Yakobo 3:15 - AHYERƐLƐ KRONGRON

¹⁵ Sɔ nworɛ he de, nna anwuro yeɛ ofi ɔ, na mmom ɔte aseɛ so deɛ; nna sunzum nu deɛ ɔ, na ɔte sunzummɔne mɔ deɛ.

Yakobo 3:15 Iomraidhean Croise

2 Samuel 13:3

Né Amnɔn le obiɛngo bie bɔ oli Yonadabo. Ɔse ole Dawide aliɛma Simea. Né Yonadabo te kanda sona paa.

2 Samuel 15:31

Yeɛ ebie bɔle Dawide amaneɛ kyɛ, mmenia bɔ bɛ ne Absalom babɔ ye ti so porɛ ne, Ahitofel boka so. Na Dawide sele kyɛ, “AWURADE, mesrɛ wɔ, ma Ahitofel foɛtulɛ ne ɔyɛ ngwaseaa foɛtulɛ.”

2 Samuel 16:23

Sɔ mmerɛ ne, né Ahitofel foɛ biala bɔ otu ne, né ɛnwa nzɛ ɔte Nyameɛ noa dwirɛ. Yiti né Dawide ne Absalom bɛndoto Ahitofel foɛtulɛ biala ase koraa.

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

Luka 16:8

Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

Yohane 3:17

“Ofikyɛ, Nyameɛ anzoma Ɔwa ne maa wamma wiase kyɛ oobua wiase ndɛen, na mmom kyɛ ɔkɔfa ye so kole wiase ɔ.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Asomafoɛ 13:10

na osele ye kyɛ, “Ɛte abɔnzam sona! Ɛte tenenee mukoraa pɔfoɛ, nnakannaka ne amumuyɛɛ ayi wɔ ti anu tɛkyɛ, aso ɛngɔyakyi kyɛ ɛkɔhyea Awurade tenenee atee ne ɔ?

Romanfoɛ 1:22

Bɛdwenene kyɛ bɛse nworɛ, nakoso bɛte ngwaseafoɛ.

1 Korintofoɛ 1:27

Nakoso Nyameɛ fale bɔ ewiase bu ye kyɛ ɔte ngwaseasɛm ne kyɛ ɔfa gua ewiase nworɛfoɛ nyunu ase; na ɔfale bɔ ewiase bu ye kyɛ ɔyɛ mmerɛ ne, kyɛ ɔfa gua anwoserɛfoɛ nyunu ase,

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

1 Korintofoɛ 3:3

Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

2 Tɛsalonika 2:9

Amumuyɛɛniɛ ne kɔfa abɔnzam dwumadie so yeɛ ɔkɔwa ɔ, na okonya tumi kɔyɔ nzɛngyerɛnneɛ ne nnakannaka anwanwadeɛ mukoraa.

1 Timoteo 4:1

Sunzum ne kã ye pefee kyɛ mmerɛ bɔ oli nziɛ ne anu, ebiemɔ koli makyebu bekofi gyidie ne anwo bekooli ngondombo sunzum mɔ ne sunzummɔne mɔ ngyerɛkyerɛ si,

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

Yakobo 3:17

Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.

Yuda 1:19

Bɛ yeɛ bɛfa mbakyembakyemuɛ bɛba ɔ, Sunzum ne ɔnne bɛ nu, na bɛte mmenia bɔ bedi anwoɔnaen si ɔ.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 2:24

Nakoso ɛmɔ ngaa bɔ baha Tiatira, bɔ ɛmɔnni sɔ ngyerɛkyerɛ ne aso, bɔ ɛmɔanzua bɔ mmenia frɛ ye Satan mvealeɛ nu dwirɛ ne de, ɛmɔ yeɛ mekã mekyire ɛmɔ kyɛ, mengɔfa adesoa foforɛ mengɔto ɛmɔ so.

Nyekyire 9:11

Bele bɔ odi bɛ so hene, bɔ ye ole aseɛ bo dɔ kumaa kuronguronn nu abɔfo ne, bɔ ye dumaa li Abadɔn wɔ Hebri dwudwolɛ nu, yeɛ Hela dwudwolɛ nu koso oli Apolɔn.