Yakobo 2:8 - AHYERƐLƐ KRONGRON

⁸ Yiti sɛ ɛmɔdi dehyeɛ mmeraa ne aso nahorɛ nu, kyɛbɔ Ahyerɛlɛ ne kã kyɛ, “Kuro ebiɛngo dwirɛ kyɛ wɔ bɔbɔ wɔ nwo” ne a, ye de né ɛmɔayɛ nikye.

Yakobo 2:8 Iomraidhean Croise

1 Ahemvo 8:18

Nakoso AWURADE sele me baba Dawide kyɛ, ‘Ayɛ nikyee kyɛ adwene ye nwo kyɛ ekosi sua kɔfa me dumaa kɔto so ɔ.

2 Ahemvo 7:9

Yeɛ besisele bɛ nwo kyɛ, “Nikyee bɔ yɛyɔ ye, ɔtte mayee. Ɛnɛ te ndɛenvɛen kyẽa. Sɛ yammɔ so ná yɛtena berɛ ma aleɛ kye a, yɛkoli ye nwo fɔ. Yiti ɛ́mɔma yɛhɔ ahemvie yɛɛbɔ amaneɛ.”

Lewitikɔso 19:18

Nnɛtɔ wɔ mmenia ne anu biala so wereɛ, yeɛ nnɛfa ebiala nwo dwirɛ sie wɔ ti anu, na mmom kuro ebiɛngo dwirɛ kyɛ wɔ bɔbɔ wɔ nwo: me ole AWURADE.

Lewitikɔso 19:34

Ɛwɔfoɛ bɔ waatena ɛmɔ nu ne, ɛ́mɔfa ye kyɛ ɔte kuromani; ná kuro ɛwɔfoɛ ne dwirɛ kyɛ wɔ bɔbɔ wɔ nwo, ofikyɛ né ɛmɔte ɛwɔfoɛ wɔ Misraim aseɛ so: Me ole AWURADE wɔ Nyameɛ.

Yona 4:4

Yeɛ AWURADE buale kyɛ, “Aso ɔte paa kyɛ ɛfɛ yaa ɔ?”

Yona 4:9

Yeɛ Nyameɛ bisale Yona kyɛ, “Aso ɔte paa kyɛ ngomvo bakaa ne ati ɛfɛ yaa ɔ?” Na obuale kyɛ, “Yoo, odi kyɛ mefɛ yaa bɔ mewu po a ahaa mekuro ɔ.”

Mateo 22:39

Na bɔ ɔtɔ so nyɔ ne koso ɔte kyɛ ɛhene ala: Kuro ebiɛngo dwirɛ kyɛ wɔ bɔbɔ wɔ nwo!

Mateo 25:21

Yeɛ ye mene ne sele ye kyɛ, ‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Mateo 25:23

Yeɛ ye mene ne sele ye kyɛ, ‘‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Mateo 7:12

Yiti nikyee biala bɔ ɛmɔpena kyɛ mmenia yɔ ma ɛmɔ ne, ɛmɔ koso ɛ́mɔyɔ sɔ ala bɛ́ma bɛ; ofikyɛ porɛ bɔ mmeraa ne ne ngɔmhyɛlɛfoɛ nemɔ gyi so hɔ ɛne.

Romanfoɛ 13:10

Sɛ ekuro ebiɛngo dwirɛ a, ɛnyɛ ye bɔne; yiti ɔdɔ yeɛ mmeraa ne gyi so ɔ.

Galatiafoɛ 5:14

Ofikyɛ babɔ mmeraa ne amukoraa porɛ komapɛ kyɛ, “Kuro ebiɛngo dwirɛ kyɛ wɔ bɔbɔ wɔ nwo.”

Galatiafoɛ 6:2

Ɛ́mɔbokaboka bɛ nwo, na sɔ yeɛ ɔmaa ɛmɔdi Kristo mmeraa ne aso pɛpɛɛpɛ ɔ.

Filipifoɛ 4:14

Nakoso ɔte paa kyɛ ɛmɔbokale me wɔ m’anwokyere nu ɔ.

1 Tɛsalonikafoɛ 4:9

Onhia kyɛ ngɔhyerɛ ngɔkɔbrɛ ɛmɔ kyɛ ɛmɔhurohuro ɛmɔ aliɛma mɔ bɛ dwirɛ ɔ, ofikyɛ Nyameɛ ahyirehyire ɛmɔ kyɛ ɛmɔhurohuro ɛmɔ nwo dwirɛ.

Yakobo 1:25

Nakoso sona bɔ ɔgyene ye nye nea fawɔnwodi mmeraa bɔ odi mu ne anu, ná ɔtena nu, ná wanyɛ tiefoɛ aworafireniɛ, na mmom odi so ɔyɔ nen, bekoyira ye wɔ bɔ ɔyɔ ɔ nu.

Yakobo 2:12

Yiti bɔ ɛmɔkã ne, ɛ́mɔyɔ sɔ, kyɛ mmenia bɔ bɛkɔfa fawɔnwodi mmeraa ne aso bekobua bɛ ndɛen ɔ.

Yakobo 2:19

Yeɛ ede di kyɛ Nyameɛ te komapɛ? Ayɔ nikye, sunzummɔne mɔ po bede bedi, na bɛ nwo wosowoso bɛ.

Yakobo 4:11

Aliɛmaa mɔ, nnɛma ɛmɔkekã ɛmɔ nwo dwirɛ tɛɛ. Na ebiala bɔ ɔkã oliɛngo nwo dwirɛ tɛɛ anaa obua ye ndɛen ne, ɔkã mmeraa ne nwo dwirɛ tɛɛ, na obua mmeraa ne ndɛen. Na sɛ ebua mmeraa ne ndɛen a, né ɛnyɔ bɔ mmeraa ne kã ne, na mmom ɛte ye so ndɛenbualɛniɛ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.