Yakobo 1:4 - AHYERƐLƐ KRONGRON

⁴ Ɛ́mɔma ɛmɔ animia ne ɔyɔ ye adwuma yie pɛpɛɛpɛ, amaa ɛmɔali mu bɔkɔɔ bɔ siitɔlɛ biala nne ɛmɔ nu ɔ.

Yakobo 1:4 Iomraidhean Croise

YOB NWOMAA NE 17:9

Nakoso sona bɔ ɔtengyɛ de, ye atee so yeɛ ɔnate ɔ, yeɛ bɛ bɔ bɛ bra te sannwuu ne, bɛkɔ so benya anwoserɛ.

Edwein 37:7

Yɛ konn wɔ AWURADE nyunu, ná to wɔ bo ase nwondɛ ye. Sona bɔ ɔnate ye bɔbɔ ye atee so onya ye nwo, yeɛ sona bɔ ɔdwene nikyee tɛɛ nwo, ná ɔyɔ ne, nnɛma ye nwo adwenedwene tɔ wɔ so.

Edwein 40:1

Nzili aboterɛ mvale me nye ndole AWURADE so, na ɔyɛle asoɛ otiele me sufrɛ.

Anyandera 4:8

Nwu ye kyɛ odi mu, na ɔkɔpagya wɔ; na sɛ ɛtɔ ye nu ɛyɛ ye atuu a, ɔkɔhyɛ wɔ animnyam.

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 19:20

Na aberandeɛ ne sele ye kyɛ, “Mali ɛhe amukoraa so; na nzikyɛ bieku yeɛ ohia kyɛ meyɔ ɔ?”

Mateo 5:48

Yiti ɛ́mɔma ɛmɔ nwo te, kyɛbɔ ɛmɔ Baba bɔ ɔwɔ nyameɛso ne ye nwo te ne.

Marko 10:21

Yeɛ Yesu neane ye haa, na ohurole ye dwirɛ, na osele ye kyɛ, “Waha wɔ nikyee ko: Kɔ ná kɔtɔne bɔ ele ye amukoraa, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Luka 18:22

Na Yesu tele sɔ dwirɛ nen, osele ye kyɛ, “Waha wɔ nikyee ko: Tɔne bɔ ele ye amukoraa, ná kyɛ sikaa ne ma ehiafoɛ, na ekonya agyapadeɛ wɔ nyameɛso; na afei bra baali me si.”

Luka 21:19

Na ɛmɔ pindinn gyinalɛ nu yeɛ ɛmɔkonya ɛmɔ kra ɔ.

Luka 8:15

Na bɔ beguale aseɛ paa so ne, bɛ ole mmenia bɔ bɛte dwirɛ ne a, bɛfa ahone paa ɔne bɔ nu te ɔ bɛsɔ nu bum, na begyina pindinn besu mmaa.

Yohane 17:23

Nwɔ bɛ nu, na ɛwɔ me nu, na bali mu wɔ koyɛlɛ nu; na ɔnate so wiase konwu kyɛ wɔ yeɛ asoma me ɔ, na ekuro bɛ dwirɛ kyɛbɔ ekuro me dwirɛ ne.

1 Korintofoɛ 2:6

Nakoso nworɛ dwirɛ yeɛ yɛkã yɛkyire bɛ bɔ banyi sunzum nu ɔ. Ɔtte wiase he anu nworɛ, yeɛ ɔtte wiase atumifoɛ deɛ bɔ ɔpɛ nu kɔ ne bie.

Galatiafoɛ 6:9

Yiti nnɛmɔma yɛfɛ paayɛlɛ nwo; ofikyɛ sɛ yamba aba a, yɛkonya ye nwo saleɛ wɔ mmerɛ bɔ ɔsɛ ɔ nu.

Kolosefoɛ 4:12

Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

1 Tɛsalonikafoɛ 5:23

Na asomdwee Nyameɛ ne, yɛsrɛ kyɛ ye bɔbɔ ɔte ɛmɔ nwo bɔkɔɔ, ná ɔnea ɛmɔ sunzum ne ɛmɔ kra ne ɛmɔ nipadua so, bɔ ngekalewa biala ngɔwa ye nwo kɔpem kyɛ y’Awurade Yesu Kristo kɔwa ɔ.

2 Timoteo 3:17

amaa ɔnate so Nyameɛ sona wayɛ pɛpɛɛpɛ bɔ bama ye ndeteyɛɛ bɔ odi mu ɔ bama nnwumaa paa amukoraa.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

Yakobo 3:2

Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.

2 Petro 1:9

Ofikyɛ sona biala bɔ sɔ suban nemɔ wabɔ ye ne, ɔte anyesiniwaaniɛ, ye nye so yɛ ye wusiwusi, na ye wora afi kyɛ bate ye nwo bafi ye bɔne bɔ wayɔ ye daa ne nwo ɔ.