Yakobo 3:10 - AHYERƐLƐ KRONGRON

¹⁰ Noa komapɛ ne anu yeɛ saleɛ ne amoenwaa fi ɔ. Aliɛmaa mɔ, ɔnzɛ kyɛ ɔba ye sɔ ɔ!

Yakobo 3:10 Iomraidhean Croise

Gyenesise 20:9

Na Abimɛlɛke frɛle Abraham bisale ye kyɛ, “Nzikyɛ dwirɛ yeɛ afa ali yɛ sɔa ye? Nzikyɛ bɔne yeɛ mafa mayɔ wɔ, bɔ yiti yeɛ ama musue piri he ato me ne m’ahennie ye? Edwirɛ bɔ ɔtte mayee yeɛ afa ali me ɔ.”

2 Samuel 13:12

Nakoso obuale ye kyɛ, “Daabi, nniɛma bienzua, nnɛyere me, ofikyɛ bɛnyɔ sɔ nikyee ne wɔ Yisrael maen nu; nnɛbɔ sɔ musue ne!

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Romanfoɛ 12:14

Ɛ́mɔyirayira bɛ bɔ bɛtane ɛmɔ nye ɔ, ɛ́mɔyirayira bɛ, na nnɛma ɛmɔnoma bɛ.

1 Korintofoɛ 3:3

Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

1 Timoteo 5:13

Afei koso, besua akwadworɔ, na bekyinikyini awuro mɔ nu; nna kyɛ bɛyɛ foen ngome, na mmom bɛyɛ asɛmbɛ ne nzekure, na bɛkekã edwirɛ bɔ ɔmvata ɔ.

Yakobo 1:16

Nniɛma mɔ bɔ ɛmɔla m’ahone nwo ɔ, nnɛmɔma bɛlakalaka ɛmɔ.

Yakobo 1:19

Aliɛmaa adɔfo mɔ, ɛ́mɔtie ɛhe yé. Ɔsɛ kyɛ sona biala yɛ ndɛ tie, nnɛmaa ɔpe ndɛen dwudwo, nnɛmaa ɔpe ndɛen fɛ yaa;

Yakobo 3:1

Aliɛmaa mɔ, nnɛmɔma ɛmɔ nu somaa yɛ akyerɛkyerɛfoɛ, na ɛmɔse kyɛ bekobua yɛ foɛ piri mmom.

Yakobo 3:11

Asue ti komapɛ ne, aso opu nzue bɔ ɔyɛ fɛ ne bɔ ɔyɛ wee ɔ?

Yakobo 3:9

Ye yeɛ yɛfa yɛyirayira yɛ Nyameɛ ne Baba ne; na ye komapɛ ne ala yeɛ yɛfa yɛnoma kuro mmenia bɔ Nyameɛ abɔ bɛ kyɛ ye sɛso ɔ.

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.