Yakobo 3:14 - AHYERƐLƐ KRONGRON

¹⁴ Nakoso sɛ anyeboroborolɛ tɛɛ ne pɛsɛmangomenya wɔ ɛmɔ ahone nu a, ye de nnɛma ɛmɔhoahoa ɛmɔ nwo, yeɛ nnɛma ɛmɔpɛ ngondombo betia nahorɛ ne.

Yakobo 3:14 Iomraidhean Croise

Gyenesise 37:11

Yosef aliɛma nemɔ nye borole ye, nakoso ɔse de ɔfale edwirɛ nemɔ siele ye ti anu.

Gyenesise 38:9

Nakoso né Onan se kyɛ mmaa nemɔ ngɔyɛ ye deɛ. Yiti ɔne oliɛma n’aye ne lale ne, ɔmane ye nwo nzue guale ase, kyɛbɔ ɔkɔyɛ na ɔngɔwo ngɔma oliɛma ne ɔ.

2 Ahemvo 10:16

Yeɛ Yehu hane kyɛ, “Maa yɛhɔ kɔnea kyɛbɔ matu me nwo masie berɛ mama AWURADE ɔ.” Yiti ɔmane Yehonadabo tenane ye teaseɛnam ne anu bie.

2 Ahemvo 10:31

Nakoso Yehu wanni AWURADE Yisrael Nyameɛ mmeraa ne aso nahorɛ nu. Yeɛ Yeroboam bɔne bɔ ɔyɔle, bɔ ɔnate so ɔhwehwene Yisrael hɔle bɔne nu ne, wandwe ye nwo wamvi ye nwo.

YOB NWOMAA NE 5:2

Susu amba kyɛ, ɛyaafɛlɛ ku ngwaseafoɛ, yeɛ anyeboroborolɛ koso oku bɛ bɔ bagyimi ɔ.

Anyandera 14:30

Wɔ so anu tɔ wɔ a, enya anwoɔnaen nu anwoserɛ, nakoso ahoɔyea de, ɔte mmowue nu kokoram.

Anyandera 27:4

Ɛyaafɛlɛ ti anu yɛ se, yeɛ ahonehulɛ tra so, nakoso nwa yeɛ ɔkɔhora kogyina nungunɛ noa ɔ?

Yesaya 11:13

Efraim anyeboroborolɛ ne bo kɔpɛ, Yuda pɔfoɛ mɔ bɛ boso komini, Efraim nye ngɔboro Yuda ko, yeɛ Yuda ngɔpɔ Efraim ko.

Habakuku 1:3

Nzu ati yeɛ ɛmaa me nye nwu amumuyɛɛ, ná ɛma me nye nwu nhyɛsoɛ e? Basabasayɔlɛ ne nhyɛsoɛ yeɛ me nye tua ɔ; apereapereɛ ne ngondii badwɔso.

Mateo 27:18

Ofikyɛ, né Pilato se kyɛ ɛpɔen ti yeɛ baye Yesu bama ye ɔ.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Asomafoɛ 13:45

Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Asomafoɛ 26:9

“Me bɔbɔ nyɛle kyɛ odi kyɛ meyɔ nningyein pee mefa meko metia Nasarɛteniɛ Yesu ne dumaa.

Asomafoɛ 5:17

Ɔsɔfo panyi paa ne, ɔne bɛ bɔ bɛboka ye so bɔ befi Sadusiifoɛ fekue ne anu ne, bɛ nye borole asomafoɛ nemɔ, yiti bɛyɛle adwene kyɛ bɛkɔyɔ ye nwo nikye.

Asomafoɛ 7:9

“Na ɔnate kyɛ né Yakob mma ne nye boro b’eliɛma Yosef ne ati, bɛtɔnene ye maa ɔɔyɛle akoaa wɔ Misraim. Nakoso Nyameɛ gyinane ye si,

Romanfoɛ 1:29

Sɔ bɔne hemɔ ayi bɛ ti anu tɛkyɛ, amumuyɛɛ, aborɛ, anyeboroborolɛ, ɛpɔen, anyeborolɛ, awuelilɛ, patapaa, nnakannaka, kanda, nzekure;

Romanfoɛ 13:13

Ɛ́mɔma yɛbɔ bra paa bɔ ɔfata alehyeleɛ ɔ, na nna kyɛ anigye mmorosoɛ ne nzaabolɛ nu, nna adwamanbɔlɛ ne ahohwie nu, ngondii ne anyeboroborolɛ nu.

Romanfoɛ 2:17

Sɛ ɛfrɛ wɔ nwo Yudaniɛ, na ɛfa wɔ nwo to mmeraa ne aso, na ɛfa Nyameɛ hoahoa wɔ nwo;

Romanfoɛ 2:8

Yiti Nyameɛ kɔfɛ bɛ bɔ bɛte pɛsɛmangomenya ná bɛyɛ nahorɛ ne nwo asoserɛ, ná afei bedi bɔne si ne aso yaa piri paa, ná wamaa banwu amaneɛ.

1 Korintofoɛ 13:4

Ɔdɔ le aboterɛ, na ye ti anu yɛ mmerɛ; ɔdɔ de, ɔtte ahoɔyea, ongyire ye nwo, na ɔmmoma ye nwo so.

1 Korintofoɛ 3:3

Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

1 Korintofoɛ 5:2

Nakoso ɛmɔhoahoa bɛ nwo! Ɛmɔ wora mmom yeɛ ɔsɛ kyɛ ɔbɔ ɔ, ná ɛmɔye sona bɔ wabɔ sɔ musue ne befi ɛmɔ nu.

1 Korintofoɛ 5:6

Ɔnzɛ kyɛ ɛmɔhoahoa ɛmɔ nwo. Ɛmɔnze kyɛ mɔle harewaa kãa bie yeɛ ɔfra mɔle torɛ ne amukoraa nu maa ɔkeka ɔ.

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

Galatiafoɛ 5:15

Nakoso sɛ ɛmɔkeka ná ɛmɔpurapura ɛmɔ nwo de a, ɛ́mɔnea yé ná ɛmɔangukũ ɛmɔ nwo.

Galatiafoɛ 5:20

bosoensolɛ, bayie, ɛpɔen, ngondii, ahoɔyea, ɛyaafɛlɛ, pɛsɛmangomenya, ɛyakalɛ, ndoto,

Galatiafoɛ 5:21

anyeboroborolɛ, awuelilɛ, nzaabolɛ, ewiase anigye mbaen mbaen ɔne nningyein bɔ ɔtete sɔa ɔ. Mebɔ ɛmɔ ɛhemɔ nwo kɔkɔ, kyɛbɔ mabɔ ɛmɔ kɔkɔ daa ne, kyɛ bɛ bɔ bɛyɔ sɔ nningyein nemɔ ngɔhɔ Nyameɛ ahennie ne anu.

Galatiafoɛ 5:26

Nnɛmɔma yɛmoma yɛ nwo so, yɛfefɛ yɛ nwo yaa ná yɛma yɛ nye boro yɛ biɛngo.

Galatiafoɛ 6:13

Na bɛ bɔ bapɛ bɛ bienzua ne po, bɛ bɔbɔ benni mmeraa ne aso; nakoso bɛpena kyɛ ɛmɔpɛ ɛmɔ bienzua, amaa ɔnate so bahoahoa bɛ nwo ɛmɔ nwonaen nu.

Filipifoɛ 1:15

Ɔte amba kyɛ, ebiemɔ wɔ berɛ bɔ bele sona nwo anyeboro ne apereapereɛ yeɛ bɛkã Kristo nwo dwirɛ ne ɔ, nakoso ebiemɔ de, bele adwene paa yeɛ bɛkã ɔ.

Filipifoɛ 2:3

Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.

1 Timoteo 2:4

ye bɔ okuro kyɛ mmenia amukoraa benya daa ngoa ná bɛba nahorɛ nimdeɛ ne anu ne.

1 Timoteo 6:4

sɔ sona ne moma ye nwo so, na ɔnze huu, aporowaasulɛ ne aporowaasulɛ kyengyekyengye ali ye ti; na bɔ ofi nu ba ole anyeboroborolɛ, mbakyembakyemuɛ, nzekure, mmenia nwo adwenemmɔne,

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Yakobo 1:18

Ɔnate ye bɔbɔ ye pɛ so yeɛ ɔfale nahorɛ dwirɛ ne wole yɛ ɔ, kyɛ yɛyɛ ye abɔdeɛ ne anu nikyee bɔ oli moa ɔ.

Yakobo 3:16

Ofikyɛ nekaa bɔ anyeboroborolɛ ne pɛsɛmangomenya wɔ ne, berɛ yeɛ basabasa ne bɔne yɔleɛ amukoraa wɔ ɔ.

Yakobo 5:19

Nniɛma mɔ, sɛ ɛmɔ nu bie di nahorɛ ne nwo makyebu, ná ebie sa fa ye ba a,