Yakobo 1:10 - AHYERƐLƐ KRONGRON

¹⁰ yeɛ sikaniɛ koso, wɔ ase bɔ babrɛ ye ne anu, ofikyɛ ɔkɔpɛ nu kɔhɔ kyɛ eburo ndire nyerɛen.

Yakobo 1:10 Iomraidhean Croise

YOB NWOMAA NE 14:2

Opukye kyɛ bakaa nyerɛen, na ɔkese, ɔpɛ nu kɔ kyɛ wawoɛ, na ɔngyɛ né watu wamini.

Edwein 102:11

Me ngyẽa ba ayieleɛ kyɛ nɔsoa wawoɛ; na mekese kyɛ ndire.

Edwein 103:15

Dasaniɛ de, ye ngyẽa te kyɛ ɛserɛ; ɔyɛ frɔmfrɔm kyɛ eburo bakaa nyerɛen.

Edwein 37:2

ofikyɛ ɔngɔhyɛ né bapɛ bɛ bagua kyɛ ɛserɛ, ná bakese kyɛ ndire.

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Yesaya 40:6

Komviɛ bie nwa, “Tea nu kã!” Na mmisale kyɛ, “Nzikyɛ yeɛ ndea nu nga ɔ?” Anwoɔnaen biala te ndire, na ye anwonyemene amukoraa te kyɛ nyerɛen bɔ ɔwɔ eburo ɔ.

Yesaya 40:7

Ndire kese, yeɛ nyerɛen ye nyemene koso otu, ofikyɛ AWURADE nwomeɛ otu fa so. Amba, sona te ndire.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Mateo 5:3

“Sunzum nu ehiafoɛ banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Mateo 6:30

Na sɛ Nyameɛ siesie eburo ndire bɔ ogyi berɛ ɛnɛ maa ɔyɛ nyemene, ná ɛhema bapɛ bayera ye foonoo nu po a, ɔkɔyɛ sɛɛ bɔ ongosiesie ɛmɔ ma ɔngɔbo so ɔ? Ɛmɔ bɔ ɛmɔ gyidie te kãa ɔ!

1 Korintofoɛ 7:31

na bɛ bɔ bedi wiase nningyein si ne, odi kyɛ bɛbɔ bɛ bra kyɛ sɔ nningyein nemɔ nwo nhia ɔ. Ofikyɛ, ewiase bɔ ɔwɔ berɛ kekesaala ye ne ɔpɛ nu kɔ.

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

Yakobo 4:14

Nakoso ɛmɔnze bɔ okosi ɛhema ɔ. Ɛmɔ ngoa te nzu? Ofikyɛ ɔte etutue bɔ ɔba mmerɛ kãa bie, ná afei watu wamini ɔ.

1 Petro 1:24

Ofikyɛ “Anwoɔnaen amukoraa te kyɛ ndire, na sona animnyam amukoraa te kyɛ ndire bɔ wabɔ nyerɛen ɔ. Ndire kese, na ye nyerɛen poro gua;

1 Yohane 2:17

Ewiase ne nu akɔnnɔ gu so ɔpɛ nu kɔ, nakoso sona bɔ ɔyɔ Nyameɛ apɛdeɛ ne te ase afebɔɔ.