Yakobo 2:21 - AHYERƐLƐ KRONGRON

²¹ Aso nna nnwumaa so yeɛ begyina bebuale yɛ nana Abraham be, mmerɛ bɔ ɔfale ɔwa Yisake tole afɔleɛ bokyea ne aso kyɛ ɔfa ye bɔ afɔleɛ ne?

Yakobo 2:21 Iomraidhean Croise

Edwein 143:2

W’akoaa, nnɛfa me wura ndɛenbualɛ nu, ofikyɛ teasefoɛ biala nni be wɔ wɔ nyunu.

Yesaya 51:2

Ɛ́mɔnea ɛmɔ nana Abraham ne Sara bɔ bɛwole ɛmɔ ne; ofikyɛ mvrɛle Abraham ne, né ɔte sona horɛ, nyirale ye, na mmaa ɔtale pee.

Mateo 12:37

Ofikyɛ wɔ noa dwirɛ so yeɛ bekogyina bekobua wɔ be ɔ; yeɛ wɔ noa dwirɛ so yeɛ bekogyina bekobua wɔ fɔ ɔ.”

Mateo 3:9

Na nnɛma ɛmɔlakalaka ɛmɔ nwo bɛka kyɛ, ‘Abraham bosofoɛ ole yɛ’; na mekã mekyire ɛmɔ kyɛ, Nyameɛ kɔhora kɔkakyi nyɔboɛ hemɔ maa bɛkɔyɛ Abraham bosofoɛ.

Luka 1:73

Ndaen bɔ ɔta hyirele yɛ nana Abraham

Luka 16:24

Na ɔteane nu kyɛ, ‘Ngya Abraham ee, nwu me anwumvoin oo, ná soma Lasarɔso maa ɔfa ye sa mmɛseka noa ɔbɔ nzue nu, ná ɔɔfa hã me temverema so ma so yɛ fɔnwoo; ɔnate kyɛ me nwo yerayera me wɔ see wuronyiwuronyi he anu!’

Luka 16:30

Na osele kyɛ, ‘Daabi, Ngya Abraham; nakoso sɛ ebie fi awufoɛ nu kɔ bɛ berɛ a, yeɛ bɛkɔsakyera b’adwene ɔ.’

Yohane 8:39

Bebuale ye kyɛ, “Yɛ nana ole Abraham.” Na Yesu sele bɛ kyɛ, “Sɛ ɛmɔte Abraham nnomaa a, ahaa ɛmɔkɔyɔ bɔ Abraham yɔle ɔ;

Yohane 8:53

Edi mu tra yɛ nana Abraham bɔ owuli ne anaa? Ngɔmhyɛlɛfoɛ nemɔ koso bewuwuli. Ɛdwene kyɛ ɛte nzu koraa?”

Asomafoɛ 7:2

Na Setefano buale kyɛ, “Aliɛmaa mɔ ne me baba mɔ, ɛ́mɔtie me! Animnyam Nyameɛ ne ɔyele ye nwo ali hyirele yɛ nana Abraham mmerɛ bɔ né ɔwɔ Mesopotamia ne, koraka yeɛ ɔbaahɔ kɔtena Haran ɔ,

Romanfoɛ 3:20

Yiti bengogyina mmeraa nnwumaa so bengobua sona biala be wɔ Nyameɛ nyunu, ofikyɛ mmeraa ne de, ɔma sona nwu ye bɔne.

Romanfoɛ 4:1

Yɛ anwoɔnaen nu nana Abraham, bɔ onyane ye ne, nzikyɛ yeɛ yɛkã yɛfa ye nwo ɔ?

Romanfoɛ 4:12

Sɔ ala yeɛ Abraham te bɛ bɔ bapɛ bɛ bienzua ne bɛ nana ɔ; nna bɛ bienzuapɛlɛ ne ngome po, na mmom bɛfa gyidie bɔ yɛ nana Abraham nyane ye koraka yeɛ bɛpɛ ye bienzua ne bɛyɛ nhwɛsoɛ.

Romanfoɛ 4:16

Yiti bɔhyɛ ne gyi gyidie so, amaa ɔnate so bɔhyɛ ne wagyina adom so, ná watindim berɛ wama ye bosofoɛ amukoraa. Bɔhyɛ ne ɔtte bɛ bɔ bedi mmeraa ne aso ngome bɛ deɛ, na mmom ɔte ebiala bɔ wanya gyidie kyɛbɔ Abraham nyane ye ne koso deɛ; ofikyɛ ɔte yɛ mukoraa yɛ nana,

Hebrifoɛ 11:17

Ɔnate gyidie so yeɛ Abraham, bɔ né Nyameɛ ahyɛ ye bɔ ne, ɔfale ɔwa bienzua Yisake komapɛ twe ne kyɛ ɔfa ye bɔ afɔleɛ wɔ mmerɛ bɔ Nyameɛ sole ye neane ne.

Yakobo 2:18

Amba, ebie kɔhã kyɛ, “Ele gyidie, yeɛ me wora nne nnwumaa.” “Kyire me wɔ gyidie bɔ nnwumaa nne nu ɔ, na me koso ngɔfa me nnwumaa ngohyire wɔ me gyidie.”

Yakobo 2:24

Na ɛhe ma ɛmɔnwu ye kyɛ begyina sona nnwumaa so yeɛ bebua ye be ɔ, na bengyina ye gyidie ngome so.

Yosua 24:3

Yeɛ nyele ɛmɔ nana Abraham mvili asue ne asi dɔ, mvale ye mvale Kanaan aseɛ ne aso amukoraa, na mmane ye bosofoɛ yɛle pee. Mmaa ɔwole Yisake.