Yakobo 1:8 - AHYERƐLƐ KRONGRON

⁸ ofikyɛ sona bɔ ye adwene yɛ ye ndaa ndaa ne, ɔngora nzi ye adwene pi wɔ nikyee biala bɔ ɔyɔ nu.

Yakobo 1:8 Iomraidhean Croise

1 Ahemvo 18:21

Yeɛ Elia wale mmenia ne amukoraa nwo berɛ, na obisale kyɛ, “Ɛmɔ adwene kɔyɛ ndaa ndaa maa okoodwu kyinzu? Sɛ AWURADE yeɛ ɔte Nyameɛ a, ye de ɛmɔso ye. Nakoso sɛ Baal ahɔ de a, ye de ye yeɛ ɛmɔso ye ɔ.” Na maen ne amma ye mmuayɛɛ.

2 Ahemvo 17:33

Bɛsɔnene AWURADE de, nakoso bɛsole bɛ bɔbɔ bɛ mmosoen mɔ kyɛbɔ maen maen bɔ bɛfale bɛ befili nu bɛwale nemɔ, bɛyɔ ne ala.

2 Ahemvo 17:41

Yiti sɔ maen maen nemɔ sɔnene AWURADE de, nakoso besa bɛsole b’amoen mɔ bɔ base ɔ. Ɔbaadwu ɛnɛ ye, bɛ mma mɔ ne bɛ nnomaa mɔ, bɛtɛ yɔ kyɛbɔ bɛ nana mɔ yɔle ne ala.

Edwein 119:113

Mekyi mmenia bɔ b’adwene yɛ bɛ ndaa ndaa ɔ, nakoso wɔ mmeraa ne de, mekuro.

Yesaya 29:13

Na AWURADE sele kyɛ, “Maen he, bɛfa bɛ noa mbaen yeɛ bɛtwe bepingye me ɔ, bɛ noa mbaen yeɛ bɛfa bedi me ni ɔ, nakoso b’ahone nu de, bembingye me koraa, na esurolɛ bɔ besuro me ne, ɔte kuro sona ahyɛdeɛ bɔ basua ye mbaen ɔ;

Hosea 10:2

B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Mateo 6:22

“Anyeɛ te nipadua kanea. Yiti sɛ wɔ nye nwu nikyee yé a, wɔ nipadua ne amukoraa kɔyɛ hyireinn.

Mateo 6:24

“Sona biala ngora nzo meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ; anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.

Yakobo 1:7

Nnɛma sɔ sona ne dwene kyɛ okonya nikyee bie kofi Awurade berɛ,

Yakobo 4:8

Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!

2 Petro 2:14

Bele agyaasɛkyelɛ anyeɛ, bɔ ɔyɔ bɔne a ɔnde ye ɔ, bɛlakalaka akra bɔ bennya bettirale ndii ɔ, balɔ asukɔ wɔ adifuu nu. Bɛte mmenia bɔ banoma bɛ ɔ!

2 Petro 3:16

Na ɔkã sɔ nningyein nemɔ nwo dwirɛ wɔ ye ngrataa ne amukoraa nu. Nu dwirɛ nemɔ bie ye botelɛ yɛ se; na ɛhe yeɛ mmenia bɔ bɛnze huu bɔ bɛ bo onnya ottindimuni ne, bekyirekyire ye bo bɛkyea ye, kyɛbɔ bɛyɛ Ahyerɛlɛ ngaa nemɔ koso ne, maa bɛ bɔbɔ bemini ɔ.