Yakobo 1:14 - AHYERƐLƐ KRONGRON

¹⁴ Na mmom sona bɔbɔ ye akɔnnɔ yeɛ odiedie ye ná ɔlakalaka ye oso ye nea ɔ.

Yakobo 1:14 Iomraidhean Croise

Gyenesise 3:6

Na braa ne nwuni kyɛ saa bedi bakaa ne mma a ɔyɛ yee, ɔyɛ nyemene, na ɔkora ma sona nwu nworɛ. Yiti ɔtele ye mma ne bie lili, ɔmane ohu ne koso bie, na ye koso olili.

Gyenesise 6:5

Afei AWURADE nwuni kyɛ kuro sona amumuyɛɛ asone pee wɔ aseɛ ye aso, na nzusuleɛ tɛɛ ngome ayi ye ti anu tɛkyɛ daa.

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

2 Samuel 11:4

Yiti Dawide tuli mmenia maa bɛɛfale braa ne bɛbrɛle ye, na ɔne braa ne bɛlale. (Braa ne buli ye sa ɔ, sɔ mmerɛ ne yeɛ né wafi bɔ ɔpete ye nwo ɔ.) Na braa ne sa hɔle ye awuro.

YOB NWOMAA NE 31:27

maa badiedie me maa masɔne bɛ, maa mabɔ me ti ase masɔne bɛ a,

YOB NWOMAA NE 31:9

“Sɛ brasua bie nwo akɔnnɔ wawura m’adwene nu, sɛ maatetɛ mmiɛngo bienzua manea mmerɛ bɔ okofi ye awuro kofite kɔhɔ a,

Anyandera 4:23

Adwene bɔ ɛkɔfa ne, dwene ye nwo yé paa, ofikyɛ nu yeɛ ngoa ofi ba ɔ.

Yesaya 44:20

Nzoen yeɛ odi ɔ; ye adwene bɔ ɔte kãa ne amaa wamini, ɔngora mbepɛ nnne ye kra, yeɛ ɔngora mmisa ye nwo kyɛ, “Bɔ me sa famaa tira nu ye, aso nna nnakannaka nikyee ɔ?”

Hosea 13:9

Ao Yisrael, afrɛfrɛ w’asefinɛ ama wɔ nwo, nakoso me nu yeɛ wɔ mmokalɛ wɔ ɔ.

Mateo 15:18

Nakoso bɔ ofi bɛ noa nu ba ne de, ofi b’ahone nu yeɛ ɔba ɔ, na ye yeɛ ogua sona nwo fiɛ ɔ.

Mateo 15:20

Sɔ nningyein nemɔ yeɛ begua sona nwo fiɛ ɔ, na sɛ annwunzi wɔ sa ná edidi a, ongua sona nwo fiɛ.”

Mateo 4:1

Afei Sunzum ne fale Yesu hɔle ɛserɛ so kyɛ abɔnzam ooso ye nea.

Mateo 5:28

Nakoso me de, mekã mekyire ɛmɔ kyɛ, ebiala bɔ ɔkɔnea brasua ná ye nwo kɔyɛ ye akɔnnɔ ne, né wafa ye dada ye wɔ ahone nu.

Romanfoɛ 7:11

Na bɔne fale mmeraa ne aso nyane atee lakalakale me huni me.

Romanfoɛ 7:13

Aso ɛhe kyire kyɛ nikyee bɔ ɔte paa ne ɔmaa nyane ewue anaa? Dabida! Nakoso kyɛbɔ ɔkɔyɛ na bekonwu bɔne pefee kyɛ ɔte bɔne ne ati, bɔne nate bɔ ɔte paa so maa nwuli, amaa ɔnate ahyɛdeɛ ne aso banwu ye kyɛ bɔne te nikyee bie bɔ ɔtte mayee koraa ɔ.

Ɛfesofoɛ 4:22

Brabɔlɛ daa bɔ ɛmɔbɔle ne, ɔte ɛmɔ sona sue daa, na ɔte porɔlowaa wɔ nnakannaka akɔnnɔ nu, yiti ɛ́mɔgyi bégua,

Hebrifoɛ 3:13

Na mmom ɛmɔtutu bɛ nwo foɛ kyẽa biala bɔ bɛfrɛ ye “Ɛnɛ” ne, na bɔne annakalaka ɛmɔ nu biala amma wanyɛ asoserɛ.

Yakobo 1:13

Na sɛ béso ebie bɛnea a, nnɛmaa ɔkã kyɛ, “Nyameɛ yeɛ oso me nea ɔ”; ofikyɛ bɔne bie ngora nzo Nyameɛ nnea, yeɛ ye koso onzo sona biala nnea.

Yakobo 1:15

Na sɛ akɔnnɔ ne ɔnwonzɛ a, ɔwo bɔne; yeɛ sɛ bɔne koso onyi yie a, ɔwo ewue.