Yakobo 3:5 - AHYERƐLƐ KRONGRON

⁵ Sɔ ala yeɛ temverema koso ɔte nipadua akwaa kaaba bie ɔ, nakoso ɔkekã edwirɛ mbiri mbiri hoahoa ye nwo. Ɛ́mɔtie, see kaaba bie yeɛ ɔyera ɛhɔayeɛ too ɔ!

Yakobo 3:5 Iomraidhean Croise

YOB NWOMAA NE 22:17

Na besele Nyameɛ kyɛ, ‘‘Fi yɛ so kɔ! Nzikyɛ yeɛ Tuminiɛ ne kɔhora kɔfa kɔyɛ yɛ ɔ?’

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 17:10

Bennwu sona anwumvoin koraa, na bɛfa bɛ noa bɛkekã anwomasoɛ dwirɛ.

Edwein 39:1

Ngane kyɛ, “Ngɔnea m’atee bɔ nnate so ɔ yé, amaa mamva me noa mangekã edwirɛ bɔ ɔte bɔne ɔ; ngɔfa krado ngɔto me noa nu, wɔ aberɛ bɔ bɔnefoɛ begyigyi me nyunu ye.”

Ɛksadɔso 15:9

Pɔfoɛ ne hane kyɛ, ‘Ngɔpo bɛ so, ngɔɔto bɛ, ngɔhyɛ koɛ nu nzesadeɛ ne, na me kra ko koyi. Ngɔhwe me ngrandɛ, na me sa kɔma bɛ boso konua.’

Ɛksadɔso 5:2

Nakoso Faro buale kyɛ, “AWURADE ne ole nwa bɔ ɔsɛ kyɛ metie ye ná mema Yisraelfoɛ bɛkɔ ɔ? Menze sɔ AWURADE ne, yeɛ Yisraelfoɛ koso mengɔma bɛngɔhɔ!”

Anyandera 12:18

Edwudwolɛ fumfum kora pura sona kyɛ ngrandɛ, nakoso nworɛniɛ ye noa dwirɛ de, ɔsa anwonyerɛ.

Anyandera 15:2

Nworɛfoɛ noa dwirɛ ma nimdeɛ yɛ nyemene, nakoso ngwaseafoɛ noa kekã ngwaseasɛm.

Anyandera 18:21

Sona noa dwirɛ maa onya ewue anaa ngoa, na bɔ okuro edwudwolɛ ne, onya ye nwo amaneɛ.

Anyandera 26:20

Sɛ eyein nne see nu a, onua, yeɛ sɛ nzekurebɔlɛniɛ nne berɛ a, ngondii bo pɛ.

Yeremia 18:18

Yeɛ besele kyɛ, “Ɛmɔbra maa yɛbɔ Yeremia nwo porɛ, ofikyɛ mmeraa ne ngotu ngomini ngofi ɔsɔfo berɛ, foɛtulɛ ngotu ngomini ngofi nworɛniɛ berɛ, yeɛ edwirɛ ne koso, ongotu ngomini ngofi ngɔmhyɛlɛniɛ berɛ. Ɛmɔbra maa yɛpɛ dwirɛ yɛto ye so, na nnɛmɔmaa yɛtie ye dwirɛ biala.”

Hesekiel 28:2

“Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Hesekiel 29:3

Dwudwo, ná se kyɛ, AWURADE Nyameɛ nwa nyoo, “Tie, meko metia wɔ, Misraim hene Faro, wɔ, sasrabɔnzam piri bɔ ɛla w’asue mɔ nu, bɔ ɛnwa: ‘M’asue Naele te me bɔbɔ me deɛ, na me bɔbɔ yeɛ nyɔ mane me nwo ɔ.’

Daniel 3:15

Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

Daniel 4:30

na osele kyɛ, “Babilɔn yeɛ wayɛ piri sɔa e! Aso nna me tumi piri yeɛ mafa makyekye kuro ye maa wayɛ m’ahenguro, bɔ mefa meye m’ahennie animnyam ali ɔ?”

Yakobo 3:4

Ɛ́mɔnea ɛlɛen mɔ koso. Ɔwɔ nu kyɛ bɛte mbiri paa, bɔ mvrama piri yeɛ ɔfa bɛ kɔ ɔ de, nakoso bɛfa tabɔnga kaaba bie yeɛ bɛtengyɛtengyɛ bɛ maa bɛkɔ nekaa bɔ ɛlɛenhanɛniɛ ne kuro ɔ.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.