Yakobo 3:2 - AHYERƐLƐ KRONGRON

² Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.

Yakobo 3:2 Iomraidhean Croise

1 Ahemvo 8:46

“Sɛ bɛyɔ bɔne betia wɔ (ofikyɛ sona biala nne berɛ bɔ ɔnyɔ bɔne ɔ), ná ɛfɛ bɛ so yaa ɛfa bɛ wura bɛ pɔfoɛ mɔ sa maa bɛkye bɛ nnure bɛkɔ pɔfoɛ nemɔ aseɛ so, kyɛ ɔwɔ dedeede, anaakyɛ opingye wa,

2 Aberɛso Dwirɛ 6:36

“Sɛ bɛyɔ bɔne betia wɔ (ofikyɛ sona biala nne berɛ bɔ ɔnyɔ bɔne ɔ), ná ɛfɛ bɛ so yaa ɛfa bɛ wura bɛ pɔfoɛ mɔ sa maa bɛkye bɛ nnure bɛkɔ aseɛ bie aso, kyɛ ɔwɔ dede, anaakyɛ opingye wa,

YOB NWOMAA NE 15:13

bɔ ɔnate so ama w’ahone ahu Nyameɛ so, bɔ ama sɔ dwirɛ ne afite wɔ noa ɔ?

Edwein 34:13

Nnɛte wɔ noa kã edwirɛ tɛɛ, yeɛ nnebukye wɔ noa pɛ ngondombo.

Edwein 39:1

Ngane kyɛ, “Ngɔnea m’atee bɔ nnate so ɔ yé, amaa mamva me noa mangekã edwirɛ bɔ ɔte bɔne ɔ; ngɔfa krado ngɔto me noa nu, wɔ aberɛ bɔ bɔnefoɛ begyigyi me nyunu ye.”

Anyandera 10:19

Mvomsoɛ mba edwudwolɛ worawora nu, nakoso sona bɔ ondwudwo pee ne, ɔte nworɛniɛ.

Anyandera 13:3

Sona bɔ ondwudwo mbaen mbaen ne, ɔpena ye ti ngoa, nakoso bɔ ye noa te kurokuro ne de, onya amaneɛ.

Anyandera 20:9

Nwa yeɛ ɔkɔhora kɔhã kyɛ, “Mate m’ahone nu sannwuu, me nwo ate afi me bɔne nwo” ɔ?

Anyandera 21:23

Ebiala bɔ ɔnea ye noa ne ye dwudwolɛ so yé ne, ɔtwe ye kra fi amaneɛ nu.

Nworɛ Dwirɛhanɛniɛ 7:20

Nahorɛ nu, sona biala nne aseɛ ye aso bɔ ye de ɔtengyɛ, ɔyɔ paa ngome, bɔ ɔnyɔ bɔne ɔ.

Yesaya 64:6

Yɛ mukoraa yayɛ kyɛ nikyee bɔ ye nwo nde ɔ, na yɛ tenenee amukoraa ɔte kyɛ ndangurɛ fiɛ; yɛ mukoraa yɛkese kyɛ nyaa, na yɛ amumuyɛɛ pia yɛ kɔ kyɛ mvrama.

Lewitikɔso 13:39

odi kyɛ ɔsɔfo ne ɔneanea ye nwo, ná sɛ ndotɔndotɔ bɔ wagua ye ne te fufue hoyaa a, ye de asee yeɛ wagua ye nwo ɔ; ye nwo te.

Mateo 12:34

Ɛmɔ, ewoo mmaa! Ɔkɔyɛ sɛɛ né ɛmɔahora bahã edwirɛ paa, wɔ aberɛ bɔ ɛmɔte bɔnefoɛ ɔ? Ofikyɛ bɔ wayi ahone nu maa wabu wafa so ne yeɛ noa ɔkã ɔ.

Mateo 12:37

Ofikyɛ wɔ noa dwirɛ so yeɛ bekogyina bekobua wɔ be ɔ; yeɛ wɔ noa dwirɛ so yeɛ bekogyina bekobua wɔ fɔ ɔ.”

Romanfoɛ 3:10

Kyɛbɔ bahyerɛ kyɛ, “Sona biala nne berɛ bɔ ɔte teneneeniɛ ɔ, ko po nne berɛ;

Romanfoɛ 7:21

Yiti mete nga kyɛ mmeraa bie yɔ adwuma wɔ me nu: na mmerɛ biala bɔ mepena kyɛ meyɔ paa nen, né bɔne aye ye ti.

1 Korintofoɛ 9:27

Na mmom mehyɛ me nipadua ne anyeborolɛ maa odi yealɛ, ama nzɛmba bɔ mekã mekyire amanvoɛ ye, me bɔbɔ mambɛ me nwo manhwere nu saleɛ.

Galatiafoɛ 3:22

Nakoso Ahyerɛlɛ ne kyire kyɛ abɔdeɛ mukoraa wura bɔne bo; kyɛbɔ ɔkɔyɛ ná bafa bɔhyɛ bɔ ogyi Yesu Kristo nu gyidie so ne bama agyidifoɛ ɔ.

Galatiafoɛ 5:17

Ofikyɛ anwoɔnaen akɔnnɔ ko tia Sunzum ne, na Sunzum koso ko tia anwoɔnaen akɔnnɔ ne. Bɛ munyɔ benyia, yiti ɔmaa ɛmɔngora nyɔ nikyee bɔ ɛmɔkuro kyɛ ɛmɔyɔ ɔ.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

Kolosefoɛ 4:12

Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

Yakobo 1:26

Sɛ ebie dwene kyɛ ɔte nyamesomniɛ, ná wannea ye dwudwolɛ so yé, ná mmom ɔlakalaka ye nwo a, sɔ sona ne nyamesom te mbaen.

Yakobo 1:4

Ɛ́mɔma ɛmɔ animia ne ɔyɔ ye adwuma yie pɛpɛɛpɛ, amaa ɛmɔali mu bɔkɔɔ bɔ siitɔlɛ biala nne ɛmɔ nu ɔ.

Yakobo 2:10

Na sona bɔ okoli mmeraa ne aso, ná ɔkɔto nu komapɛ po nen, né wali ye mukoraati nwo fɔ.

1 Petro 3:10

Ofikyɛ sona biala bɔ okuro ngoa ná ɔpena kyɛ onwu asetena paa nen, nnɛmaa ɔfa ye noa kekã musue dwirɛ, yeɛ nnɛma nnakannaka dwirɛ fite ye noa.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.