Yakobo 2:26 - AHYERƐLƐ KRONGRON

²⁶ Na kyɛbɔ nipadua bɔ sunzum nne nu ne ɔte wuruwaa nen, sɔ ala yeɛ gyidie bɔ nnwumaa nne nu ne ɔte wuruwaa ɔ.

Yakobo 2:26 Iomraidhean Croise

Edwein 104:29

Sɛ ɛye wɔ nye fea bɛ a, bɛ kunu te bɛ, sɛ etua bɛ nwomeɛ a, bewuwu, na besa bɛkɔ bɛ mvuture nu.

Edwein 146:4

Sɛ sona nwomeɛ fi ye nu a, sona sa kɔ ye nnɛterɛ nu; sɔ kyẽa ne ala, ye nhyehyɛleɛ ye bo pɛ.

Nworɛ Dwirɛhanɛniɛ 12:7

koraka né nnɛterɛ asa ahɔ nnɛterɛ nu kyɛbɔ né ɔte daa ne ala, koraka né nwomeɛ wasa wahɔ Nyameɛ bɔ ɔfa mane ne berɛ.

Yesaya 2:22

Kuro sona bɔ ode nwomeɛ fa ye bonyi anu ne, nnɛma ɛmɔfa bɛ nwo bɛto ye so. Kuro sona te nzu?

Luka 23:46

Afei Yesu teane nu serɛserɛ kyɛ, “Baba, wɔ sa nu yeɛ mefa me sunzum mewura ɔ!” Na ɔhane ɛhe ne, ɔhale nu.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Yakobo 2:14

Nniɛma mɔ, sɛ ebie kã kyɛ ole gyidie, nakoso olle nnwumaa a, né mvasoɛ beni yeɛ ɔwɔ so ɔ? Sɔ gyidie ne, ɔkɔhora kole ye ngoa anaa?

Yakobo 2:17

Sɔ ala yeɛ gyidie ngome koso ɔte ɔ. Sɛ nnwumaa nne nu a, ɔte wuruwaa.

Yakobo 2:20

Wɔ bɔ wadwene te kãa ɔ! Ɛpena kyɛ bɛkã bekyire wɔ kyɛ gyidie bɔ nnwumaa nne nu ne ɔte wuruwaa anaa?