Yakobo 2:6 - AHYERƐLƐ KRONGRON

⁶ Nakoso ɛmɔbu ehianiɛ animtia! Aso nna sikafoɛ yeɛ bɛhyɛ ɛmɔ so ɔ, aso nna bɛ yeɛ bɛtwe ɛmɔ bɛkɔ badwafoɛ nyunu ɔ?

Yakobo 2:6 Iomraidhean Croise

YOB NWOMAA NE 20:19

Ofikyɛ wasisi mmenia bɔ bɛyɛ anwumvo ɔ, na wasa wapo bɛ, na wale sua bɔ nna ye yeɛ osili ɔ mbendene so.

Edwein 10:10

Ɔkoto, na okundu berɛ, na ɔfa ye anwoserɛ ɔma mmenia bɔ bɛyɛ anwumvo ne bɛtɔ ye ngaen nu.

Edwein 10:14

Nakoso enwu ye. Amba, wɔ nye tua amaneɛ ne aworabɔlɛ bɔ ɔba ɔ, maa yiti ɛkɔhwe ye so wɔ ye nwo. Sona bɔ ɔyɛ anwumvo ne, ɔfa ye nwo wura wɔ sa; wɔ yeɛ ɛte ayisiaaniɛ bokafoɛ ɔ.

Edwein 10:2

Bɔnefoɛ bele anwomasoɛ bɛtane bɛ bɔ bɛyɛ anwumvo ɔ, bɛ nye; porɛ bɔ babɔ ne, maa obu sa bɛ.

Edwein 10:8

Ɔtetɛ wɔ nguraa mɔ nu; odi mmenia bɔ bɛyyɔle tɛɛ ɔ awue wɔ mvealeɛ nu. Bɛ bɔ bɛyɛ anwumvo yeɛ ole bɛ nwo anyeɛ ɔ.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 14:6

Sona bɔ ɔyɛ anwumvo ne, ɛmɔama ye nzusuleɛ ayɛ basaa, nakoso AWURADE yeɛ ɔte ye afealeɛ ɔ.

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Anyandera 17:5

Ɛgoro sona bɔ ɔyɛ anwumvo nwo a, né agua ye Nyameɛ bɔ ɔbɔle ye ne nyunu ase, yeɛ sona bɔ edwirɛ to obiɛngo a ɔyɛ ye fɛ ne, ɔngɔfa ye nwo ngoli tɔtorɔtɔɔ.

Anyandera 18:23

Ehianiɛ noa dwirɛ te kyerɛpalɛ, nakoso sikaniɛ de, ɔma mmuayɛɛ fumfum.

Anyandera 22:16

Sona bɔ osisi ehiafoɛ fa nya ye nwo, ɔne bɔ ɔfa ye anwonya kyɛ sikafoɛ ne, ehiaa yeɛ okohia ye ɔ.

Anyandera 22:7

Sikafoɛ di ehiafoɛ so, yeɛ sona bɔ obisa bosea ne, ɔte bɔ ɔbɔ bosea n’akoaa.

Nworɛ Dwirɛhanɛniɛ 5:8

Sɛ enwu kyɛ manzini bie anu besisi ehianiɛ, kyɛ bebua ndɛengyea, ɔne kyɛ bɛkatakata nahorɛ so a, nnɛma sɔ dwirɛ ne yɛ wɔ nwanwa, ofikyɛ panyi bie yeɛ ɔnea sɔ panyi ne so ɔ, na bewura mbanyi paa biemɔ abo.

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Amose 5:11

Ɔnate kyɛ ɛmɔsisi bɛ bɔ bɛyɛ anwumvo, ná ɛmɔbɔ bɛ apoo bede atokoɔ befi bɛ berɛ ne ati, nyɔboɛ bɔ badwa ɔ yeɛ ɛmɔafa basisi sua ɔ, nakoso ɛmɔngɔtena nu. Ɛmɔayɔ bobe boo nyemene mɔ de, nakoso ɛmɔngɔno nu bobe nzaa ne bie.

Habakuku 3:14

Ɛfale ye bɔbɔ ye pealɛɛ sinane bɔ ɔla ye koɛhonɛfoɛ nemɔ noa ne; bɛwale kyɛ mvrama bɔ ɔpɛ ye nwo ɔ, kyɛ bɛbabɔ me bɛpete. Bɔ bɛ nye gye ye nwo ole kyɛ bekohu anwumvoin mmenia wɔ mvealeɛ nu ɔ.

Sakaria 7:10

nnɛma ɛmɔsisi kunafoɛ, ayisiaa, ɛwɔfoɛ ne ehianiɛ; yeɛ nnɛma ɛmɔ nu biala dwene obiɛngo nwo adwene tɛɛ.”

Yohane 8:49

Na Yesu buale kyɛ, “Me de, nnne sunzummɔne; na mmom medi me Baba ni, na ɛmɔ de, ɛmɔnni me ni.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 17:6

Na bannwu bɛ nen, bɛhwene Yason ne agyidifoɛ ne biemɔ bɛɛmane kuro ne anu mbanyi mɔ, na bɛteateane nu kyɛ, “Mmenia hemɔ bɔ bama ewiase amukoraa ayɛ basabasa ne, bawa wa koso,

Asomafoɛ 18:12

Mmerɛ bɔ né Galio te amrado wɔ Akaia nen, Yudafoɛ nemɔ yɛle ko, bɛhyele Pɔɔlo, na bɛhwene ye bɛhɔle badwafoɛ nyunu.

Asomafoɛ 8:3

Nakoso Sɔɔlo de, ɔbɔle mmɔden ala kyɛ ɔkɔha asɔre ne; owurawurale awuro mɔ nu hyehyele agyidifoɛ mmienzua ne mmrasua maa bɛfale bɛ beguale kuku nu.

1 Korintofoɛ 11:22

Nzu ɔ! Ɛmɔlle awuro mɔ bɔ ɛmɔdidi nu ná ɛmɔno wɔ nu hɔ ɔ? Anaakyɛ Nyameɛ asɔre ne yeɛ ɛmɔbu ye animtia ná ɛmɔsa begua ehiafoɛ nyunu ase ɔ? Nzikyɛ koraa yeɛ nga ngyire ɛmɔ ɔ? Ngamvo ɛmɔ wɔ ɛhe anwo anaa? Daabi! Mengɔkamvo ɛmɔ.

Yakobo 2:3

ná sɛ ɛmɔfa anidie bɛma bɔ owura ndaadeɛ nyemene ne, ná ɛmɔkã bekyire ye kyɛ, “Tena bia paa he aso,” ná ɛmɔkã bekyire ehianiɛ ne koso kyɛ, “Wɔ de, gyina dɔ” anaakyɛ “Tena ase wɔ me gya bo wa” a,

Yakobo 5:4

Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.

Yakobo 5:6

Ɛmɔabua teneneeniɛ foɛ bahũ ye, wɔ aberɛ bɔ onzi ɛmɔ ate ɔ.