Yakobo 2:20 - AHYERƐLƐ KRONGRON

²⁰ Wɔ bɔ wadwene te kãa ɔ! Ɛpena kyɛ bɛkã bekyire wɔ kyɛ gyidie bɔ nnwumaa nne nu ne ɔte wuruwaa anaa?

Yakobo 2:20 Iomraidhean Croise

Anyandera 12:11

Sona bɔ ɔyɔ ye aseɛ so adwuma ne, odidi ma ye ko yi, nakoso bɔ odi nningyein mbaen mbaen si ne de, adwene nne ye ti anu.

Yeremia 2:5

AWURADE nwa nyoo: “Nzikyɛ mvomsoɛ yeɛ ɛmɔ nana mɔ benwuni ye wɔ me nwo, bɔ ɔnate so bɛhwene bɛ nwo befili me nwo bɛhɔle dedeede beelili nningyein mbaen mbaen si, maa bɛ koso bɛkakyili mmenia mbaen ɔ?

Romanfoɛ 1:21

Né bɛse Nyameɛ de, nakoso banhyɛ ye animnyam kyɛ Nyameɛ, banna ye ase, na mmom b’adwene yɛle ngwaseaa adwene, na bɛ ti anu adwene yɛle awosii.

Romanfoɛ 3:28

Yiti bɔ yɛse ole kyɛ Nyameɛ nate gyidie so yeɛ ɔyɛ bɔnefoɛ teneneeniɛ ɔ, na nna kyɛ mmeraa ne bɔ odi so ti ɔ.

Romanfoɛ 9:20

Nzaade kuro sona, wɔ ole nwa bɔ ɛne Nyameɛ di nyeyeanoɛ ɔ? Bua ngora mmisa bɔ ɔnwone ye ne kyɛ, “Nzu ati yeɛ ɛnwone me sɔa ɔ?”

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Galatiafoɛ 6:3

Ofikyɛ sɛ ebie dwene kyɛ odi mu, nakoso ɔtte huu a, ɔlakalaka ye bɔbɔ ye nwo.

Kolosefoɛ 2:8

Ɛ́mɔnea yé ná ebiala amva ewiase nworɛ ne nnakannaka mbaen bɔ ɔnate tetesɛm ne wiase sunzum nu dwirɛ ngyerɛkyerɛ so, bɔ ɔnnate Kristo so ɔ wamva ɛmɔ wanyɛ ngoaa.

1 Timoteo 1:6

Na ɛhe yeɛ mmenia biemɔ bali makyebu bafi ye nwo baali aporowaasulɛ mbaen mbaen si,

Tito 1:10

Ofikyɛ mmeni pee wɔ berɛ bɔ bɛte asoserɛfoɛ, nzekurebɔlɛfoɛ, nnakannakafoɛ, nganga bienzuapɛlɛfoɛ nemɔ,

Yakobo 1:26

Sɛ ebie dwene kyɛ ɔte nyamesomniɛ, ná wannea ye dwudwolɛ so yé, ná mmom ɔlakalaka ye nwo a, sɔ sona ne nyamesom te mbaen.

Yakobo 2:17

Sɔ ala yeɛ gyidie ngome koso ɔte ɔ. Sɛ nnwumaa nne nu a, ɔte wuruwaa.

Yakobo 2:26

Na kyɛbɔ nipadua bɔ sunzum nne nu ne ɔte wuruwaa nen, sɔ ala yeɛ gyidie bɔ nnwumaa nne nu ne ɔte wuruwaa ɔ.