Yakobo 2:9 - AHYERƐLƐ KRONGRON

⁹ Nakoso sɛ ɛmɔnea sona nyunu bɛyɛ nyeyemuɛ a, né ɛmɔayɔ bɔne, na mmeraa ne bua ɛmɔ ndɛen kyɛ mmeraatolɛfoɛ.

Yakobo 2:9 Iomraidhean Croise

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Yohane 16:8

Na ye de, sɛ ɔba a, ɔkɔma wiase konwu ye mvomsoɛ wɔ bɔne ne tenenee ne ndɛenbualɛ nwo.

Yohane 8:46

Ɛmɔ nu nwa yeɛ obua me foɛ wɔ bɔne bie nwo ɔ? Na sɛ mekã nahorɛ ne a, nzu ati yeɛ ɛmɔnne me benni ɔ?

Yohane 8:9

Na bɛtele sɔ dwirɛ nen, bɛ bɔbɔ bɛ tiboa buale bɛ fɔ; yiti befili berɛ bɛhɔle ngoko ngoko, ofi mbanyi nemɔ so maa oodwuli ngwadaa so. Na ɔhale Yesu ngome berɛ, ɔne braa ne bɔ ogyi ye nyunu berɛ ne.

Asomafoɛ 10:34

Na Petro sele kyɛ, “Nahorɛ nu, manwu kyɛ Nyameɛ nyɛ nyeyemuɛ,

Romanfoɛ 3:20

Yiti bengogyina mmeraa nnwumaa so bengobua sona biala be wɔ Nyameɛ nyunu, ofikyɛ mmeraa ne de, ɔma sona nwu ye bɔne.

1 Korintofoɛ 14:24

Nakoso sɛ ɛmɔ amukoraa ɛmɔhyɛ ngɔm, ná sɛ ebie bɔ onne nni anaa ebie mbaen ba berɛ a, edwirɛ bɔ ɔkɔte ne amu kobua ye ndɛen na wapusu ye.

Galatiafoɛ 2:19

Na mede mvale mmeraa ne aso nwu mane mmeraa ne, kyɛbɔ ngɔtena ase ngɔma Nyameɛ ɔ.

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

1 Yohane 3:4

Ebiala bɔ ɔyɔ bɔne ne, ɔto mmeraa, ofikyɛ bɔne te mmeraatolɛ.

Yuda 1:15

kyɛ ɔbaabua ebiala ndɛen, na okobua amumuyɛɛfoɛ amukoraa foɛ wɔ b’amumuyɛɛ yɔleɛ amukoraa nwo, ɔne edwirɛ tɛɛ amukoraa bɔ bɔnefoɛ amumuyɛɛfoɛ bakekã batia ye ɔ nwo.”