Yakobo 2:7 - AHYERƐLƐ KRONGRON

⁷ Aso nna bɛ yeɛ bɛkã musue dwirɛ betia animnyam dumaa bɔ bɛfa bɛfrɛ ɛmɔ ne?

Yakobo 2:7 Iomraidhean Croise

Edwein 111:9

Ɔpepɛ lele ye maen; wahyɛ kyɛ ye apam tena berɛ afebɔɔ. Ye dumaa te Krongron, na ɔyɛ suro!

Edwein Nu Dwein 1:3

Wɔ sakyeɛ ne bo fona paa, yeɛ wɔ dumaa te kyɛ sakyeɛfona bɔ béhwie ɔ; ye sɔ ati yeɛ ndaluwa kuro wɔ ye.

Yesaya 43:7

ebiala bɔ bɛfa me dumaa bɛfrɛ ye ɔ, bɔ mmɔle ye kyɛ ɔhyɛ me animnyam ɔ, bɔ nwone ye, ná nyɔle ye ɔ.”

Yesaya 65:15

Na me mmenia bɔ mapa nu maye bɛ ne, ɛmɔ dumaa bɔ ɛmɔkɔyakyi ye berɛ ne, ɔkɔyɛ b’amonwaa dwirɛ, na AWURADE Nyameɛ kohũhũ ɛmɔ; nakoso ye somvoɛ mɔ de, ɔkɔto bɛ dumaa foforɛ;

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 12:24

Nakoso Farasiifoɛ nemɔ tele sɔ dwirɛ nen, bɛhane kyɛ, “Sɔ biaa he, sunzummɔne mɔ panyi Beɛsebul tumi yeɛ ɔfa tutu sunzummɔne mɔ ɔ.”

Mateo 27:63

na bɛhane kyɛ, “Yɛ mene, yɛkaye kyɛ sɔ nnakannakaniɛ ne ɔte ase ne, ɔhane kyɛ, ‘Ɛlɛsa asi ne, ngotingye’

Asomafoɛ 11:26

Na onwuni Sɔɔlo nen, ɔfale ye wale Antiokia. Bɛ munyɔ bɛ ne Antiokia asɔremma ne bɛtenane afoɛ ko mumua, na bɛyɛle ngyerɛkyerɛ behyirele mmenia pee. Na Antiokia berɛ yeɛ belili moa bɛfrɛle agyidifoɛ nemɔ Akristofoɛ ɔ.

Asomafoɛ 15:17

amaa ɔnate so mmenia bɔ baha ne, yeɛ Amaenmaensofoɛ bɔ mafrɛ bɛ kyɛ bɛyɛ me deɛ ne, bapena Awurade si atee.

Asomafoɛ 26:11

Ndaa ndwene bɛ so wɔ nyianu sua biala nu, na mmɔle mmɔden kyɛ ngɔhyɛ bɛ maa bɛkɔpa bɛ gyidie si ɔ. Me nye borole bɛ so paa maa afei de po ndanene bɛ nye alaa ngondwuli amanvrafoɛ nguro so.

Asomafoɛ 4:12

Na ngoalelɛ nne ebiala nu; ofikyɛ dumaa biala nne nyameɛso bo bɔ bafa bama wɔ adasa mmaa nu bɔ ɔsɛ kyɛ bede yɛ ngoa wɔ nu ɔ.”

Ɛfesofoɛ 3:15

bɔ ye nu yeɛ abusua biala bɔ ɔwɔ nyameɛso ne aseɛ so onya ye dumaa fi ne,

1 Timoteo 1:13

Ɔwɔ nu kyɛ daa ne de, ngekane musue dwirɛ ndiale ye, ndanene ye nye, nyɛle ye so patapaa; nakoso onwuni me anwumvoin, ofikyɛ né menze bɔ meyɔ ɔ, na nyɔle ye wɔ elelɛ bɔ né menne menni ne anu.

1 Petro 4:16

Nakoso sɛ ebie te Kristoniɛ ti, ná onwu amaneɛ a, nnɛmaa ɔyɛ ye nya; na mmom maa ɔhyɛ Nyameɛ animnyam kyɛ sɔ dumaa ne la ye so ɔ.

Nyekyire 19:13

Né owura ataadeɛ bie bɔ bafa bawura mogya nu ɔ, na ye dumaa li “Nyameɛ Dwirɛ.”

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”