Yakobo 1:17 - AHYERƐLƐ KRONGRON

¹⁷ Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Yakobo 1:17 Iomraidhean Croise

Gyenesise 41:16

Yosef buale Faro kyɛ, “Nana, me de mengora ye bo kyire, na mmom Nyameɛ yeɛ ɔkɔma Faro nyeanoɛ paa ɔ.”

1 Aberɛso Dwirɛ 22:12

Mesrɛ AWURADE kyɛ ɔ́ma wɔ nworɛ ne ndeaseɛ, amaa sɛ ɔfa Yisrael maen ne wura wɔ sa a, anea ali AWURADE wɔ Nyameɛ mmeraa ne aso.

1 Aberɛso Dwirɛ 29:19

Ma mma Solomon onya adwene paa bɔ ɔkɔfa kɔyɛ sotie kɔma wɔ mmeraa dwirɛ, wɔ noa dwirɛ ne w’ahyɛdeɛ, ná okoli bɛ mukoraa so, amaa wasi asɔneyɛɛ sua bɔ mapena ye nwo nningyein magua berɛ ne.”

Edwein 102:27

Nakoso wɔ de, bɔ ɛte ala yeɛ ɛte ɔ, wɔ ngyẽa olle ayieleɛ.

Edwein 122:6

Ɛ́mɔbɔ mbaeɛ kyɛ Yerusalem onya asomdwee: “Bɛ bɔ bekuro wɔ dwirɛ ne, mesrɛ kyɛ oyie bɛ yé.

Edwein 136:7

ye bɔ ɔbɔle kanea mbiri mbiri nemɔ ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Edwein 85:12

Amba, AWURADE kɔfa nningyein paa kɔma, na y’aseɛ kɔhye aleɛ.

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Yesaya 28:26

Ofikyɛ ye Nyameɛ ahyirehyire ye, na okyire ye bɔ odi kyɛ ɔyɔ ɔ.

Yesaya 45:7

Me yeɛ mebɔ kanea, ná mesa mebɔ awosii ɔ, me yeɛ mefa asomdwee meba, ná mesa mema amaneɛ ba ɔ. Me, AWURADE, me yeɛ meyɔ ɛhemɔ amukoraa ɔ.

Yesaya 46:10

Me yeɛ ofi ahyɛaseɛ ne, ngane ayieleɛ dwirɛ ɔ, ɔne kyɛ ofi tetetete yeɛ ngane bɔ onnya ossili nwo dwirɛ ɔ. Ngane kyɛ, ‘Me botaeɛ kogyina, na ngɔyɔ me nhyehyɛleɛ amukoraa.’

Yesaya 60:19

“Nna eyia yeɛ ɔkɔyɛ wɔ kanea alehyeleɛ ɔ ko, yeɛ nna ɛsraen yeɛ ɔkɔta hyireinn kɔma wɔ alesaleɛ nu ɔ, na mmom AWURADE yeɛ ɔkɔyɛ wɔ kanea afebɔɔ ɔ, na wɔ Nyameɛ kɔyɛ w’animnyam.

Malaki 3:6

“Ofikyɛ me, AWURADE, menzesã; yiti ɛmɔ, Yakob boso ama, ɛmɔ boso ngonua.

Numeri 11:17

Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.

Numeri 11:25

Yeɛ AWURADE nate munungum nu dwu wale ase, na ɔne Mose beedwudwole. AWURADE fale sunzum bɔ ɔwɔ Mose nu ne bie wurale mbanyi aburasoo nemɔ anu. Sunzum ne wale bɛ so ne, bɛhyɛle ngɔm. Nakoso ye si ye, banhyɛ ngɔm ko.

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Mateo 7:11

Na ɛmɔ po bɔ ɛmɔte bɔnefoɛ ɔ, sɛ ɛmɔse kyɛbɔ ɛmɔma ɛmɔ mma mɔ nningyein paa a, nzaade ɛmɔ Baba bɔ ɔwɔ nyameɛso ne, ɔkɔyɛ sɛɛ bɔ ɔngɔfa nningyein paa ngɔma bɛ bɔ bebisa ye ɔ?

Luka 11:13

Na sɛ ɛmɔ po bɔ ɛmɔte bɔnefoɛ ɔ ɛmɔse kyɛbɔ ɛmɔma ɛmɔ mma mɔ nningyein paa a, ɔkɔyɛ sɛɛ bɔ ɛmɔ Baba bɔ ɔwɔ nyameɛso ne ɔngɔfa Sunzum Krongron ngɔma bɛ bɔ bebisa ye ɔ?”

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Yohane 3:27

Na Yohane buale kyɛ, “Sona biala ngɔhora ngonya nikyee biala, sana bɛfa befi nyameɛso bɛma ye.

Yohane 3:3

Na Yesu buale ye kyɛ, “Nahorɛ nu paa, mekã mekyire wɔ kyɛ: Ebiala ngɔhora ngonwu Nyameɛ ahennie ne, sana bawo ye foforɛ.”

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

1 Korintofoɛ 4:7

Nwa yeɛ osele wɔ kyɛ asora wɔ ngome ɔ? Nzu yeɛ ele ye bɔ nna Nyameɛ yeɛ ɔfa mmane wɔ ɔ? Na sɛ ɔfa mane wɔ de a, nzu ati yeɛ ɛfa hoahoa wɔ nwo kyɛ nna akyɛdeɛ ahɔ ɔ?

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

Ɛfesofoɛ 1:18

ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Ɛfesofoɛ 2:8

Na adom yeɛ bɛnate gyidie so bale ɛmɔ ngoa ɔ, nna bɔ ɛmɔayɔ hɔ ɔ, ɔte Nyameɛ akyɛdeɛ;

Deuteronomi 4:19

Na sɛ ɛto wɔ nye anwuro ná enwu eyia, ɛsraen, nzramaa ne anwuro abɔdeɛ pembepembe mukoraati a, nnɛmaa ɔtwetwe wɔ maa egua ndwerɛ wɔ bɛ nyunu, ná anzɔne bɛ, ofikyɛ bɛte nningyein bɔ AWURADE wɔ Nyameɛ afa ama mmenia mukoraati bɔ bɛwɔ wiase nekaa biala ɔ.

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

Hebrifoɛ 13:8

Kyɛbɔ Yesu Kristo te anoma nen, sɔ ala yeɛ ɔte ɛnɛ, ɔne afebɔɔ ɔ.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

Yakobo 3:15

Sɔ nworɛ he de, nna anwuro yeɛ ofi ɔ, na mmom ɔte aseɛ so deɛ; nna sunzum nu deɛ ɔ, na ɔte sunzummɔne mɔ deɛ.

Yakobo 3:17

Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.

1 Yohane 1:5

Edwirɛ bɔ yate yafi ye berɛ ná yɛ́bɔ ye dawure yɛkyire ɛmɔ ɛhe: Nyameɛ te kanea, na awosii kaala nne ye nu.

1 Yohane 4:10

Bɔ okyire ɔdɔ ɛhe: nna kyɛ yɛ yeɛ yɛhurole Nyameɛ dwirɛ ɔ, na mmom ye yeɛ ohurole yɛ dwirɛ ná ɔsomane Ɔwa ne maa ɔɔyɛle yɛ bɔne nwo mbata ɔ.

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.

1 Samuel 15:29

Asa koso, Yisrael Animnyam ne, ɔtte nnakannakaniɛ, yeɛ ɔnzesã ye adwene, ofikyɛ ɔtte kuro sona ná wasesã ye adwene.”