Yakobo 3:17 - AHYERƐLƐ KRONGRON

¹⁷ Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.

Yakobo 3:17 Iomraidhean Croise

1 Ahemvo 3:12

tie, me koso ngɔyɔ kyɛbɔ abisa ne ala. Mama wɔ nworɛ ne adwene bɔ ɛkɔfa konwu nikyee bɔ ɔte paa ɔ. Wɔ sɛso ɔwwale le, na wɔ si koso bengonya wɔ sɛso.

1 Ahemvo 3:28

Yisrael amukoraa tele ndɛen bɔ Nana Solomon buale ne, na ye nwo yɛle bɛ nwanwa, ofikyɛ benwuni kyɛ Nyameɛ nworɛ wɔ ye nu bɔ ɔfa bua ndɛen turoloo ɔ.

1 Ahemvo 3:9

Yiti ma w’akoaa ndeaseɛ adwene bɔ ngɔfa ngɔla wɔ mmenia noa ɔ. Maa ngora nwu paa ne tɛɛ b’afia nzonzoleɛ; ofikyɛ wɔ maen piri ye, nwa yeɛ ɔkɔhora kɔla ye noa ɔ?”

1 Aberɛso Dwirɛ 22:12

Mesrɛ AWURADE kyɛ ɔ́ma wɔ nworɛ ne ndeaseɛ, amaa sɛ ɔfa Yisrael maen ne wura wɔ sa a, anea ali AWURADE wɔ Nyameɛ mmeraa ne aso.

1 Aberɛso Dwirɛ 22:9

Tie, ɛkɔwo baa bienzua bie, na ɔkɔyɛ sona bɔ okuro asomdwee ɔ. Ngɔmaa okonya asomdwee kofi ye pɔfoɛ mɔ sa nu wɔ nekaa biala; ofikyɛ bɛkɔfrɛ ye Solomon, na ye aberɛ so, ngɔma Yisrael konya asomdwee ná Yisrael nwo atɔ ye.

YOB NWOMAA NE 28:12

“Nakoso nisua yeɛ nworɛ ɔwɔ bɔ yɛkonwu ye ɔ? Yeɛ nimdeɛ koso, nisua yeɛ ɔwɔ ɔ?

YOB NWOMAA NE 28:23

“Nyameɛ yeɛ ɔse nworɛ atee ɔ, na ye yeɛ ɔse nekaa bɔ ɔwɔ ɔ.

YOB NWOMAA NE 28:28

Na osele kuro sona kyɛ, ‘Tie, nworɛ ole kyɛ ekosuro AWURADE ɔ, yeɛ nimdeɛ ole kyɛ ɛkɔhwe wɔ nwo kofi bɔne nwo ɔ.’ ”

Ɛksadɔso 36:2

Afei Mose frɛle Besalel ne Oholiabo ne dwumvoɛ amukoraa bɔ AWURADE ama bɛ adwiililɛ nwo nimdeɛ, ɔne ebiala bɔ edwirɛ ne kanyane ye kyɛ ɔɔyɔ adwuma ne.

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Yesaya 2:4

Okoli maen maen mɔ so, okosiesie mmenia pee b’afia, bɛkɔboro bɛ ngrandɛ bɛkɔfa bɛkɔbɔ kona, ná baboro bɛ pealɛɛ bafa babɔ asɔsɔaa. Maen bie ngɔhwe obiɛngo maen so ngrandɛ, na bengosua koɛhonɛ ko.

Yesaya 32:6

Ofikyɛ kwaseaa kekã ngwaseaa dwirɛ, na ɔdwene adwene tɛɛ bɔ ɔmaa ɔyɔ amumuyɛɛ ɔ, ɔkekã AWURADE nwo dwirɛ tɛɛ, ɔma bɔ ɛhɔen ku ye ɔ ye noa aleɛ bɔ ye, na ɔmma bɔ nzuhɔen ku ye ɔ nnya nzue nno.

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Daniel 1:17

Na sɔ mmerandeɛ nna hemɔ de, Nyameɛ mane bɛ nimdeɛ ne ndeaseɛ wɔ nwomaasualɛ ne nworɛ amukoraa nu, na Daniel nyane nyekyire ne laleɛ mukoraa nu ndeaseɛ.

Malaki 2:9

Yiti, me koso, maprapra animguaseɛ magua ɛmɔ so, yeɛ mabrɛ ɛmɔ ase wɔ maen maen amukoraa bɛ nyunu, kyɛbɔ ɛmɔmva m’atee so, ná mmom ɛmɔbua ndɛengyea ne ala.”

Malaki 3:3

ɔkɔtena ase kyɛ dwumvoɛ bɔ ohuro ɛdwetɛ ɔye ye nwo fiɛ ɔ: ɔkɔte Lewi boso ama mɔ bɛ nwo, okohwi bɛ nwo kyɛ sikaa kɔkorɛ ne ɛdwetɛ, amaa ɔnate so bafa tenenee afɔleɛ babrɛ AWURADE.

Mateo 23:28

Na ɛmɔ koso, sɔ ala yeɛ ɛmɔyɛ ɛmɔ nwo kyɛ mmenia bɔ bɛtengyɛ ɔ wɔ mmenia nyunu ɔ, nakoso ɛmɔ nu de, nyaatwom ne amumuyɛɛ ayi ye to.

Mateo 5:8

“Bɛ bɔ bɛ ti anu te fufue ne banya saleɛ, ofikyɛ bɛ yeɛ bekonwu Nyameɛ ɔ.

Mateo 5:9

“Bɛ bɔ bɛte patafoɛ ne banya saleɛ, ofikyɛ bɛ yeɛ bɛkɔfrɛ bɛ Nyameɛ mma ɔ.

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Luka 6:36

Yiti ɛ́mɔnwu anwumvoin, kyɛbɔ ɛmɔ Baba koso onwu anwumvoin ne.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 1:47

Na Yesu nwuni kyɛ Nataneɛl ɔba ye berɛ nen, ɔhã fale ye nwo kyɛ, “Ɛ́mɔnea, Yisraelniɛ turoloo bɔ ngondombo biala nne ye nu ɔ!”

Asomafoɛ 11:24

Né Banaba te sona paa bɔ Sunzum Krongron ne gyidie ayi ye tɛkyɛ ɔ, na ɔhwene mmenia pee maa beelili Awurade si.

Asomafoɛ 9:36

Né gyidiniɛ braa bie bɔ bɛfrɛ ye Tabita wɔ Yopa. (Hela dwudwolɛ nu, Tabita bo kyire Dɔkase, bɔ ye koso ye bo kyire wanzane). Braa he fale paayɛlɛ ne ehiafoɛ adɔeɛyɛlɛ yɛle ye adwuma.

Romanfoɛ 12:18

Sɛ ɛmɔkɔhora a, ɛmɔ bue nu de, ɛmɔ ne ebiala bɛ́tena asomdwee nu.

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

Romanfoɛ 15:14

Aliɛmaa mɔ, me bɔbɔ mede meto nu kyɛ paayɛlɛ ali ɛmɔ ti, kyɛ ɛmɔle nimdeɛ amukoraa, na ɛmɔkora betutu ɛmɔ nwo foɛ.

1 Korintofoɛ 12:8

Sunzum ne ma sona ko kã nworɛ dwirɛ, né Sunzum komapɛ ne ala abukye sona foforɛ adwene nu ama ye nimdeɛ.

2 Korintofoɛ 10:1

Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

2 Korintofoɛ 6:6

anwotelɛ bra nu, nimdeɛ nu, animia nu, paayɛlɛ nu, Sunzum Krongron nu, ɔdɔ kaenn nu,

2 Korintofoɛ 7:11

Na sɔ aworabɔlɛ he bɔ ɔnate Nyameɛ surolɛ so wawa ye, ɛmɔnea dwumadie paa bɔ wali wɔ ɛmɔ nu ɔ: bɛ noa yelɛ nu, ahinzɛm nu, ɛserɛ nu, me nwo aworadɔlɛ, ɛmɔ mmɔdenbɔlɛ nu, ɔne wereɛtɔlɛ nu. Na atee biala so ɛmɔahyire kyɛ ɛmɔnni fɔ wɔ ɛhemɔ nwo.

2 Korintofoɛ 9:10

Na Nyameɛ bɔ ɔma kuaniɛ bakaammaa maa odua ná ɔma ye aleɛ maa odi ne, ɔkɔma ɛmɔ mmakaammaa mmorosoɛ ná wama ɛmɔ adɔeɛ ne asu mmaa pee.

Ɛfesofoɛ 5:9

ofikyɛ kanea mmaa bɔ osu ne, ɔda ali wɔ bra paa ne tenenee ne nahorɛ amukoraa nu;

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Filipifoɛ 4:8

Afei aliɛmaa mɔ, medwura edwirɛ ne kyɛ, nikyee biala bɔ ɔte nahorɛ, bɔ ɔte animnyam, bɔ ɔtengyɛ, bɔ ye nwo te, bɔ ɔyɛ nyemene, bɔ ole dumaa paa; sɛ bra paa bie wɔ berɛ a, sɛ ayɛyelɛ bie wɔ berɛ a, sɔ nningyein nemɔ yeɛ ɔsɛ kyɛ ɛmɔdwenedwene bɛ nwo ɔ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

1 Tɛsalonikafoɛ 2:7

Nakoso mmerɛ bɔ né yɛwɔ ɛmɔ berɛ nen, yɛdwole yɛ nwo ase te kyɛ brataen bɔ ɔnea ye mma ɔ.

1 Timoteo 5:21

Ngyi Nyameɛ ne Awurade Kristo Yesu ne abɔfo bɔ baneanea nu baye bɛ ne anyunu mehyɛ wɔ kyɛ, di nhyehyɛleɛ hemɔ so, bɔ ɛnnea sona nyunu anaa ɛnyɛ nyeyemuɛ ɔ.

2 Timoteo 2:24

Ɔnzɛ kyɛ Awurade akoaa kuro ngondii, na mmom ɔsɛ kyɛ ɔbrɛ ye nwo ase ma ebiala, ɔkora yɛ ngyerɛkyerɛ, ná onya aboterɛ,

Tito 1:15

Nikyee biala nwo te ma bɛ bɔ bɛ nwo te ɔ; nakoso bɛ bɔ bɛ nwo nde ná benne benni ne de, nikye fee nwo nde mma bɛ; ofikyɛ b’adwene ne bɛ tiboa nwo agua fiɛ

Tito 3:2

kyɛ, nnɛmaa bɛkã ebiala nwo dwirɛ tɛɛ, nnɛmaa bɛyɛ tuturefoɛ; na mmom bédwo bɛ nwo ase, ná bɛfa anidie bɔ odi mu ɔ bɛma mmenia mukoraa.

Hebrifoɛ 12:11

Kekesaala ye de, ɛtealɛ biala nne berɛ bɔ ɔma yɛ nye gye ɔ, na mmom ɔma yɛ wora bɔ. Nakoso ɛhe asi ne, bɛ bɔ bafa sɔ ɛtealɛ ne batea bɛ ne, bɛ sa kã akatuaa bɔ ɔte tenenee ne asomdwee ɔ.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Yakobo 2:4

aso né ɛhe ngyire kyɛ ɛmɔayɔ nyeyemuɛ, bɔ ɔmɔayɛ adwenemmɔne ndɛenbualɛfoɛ ɔ?

Yakobo 3:15

Sɔ nworɛ he de, nna anwuro yeɛ ofi ɔ, na mmom ɔte aseɛ so deɛ; nna sunzum nu deɛ ɔ, na ɔte sunzummɔne mɔ deɛ.

Yakobo 4:8

Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.

1 Petro 2:18

Ngoaa mɔ, ɛ́mɔfa esuronyi amukoraa bɛbrɛ ɛmɔ nwo ase bɛ́ma ɛmɔ mene mɔ. Nna meneɛ mɔ bɔ bɛte paa ná bedwo angome, na mmom meneɛ atianuserɛfoɛ koso bɛboka so.

1 Yohane 3:18

Me ngwadaa mɔ, nnɛmɔma yɛfa yɛ noa mbaen anaa temverema fɛɛ yɛkuro mmenia dwirɛ, na mmom ɛ́mɔma yɛyɔ ye wɔ yɔleɛ nu ne nahorɛ nu.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.