Yakobo 3:18 - AHYERƐLƐ KRONGRON

¹⁸ Na bɛ bɔ bɛpena asomdwee si atee, bɔ bedua ye asomdwee nu ne, bɛte tenenee mmaa.

Yakobo 3:18 Iomraidhean Croise

Edwein 92:14

Bɛkɔ so besu mmaa wɔ bɛ nworowaa nu, daa bɛte frɔmfrɔm ne monɛ,

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Anyandera 11:28

Sona bɔ ɔfa ye wora wura ye anwonyadeɛ nu ne, ɔbɔ ase, nakoso teneneeniɛ de, ɔkɔyɛ frɔmfrɔm kyɛ nyaa monɛ.

Anyandera 11:30

Teneneeniɛ ye mma bɔ osu te ngoa bakaa, na sona bɔ ɔtwetwe akra ne, ɔte nworɛniɛ.

Hosea 10:12

Ɛmɔlua tenenee bɛ́ma ɛmɔ nwo, ɛ́mɔbu ye wɔ anwumvoinnwunɛ nu, ɛ́mɔso ɛmɔ hɔayeɛ too ne. Ofikyɛ mmerɛ aso kyɛ ɛmɔpena AWURADE si atee ɔ, kɔpem kyɛ ɔkɔwa kɔɔtɔ tenenee nzue kogua ɛmɔ so ɔ.

Amose 6:12

Aso mbɔngɔ betu amirika wɔ nyɔbotaen so anaa? Aso bɛfa nandwie befundam berɛ anaa? Nakoso ɛmɔama ndɛenbualɛ akakyi ɛborɔ, yeɛ tenenee mma bakakyi anafranaku.

Mateo 5:9

“Bɛ bɔ bɛte patafoɛ ne banya saleɛ, ofikyɛ bɛ yeɛ bɛkɔfrɛ bɛ Nyameɛ mma ɔ.

Yohane 4:36

Sona bɔ obu ne, onya akatuaa, na ɔboaboa mmaa ne noa kɔ daa ngoa nu; na sona bɔ odua ne ɔne bɔ obu ne, benya anigye bɛbɔ nu.

Galatiafoɛ 6:8

Na bɔ sona biala dua ye wɔ anwoɔnaen akɔnnɔ nu ne, okonya ewue kofi anwoɔnaen nu; nakoso bɔ odua ye wɔ Sunzum nu ne, okonya daa ngoa kofi Sunzum nu.

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Hebrifoɛ 12:11

Kekesaala ye de, ɛtealɛ biala nne berɛ bɔ ɔma yɛ nye gye ɔ, na mmom ɔma yɛ wora bɔ. Nakoso ɛhe asi ne, bɛ bɔ bafa sɔ ɛtealɛ ne batea bɛ ne, bɛ sa kã akatuaa bɔ ɔte tenenee ne asomdwee ɔ.

Yakobo 1:20

ofikyɛ sona yaafɛlɛ ɔnyɔ bɔ ɔtengyɛ wɔ Nyameɛ nye so ɔ.