Yakobo 1:26 - AHYERƐLƐ KRONGRON

²⁶ Sɛ ebie dwene kyɛ ɔte nyamesomniɛ, ná wannea ye dwudwolɛ so yé, ná mmom ɔlakalaka ye nwo a, sɔ sona ne nyamesom te mbaen.

Yakobo 1:26 Iomraidhean Croise

YOB NWOMAA NE 15:13

bɔ ɔnate so ama w’ahone ahu Nyameɛ so, bɔ ama sɔ dwirɛ ne afite wɔ noa ɔ?

YOB NWOMAA NE 30:11

Ofikyɛ Nyameɛ asangye m’agyaen nyamaa nu wabrɛ me ase, na edwirɛ bɔ bekuro biala yeɛ bɛfa bedi me ɔ.

Edwein 141:3

Ao AWURADE, kyire me bɔ nga ɔ, ná maa nwu bɔ odi kyɛ mefa me noa mekã ɔ.

Edwein 32:9

Nnɛma ɛmɔyɛ kyɛ pɔngɔ anaa afunum bɔ olle nimdeɛ, bɔ odi kyɛ ɛfa nyamaa ne buralɛ ewura ye noa nu koraka né watena wɔ nwo ɔ.

Edwein 34:13

Nnɛte wɔ noa kã edwirɛ tɛɛ, yeɛ nnebukye wɔ noa pɛ ngondombo.

Anyandera 10:19

Mvomsoɛ mba edwudwolɛ worawora nu, nakoso sona bɔ ondwudwo pee ne, ɔte nworɛniɛ.

Anyandera 10:31

Teneneeniɛ ye noa dwirɛ te nworɛ dwirɛ, nakoso temverema bɔ ɔlakalaka ne de, bɛkɔpɛ bɛkɔto.

Anyandera 14:12

Atee bie wɔ berɛ a, ɔte paa wɔ kuro sona nye so, nakoso ye ayieleɛ te ewue atee.

Anyandera 15:2

Nworɛfoɛ noa dwirɛ ma nimdeɛ yɛ nyemene, nakoso ngwaseafoɛ noa kekã ngwaseasɛm.

Anyandera 16:10

Ɛhene noa dwirɛ te ngɔmhyɛlɛ, na ye ndɛenbualɛ nu, ye noa nyɛ mvomsoɛ.

Anyandera 16:25

Atee bie wɔ berɛ a, ɔte paa wɔ kuro sona nye so, nakoso ye ayieleɛ te ewue atee.

Anyandera 19:1

Ehianiɛ bɔ ye bra te sannwuu ne, ɔte paa tra sona bɔ ɔte nnakannaka ne kwaseaa ɔ.

Anyandera 21:26

Ebie nye boro nikyee kɔkɔkɔkɔ daa biala, nakoso teneneeniɛ de, ofia ye kunu ɔkyɛ nikye.

Yesaya 1:13

Ɛmɔ afɔleɛ mbaen mbaen ne, nnɛma ɛmɔfa bɛba ko, ɛyɛɛ ne te m’akyiwadeɛ. Ɛsraen foforɛ ne afofikyẽa aluolue ne, ɔne ɛmɔ dwaabɔlɛ ne, nyianu krongron ne po, ɔte amumuyɛɛ, mengɔhora ngɔgyegye so.

Yesaya 44:20

Nzoen yeɛ odi ɔ; ye adwene bɔ ɔte kãa ne amaa wamini, ɔngora mbepɛ nnne ye kra, yeɛ ɔngora mmisa ye nwo kyɛ, “Bɔ me sa famaa tira nu ye, aso nna nnakannaka nikyee ɔ?”

Malaki 3:14

Ɛmɔahã kyɛ, ‘Ɔte mbaen kyɛ sona kɔso Nyameɛ ɔ. Mvasoɛ beni yeɛ ɔwɔ so kyɛ yɛkoli ye nhyehyɛleɛ so, ɔne kyɛ yɛkɔnate Asafo AWURADE nyunu wɔ nnuhoɛ nu ɔ?

Mateo 15:9

Bɛsɔne me mbaen, na mmenia nhyehyɛleɛ yeɛ bekyirekyire ɔ!’ ”

Marko 7:7

Bɛsɔne me mbaen, na mmenia nhyehyɛleɛ yeɛ bekyirekyire ɔ!’ ”

Luka 8:18

Yiti kyɛbɔ ɛmɔtie edwirɛ ne, ɛ́mɔdwene ye nwo yé. Ofikyɛ, ebiala bɔ ole bie ne, bɛkɔfa bieku bɛkɔboka ye so; na bɔ olle bie ne, bɔ osusu kyɛ ole ye ne po, bekole bekofi ye sa nu.”

1 Korintofoɛ 15:15

Né nzaade yato Nyameɛ soen, ofikyɛ yali Nyameɛ nwo adanzeɛ kyɛ watingye Kristo, wɔ aberɛ bɔ wandingye ye ɔ, sɛ ɔtte nahorɛ kyɛ ewutingyelɛ wɔ berɛ de a.

1 Korintofoɛ 15:2

Sɛ ɛmɔsɔ bɔ nga ngyirele ɛmɔ ne anu yé a, ɔnate so ɛmɔkonya daa ngoa; na sɛ wamma ye sɔ de a, né ɛmɔale bali mbaen.

1 Korintofoɛ 3:18

Nnɛma ebiala lakalaka ye nwo. Sɛ ɛmɔ nu bie dwene kyɛ ɔse wiase nworɛ a, maa ɔyɛ kwaseaa ná wanwu nworɛ.

Galatiafoɛ 2:6

Na bɛ bɔ bebu bɛ nwo kyɛ bedi mu ne, bɛte nzikyɛ mmenia koraa po a, me de ɔmva me nwo; ofikyɛ Nyameɛ de ɔnyɛ nyeyemuɛ, na bɛ bɔ bebu bɛ nwo kyɛ bedi mu ne bamva hwee bammoka so.

Galatiafoɛ 2:9

Na Yakobo, Kefa ne Yohane bɔ agyidifoɛ ne bu bɛ kyɛ bɛte bonima ma asɔre ne nwuni adom bɔ manya ye nen, besomane me ne Banaba sa nu bɛfa behyirele kyɛ bale yɛ bato nu: kyɛ yɛɛha nzɛmba ne yɛhyire Amaenmaensofoɛ, na bɛ wora bɛɛhã ye bienzuapɛlɛfoɛ nemɔ dɔ.

Galatiafoɛ 3:4

Amaneɛ pee bɔ ɛmɔnwuni ye ne, aso wayɛ mbaen? Dabida, ɔngɔyɛ mbaen!

Galatiafoɛ 6:3

Ofikyɛ sɛ ebie dwene kyɛ odi mu, nakoso ɔtte huu a, ɔlakalaka ye bɔbɔ ye nwo.

Ɛfesofoɛ 4:29

Nnɛmɔma edwirɛ fiɛ biala fi ɛmɔ noa, na mmom edwirɛ paa bɔ ɔfata ná ɔma ngɔsoɛ ɔ, ná walo bɛ bɔ betie ne.

Ɛfesofoɛ 5:4

Nnɛmɔma nyanzoen dwirɛ, ngwaseasɛm anaa aseresɛm bɔ ɔmvata ɔ nwo dwirɛ fite ɛmɔ nu, na mmom asennaa.

Deuteronomi 11:16

Ɛ́mɔnea yé ná bannakalaka ɛmɔ, ná ɛmɔanni makyebu bangɔanzo nyameɛ foforɛ biemɔ, ná ɛmɔangoto bɛ;

Kolosefoɛ 4:6

Ɛ́mɔma ɛmɔ noa dwudwolɛ yɛ fɛ kyɛ ngyee, amaa ɛmɔanwu mmuayɛɛ paa bɔ ɔsɛ kyɛ ɛmɔfa bebua ebiala ɔ.

Yakobo 1:19

Aliɛmaa adɔfo mɔ, ɛ́mɔtie ɛhe yé. Ɔsɛ kyɛ sona biala yɛ ndɛ tie, nnɛmaa ɔpe ndɛen dwudwo, nnɛmaa ɔpe ndɛen fɛ yaa;

Yakobo 1:22

Ɛ́mɔyɔ bɔ edwirɛ ne kã ne, na nnɛma ɛmɔyɛ atiefoɛ ngome bɛfa bɛlakalaka ɛmɔ nwo.

Yakobo 2:20

Wɔ bɔ wadwene te kãa ɔ! Ɛpena kyɛ bɛkã bekyire wɔ kyɛ gyidie bɔ nnwumaa nne nu ne ɔte wuruwaa anaa?

1 Petro 3:10

Ofikyɛ sona biala bɔ okuro ngoa ná ɔpena kyɛ onwu asetena paa nen, nnɛmaa ɔfa ye noa kekã musue dwirɛ, yeɛ nnɛma nnakannaka dwirɛ fite ye noa.