Yakobo 3:6 - AHYERƐLƐ KRONGRON

⁶ Temverema koso te see. Temverema te ewiase bɔ ɔndengyɛ bɔ wafra y’akwaa mɔ nu ɔ; ɔbɔ musue maa ɔkã nipadua ne amukoraa, ɔfa see to mmenia asetena nu, na abɔnzam see nu yeɛ onya ye see ne fi ɔ.

Yakobo 3:6 Iomraidhean Croise

2 Samuel 16:20

Yeɛ Absalom sele Ahitofel kyɛ, “Ɛ́mɔhyire ɛmɔ adwene; nzu yeɛ ɔsɛ kyɛ yɛyɔ ɔ?”

2 Samuel 19:43

Nakoso Yisrael koɛhonɛfoɛ nemɔ buale Yuda koɛhonɛfoɛ kyɛ, “Yɛ bue deɛ bɔ ɔwɔ ɛhene ne anu ne, ɔtra ɛmɔ bue deɛ sɔ alaa buru. Yɛ bue deɛ bɔ ɔwɔ Dawide nu ne, ɔtra ɛmɔ bue deɛ. Nzu ati yeɛ ɛmɔmmu yɛ sɔa ye? Aso nna yɛ yeɛ yɛlili moa yɛhane kyɛ yɛkwaafa yɛ hene yɛsa yɛba ɔ?” Nakoso Yudafoɛ mane bɛ noa yɛle se trale Yisraelfoɛ.

2 Aberɛso Dwirɛ 13:17

Abiya ne ye koɛhonɛfoɛ nemɔ behuhuni bɛ pasaa, na Yisraelfoɛ bɔ bɛse koɛ ko paa ne, bɛ nu apee ɛyaa nnu totɔle.

Edwein 140:3

Basi bɛ gye nnaennaen kyɛ ewoo deɛ, na ɛbɔnaa borɔ yeɛ ɔwɔ bɛ noa nu ɔ. Sela

Edwein 64:3

Bɛ yeɛ besi bɛ noa kyɛ ngrandɛ, besina bɛ noa dwirɛ yeayea kyɛ agyaen;

Anyandera 15:1

Ɛyɛ wɔ noa bɛtɛɛ ɛma mmuayɛɛ a, ɔma ahone tɔ nzue nu, nakoso edwudwo fumfum a, ye de ɔma ahone hu.

Anyandera 16:27

Busueniɛ bɔ porɛ tɛɛ, na ye noa dwirɛ te kyɛ see bɔ ogye ɔ.

Anyandera 6:19

sona bɔ odi adanzewia ɔ, yeɛ sona bɔ ɔkekã aliɛmaa mɔ bɛ ti bobɔ nu ɔ.

Anyandera 7:5

amaa ɔnate so babɔ wɔ nwo waen bafi brasua sanzaniɛ sa nu, bafi brasua sanzaniɛ bɔ ye noa dwirɛ te menemene ɔ sa nu.

Yesaya 30:27

Tie, AWURADE dumaa fi dedeede yeɛ ɔ́ba ɔ, ye ahone ahu piri paa, wɔ nwosina munguu bɔ otu kɔ anwuro ɔ nu, ɛyaafɛlɛ ayi ye noa nu to, na ye temverema te kyɛ see bɔ ɔ́yera nikye ɔ.

Yesaya 50:11

Ɛ́mɔtie, ɛmɔ bɔ ɛmɔkua see, bɔ ɛmɔfa gyetia bɛpɛ bɛ nwo bɛbra beyia ɔ! Ɛmɔ see wuronyiwuronyi ne, ɔne gyetia bɔ ɛmɔasɔ ne, ɛ́mɔnate nu! Bɔ ɛmɔkonya bekofi me berɛ hɔ ɛne: amaneɛnwunɛ nu yeɛ ɛmɔkɔlela berɛ ɔ.

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Yeremia 28:16

Yiti AWURADE nwa nyoo, ‘Tie, ngɔye wɔ ngofi aseɛ ye aso. Afoɛ he ala yeɛ ekowu ɔ, ofikyɛ ahã ɛlɔenyɛlɛ dwirɛ atia AWURADE.’”

Lewitikɔso 24:11

Biaa bɔ oni yeɛ ɔte Yisraelniɛ ne, ɔbɔle Dumaa bɔ bɛmmɔ ne ɔfa nomale, na ɔkekane musue dwirɛ tiale ye dumaa. Bɛfale ye bɛwale Mose nyunu. Oni dumaa ole Selomite, bɔ oni ole Dibri bɔ ofi Dan abusua kure nu ne.

Numeri 25:2

Moabo mmrasua nemɔ hwehwene Yisraelfoɛ hɔle Moabo mmosoen sɔnenɛ nu. Yisraelfoɛ lili mmosoen so aleɛ ne bie, na bɛkotole bɛ mmosoen nemɔ.

Numeri 31:16

Mmrasua hemɔ yeɛ Balaam tuli bɛ foɛ tɛɛ maa bɛlakalakale Yisraelfoɛ, bɔ ɔnate so Yisraelfoɛ hwi fale AWURADE dwirɛ so ná bɛɛsɔnene Peɔ ne. Na ɛhe mane amaneɛ piri tole AWURADE mmenia.

Mateo 12:24

Nakoso Farasiifoɛ nemɔ tele sɔ dwirɛ nen, bɛhane kyɛ, “Sɔ biaa he, sunzummɔne mɔ panyi Beɛsebul tumi yeɛ ɔfa tutu sunzummɔne mɔ ɔ.”

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Marko 7:15

Nikyee biala ɔnne sona nwo bɔ ɔkɔ ye nu a ɔkora gua ye nwo fiɛ ɔ; na mmom nikyee bɔ ofi sona nu ba ne yeɛ ogua ye nwo fiɛ ɔ. [

Luka 16:24

Na ɔteane nu kyɛ, ‘Ngya Abraham ee, nwu me anwumvoin oo, ná soma Lasarɔso maa ɔfa ye sa mmɛseka noa ɔbɔ nzue nu, ná ɔɔfa hã me temverema so ma so yɛ fɔnwoo; ɔnate kyɛ me nwo yerayera me wɔ see wuronyiwuronyi he anu!’

Asomafoɛ 20:30

Asa koso, ɛmɔ bɔbɔ bɛ nu mmenia ne bie kodwɔso ná baha ngondombo dwirɛ bafa bahwe agyidifoɛ ne bie bali bɛ si.

Asomafoɛ 5:3

Na Petro bisale ye kyɛ, “Anania, nzu ati yeɛ ama abɔnzam ate maa walakalaka wɔ maa ali Sunzum Krongron ne ndurum, na afa aseɛ bɔ ɛtɔnene ne sikaa ne bie afea ɔ?

Asomafoɛ 6:13

Na bɛmane adanzewiafoɛ beegyinane berɛ bɛhane kyɛ, “Sɔ biaa he, ɔnyakyi musue dwirɛ bɔ ɔkekã tia nekaa krongron he ne mmeraa ne;

Deuteronomi 13:6

“Na sɛ eliɛma bienzua, ɛse awa bienzua anaa eni awa bienzua, anaa ɛwa bienzua anaa brasua, anaa ɛye bɔ ɔla w’ahone nwo, anaa ebiɛngo bɔ ɛne ye bɛbɔ kyiremvua bɛtafe po lakalaka wɔ ahameɛ kyɛ, ‘Maa yɛɛso nyameɛ foforɛ biemɔ’ (bɔ wɔ anaa wɔ nana mɔ bɛnze bɛ),

Tito 1:11

bɔ ɔsɛ kyɛ bɛmaa bemua bɛ noa ɔ. Bɛ yeɛ mvasoɛ fiɛ ti bekyirekyire bɔ ɔnzɛ kyɛ bekyire ɔ, na bɛfa bɛsɛkye abusuafoɛ mukoraa b’adwene.

Yakobo 2:7

Aso nna bɛ yeɛ bɛkã musue dwirɛ betia animnyam dumaa bɔ bɛfa bɛfrɛ ɛmɔ ne?

Yakobo 3:7

Na ngaka aboyaa ne nnomaa ne ngaka bɔ bɛkongo ne ɛpo nu ngaka amukoraa, sona kora tete bɛ brɛ bɛ ase, na wabrɛ bɛ ase maa batie ye.

2 Petro 3:3

Na ɔsɛ kyɛ ɛmɔdi moa bɛte ɛhe bo, kyɛ, ngyẽa bɔ oli nziɛ ye anu, ngorohoɛfoɛ kodwɔso, na bekoli bɛ bɔbɔ b’akɔnnɔ si bekoli ngorohoɛ;

3 Yohane 1:10

Yiti sɛ meba a, ngɔfa bɔ ɔyɛ ne ngɔto dwaa: odi nzekure yeayea fa yɛ nwo. Nna ɛhe angome, afei koso onzikye aliɛmaa mɔ wɔ ye awuro. Asa koso osi bɛ bɔ bekuro kyɛ bede aliɛmaa nemɔ bɛto nu ne ate, na ɔfoa bɛ fi asɔre ne anu.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:14

Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 18:23

kanea ye hyireinn ngɔta wɔ wɔ nu ko, na bɛngɔte atɔmvorɛ biaa ne atɔmvorɛ braa komvi wɔ wɔ nu ko; ofikyɛ wɔ dwadifoɛ yeɛ né bɛte atitire wɔ aseɛ so ɔ, na ɛfale wɔ ngonyaayelɛ lakalakale maen maen amukoraa.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.