Yakobo 2:19 - AHYERƐLƐ KRONGRON

¹⁹ Yeɛ ede di kyɛ Nyameɛ te komapɛ? Ayɔ nikye, sunzummɔne mɔ po bede bedi, na bɛ nwo wosowoso bɛ.

Yakobo 2:19 Iomraidhean Croise

Yesaya 43:10

AWURADE nwa nyoo, “Ɛmɔte m’adanzefoɛ, ɔne me somvoɛ bɔ maneanea nu maye ye ɔ, amaa ɔnate so ɛmɔanwu me ná ɛmɔale me bali, ná ɛmɔate ye bo kyɛ me ole Ye. Banyɔ nyameɛ biala bɔ olili me nyunu wale ɔ, yeɛ ebiala ngofi me si ngɔwa.

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Yesaya 44:8

Nnɛma ɛmɔsuro, yeɛ nnɛma ɛmɔ kunu tete ɛmɔ! Aso manga mangyire ɛmɔ mammɔ ye nwo dawure fi tetetete? Na ɛmɔte m’adanzefoɛ. Aso nyameɛ bie wɔ berɛ boka me so hɔ ɔ? Nyɔbotaen biala nne berɛ; ebie nne berɛ bɔ mese ɔ.”

Yesaya 45:6

na ɔnate so mmenia konwu ye kofi eyia afiteleɛ ne eyia atɔleɛ, kyɛ ebiala nne berɛ, sana me ngome. Me ole AWURADE, na ebiala nne berɛ ko.

Yesaya 46:9

Ɛ́mɔkaye daa tete nningyein bɔ osisili ne, ofikyɛ me ole Nyameɛ, na ebiala nne berɛ ko, me ole Nyameɛ, na ebiala nne berɛ bɔ ɔte kyɛ me ɔ.

Yona 4:4

Yeɛ AWURADE buale kyɛ, “Aso ɔte paa kyɛ ɛfɛ yaa ɔ?”

Yona 4:9

Yeɛ Nyameɛ bisale Yona kyɛ, “Aso ɔte paa kyɛ ngomvo bakaa ne ati ɛfɛ yaa ɔ?” Na obuale kyɛ, “Yoo, odi kyɛ mefɛ yaa bɔ mewu po a ahaa mekuro ɔ.”

Sakaria 14:9

AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Mateo 8:29

Na yieee, bɛteateane nu kyɛ, “Nzikyɛ yeɛ yɛne wɔ le yɔ ɔ, wɔ, Nyameɛ Awa? Ɛwale wa kyɛ ɛbaateetee yɛ koraka ná mmerɛ ne adwu anaa?”

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Marko 12:29

Na Yesu buale kyɛ, “Mmeraa dwirɛ bɔ ye nwo hia paa ɛhe: ‘O Yisrael, tie! Awurade yɛ Nyameɛ te Awurade komapɛ twe;

Marko 5:7

na ɔteane nu serɛserɛ kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Meta Nyameɛ ndaen kyɛ, nnɛteetee me.”

Marko 7:9

Na osa sele bɛ kyɛ, “Ɛmɔafa nworɛ atee so bapo Nyameɛ ahyɛdeɛ ne, kyɛbɔ ɔkɔyɛ bɔ ɛmɔkoli ɛmɔ bɔbɔ b’amammerɛ so ɔ!

Luka 4:34

“Yesu bɔ efi Nasarɛte, nnɛba teetee yɛ! Nzikyɛ yeɛ yɛ ne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, wɔ ole Nyameɛ ye Krongronniɛ ne!”

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Asomafoɛ 16:17

Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.”

Asomafoɛ 19:15

Nakoso sunzummɔne ne buale bɛ kyɛ, “Mese Yesu, yeɛ mese Pɔɔlo; na ɛmɔ koso, nwa ole ɛmɔ?”

Asomafoɛ 24:25

Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.”

Romanfoɛ 3:30

Ofikyɛ Nyameɛ te komapɛ twe, na okogyina bienzuapɛlɛfoɛ bɛ gyidie so kobua bɛ be; yeɛ okogyina bɛmbɛ-bɛ-bienzuafoɛ koso bɛ gyidie so kobua bɛ be.

1 Korintofoɛ 8:4

Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.

1 Korintofoɛ 8:6

yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

Galatiafoɛ 3:20

Ndamgyinaniɛ de ogyi mmenia nyɔ b’afia, nakoso Nyameɛ de ɔte komapɛ.

Deuteronomi 6:4

“Yisrael, tie, AWURADE yɛ Nyameɛ ne ole AWURADE komapɛ ne.

1 Timoteo 2:5

Ofikyɛ Nyameɛ te komapɛ twe, na Nyameɛ ne adasa mmaa b’afia ndamgyinaniɛ te komapɛ, bɔ ye ole Kristo Yesu;

Yakobo 2:8

Yiti sɛ ɛmɔdi dehyeɛ mmeraa ne aso nahorɛ nu, kyɛbɔ Ahyerɛlɛ ne kã kyɛ, “Kuro ebiɛngo dwirɛ kyɛ wɔ bɔbɔ wɔ nwo” ne a, ye de né ɛmɔayɛ nikye.

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.

Yuda 1:6

Na abɔfo mɔ bɔ bannea bɛ dibea so yé, ná mmom bɛyakyili bɛ bɔbɔ b’atenaleɛ berɛ ne, wabɔ bɛ afebɔɔ panwu wafa bɛ wasie awosii kabii nu, na ɔfa nwondɛ kyẽa piri ndɛenbualɛ ne.

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.