Yakobo 3:4 - AHYERƐLƐ KRONGRON

⁴ Ɛ́mɔnea ɛlɛen mɔ koso. Ɔwɔ nu kyɛ bɛte mbiri paa, bɔ mvrama piri yeɛ ɔfa bɛ kɔ ɔ de, nakoso bɛfa tabɔnga kaaba bie yeɛ bɛtengyɛtengyɛ bɛ maa bɛkɔ nekaa bɔ ɛlɛenhanɛniɛ ne kuro ɔ.

Yakobo 3:4 Iomraidhean Croise

Yona 1:4

Nakoso AWURADE somane mvrama bie bɔ ye noa yɛ hye ɔ maa otu fale ɛpo ne aso, na mvrama piri tu fale ɛpo ne aso, bɔ né ɛlɛen ne ɔpena odwudwa ɔ.

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Mateo 8:24

Na yieee, mvrama piri bie hyɛle ye bo tuli ɛpo ne aso, maa ɔnate so asorɔkye bɔ katale ɛlɛen ne aso; nakoso ye de, né walafe.

Asomafoɛ 27:11

Nakoso asraafoɛ ɛyaa so panyi ne amva edwirɛ bɔ Pɔɔlo hane ne, na mmom ɔfale bɔ ɛlɛen mene ne ne ɛlɛenhanɛfoɛ ne hane ne.

Yakobo 3:3

Yɛfa buralɛ yɛwura mbɔngɔ noa nu maa betie yɛ, na yɛtengyɛtengyɛ bɛ maa bɛfa yɛ bɛkɔ nekaa biala bɔ yɛkuro ɔ.

Yakobo 3:5

Sɔ ala yeɛ temverema koso ɔte nipadua akwaa kaaba bie ɔ, nakoso ɔkekã edwirɛ mbiri mbiri hoahoa ye nwo. Ɛ́mɔtie, see kaaba bie yeɛ ɔyera ɛhɔayeɛ too ɔ!