala nne bɔ ole ewoo ayire ne aso.

Romanfoɛ 3:13

Bɛ noa dwirɛ te asieleɛ bɔ so abukye ɔ, na bɛfa bɛ temverema bɛlakalaka mmenia, ewoo noa borɔ wɔ bɛ noa nu.

Deuteronomi 32:33

ewoo noa borɔ yeɛ ɔte bɛ nzaa ɔ, nzaa ne te kyɛ ɛkyenebene bɔ ye noa borɔ yɛ hye ɔ.

Yakobo 3:6

Temverema koso te see. Temverema te ewiase bɔ ɔndengyɛ bɔ wafra y’akwaa mɔ nu ɔ; ɔbɔ musue maa ɔkã nipadua ne amukoraa, ɔfa see to mmenia asetena nu, na abɔnzam see nu yeɛ onya ye see ne fi ɔ.

Yakobo 3:7

Na ngaka aboyaa ne nnomaa ne ngaka bɔ bɛkongo ne ɛpo nu ngaka amukoraa, sona kora tete bɛ brɛ bɛ ase, na wabrɛ bɛ ase maa batie ye.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.