Yakobo 2:18 - AHYERƐLƐ KRONGRON

¹⁸ Amba, ebie kɔhã kyɛ, “Ele gyidie, yeɛ me wora nne nnwumaa.” “Kyire me wɔ gyidie bɔ nnwumaa nne nu ɔ, na me koso ngɔfa me nnwumaa ngohyire wɔ me gyidie.”

Yakobo 2:18 Iomraidhean Croise

Romanfoɛ 14:23

Na sona bɔ ye adwene yɛ ye naa ne, sɛ odi a, babua ye foɛ, ofikyɛ wamvi gyidie nu yeɛ olili ɔ. Ofikyɛ nikyee biala bɔ nna gyidie nu yeɛ ofi ne, ɔte bɔne.

Romanfoɛ 3:28

Yiti bɔ yɛse ole kyɛ Nyameɛ nate gyidie so yeɛ ɔyɛ bɔnefoɛ teneneeniɛ ɔ, na nna kyɛ mmeraa ne bɔ odi so ti ɔ.

Romanfoɛ 4:6

Ɛhe ati yeɛ Dawide hane kyɛ, sona bɔ Nyameɛ akwati nnwumaa paa na wabu ye teneneeniɛ ne, saleɛ te ye deɛ. Ɔnwa:

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

Romanfoɛ 9:19

Afei ebie kobisa me kyɛ, “Nzaade nzu ati yeɛ Nyameɛ tɛnwu sona nwo mvomsoɛ ɔ? Nwa yeɛ ɔkɔhora kosi Nyameɛ apɛdeɛ nwo atee ɔ?”

1 Korintofoɛ 13:2

Sɛ nne ngɔmhyɛlɛ akyɛdeɛ, ná mete mvealeɛ nu dwirɛ amukoraa ne nimdeɛ mukoraa bo, ná nne gyidie mukoraa bɔ ɔmaa mekora metutu mmokaa bo, nakoso nnne ɔdɔ a, né nnde huu.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

1 Timoteo 1:5

Na kɔkɔbɔlɛ ne, ye botaeɛ ole ɔdɔ bɔ ofi ahone bɔ nu te ɔ nu, tiboa paa ne gyidie kaenn nu.

Tito 2:7

Na nningyein mukoraa nu, tu wɔ nwo sie berɛ yɛ yɔleɛ paa nwo nhwɛsoɛ: Wɔ ngyerɛkyerɛ nu, da nahorɛlilɛ ne ahoneserɛ ali,

Hebrifoɛ 11:31

Ɔnate gyidie so yeɛ bangu gyanderaniɛ Rahabo bammoka bɛ bɔ banne banni nemɔ aso ɔ, ofikyɛ olele bɛ bɔ bɛɛsrale maen ne anu besiele ne nyemene so.

Hebrifoɛ 11:33

Bɛ yeɛ ɔnate gyidie so bɛhone belili ahennie ahoroɔ so ngonim ɔ, begyinane bɛmane tenenee, bɛ sa hane bɔhyɛ mɔ, bɛhane gyata mɔ noa bɛtole nu;

Hebrifoɛ 11:6

Ebiala bɔ olle gyidie ne, ɔngora nzɔ Nyameɛ nye, ofikyɛ odi kyɛ ebiala bɔ ɔba Nyameɛ berɛ ne onya gyidie kyɛ Nyameɛ wɔ berɛ, na oyira bɛ bɔ bɛ nye aboro bɛpena ye boso ɔ.

Yakobo 2:14

Nniɛma mɔ, sɛ ebie kã kyɛ ole gyidie, nakoso olle nnwumaa a, né mvasoɛ beni yeɛ ɔwɔ so ɔ? Sɔ gyidie ne, ɔkɔhora kole ye ngoa anaa?

Yakobo 3:13

Ɛmɔ nu nwa yeɛ ɔte nworɛniɛ ne nimdeɛniɛ ɔ? Maa ɔfa bra paa ohyire ye nnwumaa wɔ anwobrɛaseɛ bɔ nworɛ wɔ nu ɔ nu.