Tito 3:5 - AHYERƐLƐ KRONGRON

⁵ bɔ nna kyɛ tenenee nnwumaa bie bɔ yayɔ ti ɔ; na mmom ye bɔbɔ ye anwumvoinnwunɛ ti ɔ, na ɔfale aworɛ foforɛ ebialɛ nu ne foforɛyɛlɛ wɔ Sunzum Krongron so olele yɛ ngoa.

Tito 3:5 Iomraidhean Croise

YOB NWOMAA NE 15:14

Dasaniɛ ole nwa bɔ ye nwo kora te ɔ? Sona beni yeɛ brasua awo ye bɔ ɔtengyɛ ɔ?

YOB NWOMAA NE 25:4

Nzaade ɔkɔyɛ sɛɛ né dasaniɛ watengyɛ wɔ Nyameɛ nyunu? Sona bɔ brasua awo ye ɔ, ɔkɔyɛ sɛɛ né ye nwo ate?

YOB NWOMAA NE 9:20

Sɛ medi be po a, ahaa me bɔbɔ me noa kobua me fɔ, yeɛ sɛ mvomsoɛ nne me nwo po a, ɔkɔmaa ngonwu kyɛ me dwirɛ nyɛ fɛ.

Edwein 130:7

Ao Yisrael, fa wɔ wora wura AWURADE nu! Ofikyɛ AWURADE yeɛ ole ɔdɔ bɔ onni ngasi ɔ, na ye yeɛ ɔpepɛ de sona mmorosoɛ ɔ.

Edwein 143:2

W’akoaa, nnɛfa me wura ndɛenbualɛ nu, ofikyɛ teasefoɛ biala nni be wɔ wɔ nyunu.

Edwein 51:10

Ao Nyameɛ, bɔ ahone bɔ nu te ɔ wura me nu, ná fa sunzum bɔ ɔtengyɛ ɔ wura me nu.

Edwein 62:12

Na wɔ, ao AWURADE, ɔdɔ bɔ onni ngasi ne te wɔ deɛ, na etua sona biala kerɛ kyɛbɔ ye nnwumaa te ɔ.

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Yesaya 57:12

Wɔ tenenee ne wɔ yɔleɛ nemɔ, ngɔye bɛ ali ngohyire, na so ngɔwa mvasoɛ biala ngɔma wɔ.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Mateo 3:11

Me de, mebɔ ɛmɔ asu wɔ nzue nu maa okyire kyɛ ɛmɔasakyera ɛmɔ adwene, nakoso bɔ oli me si ɔ́ba ne de, odi mu tra me; na memvata kyɛ ye mbaboa po ngotira ɔ. Ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

Luka 1:50

Na ye anwumvoinnwunɛ ne, ɔwɔ bɛ bɔ besuro ye ɔ so, wɔ aworɛ ndoatoasoɛ amukoraa nu.

Luka 1:54

Waboka ye akoaa Yisrael, ofikyɛ wakaye ye anwumvoinnwunɛ ne,

Luka 1:72

kyɛ okonwu yɛ nana mɔ anwumvoin, ná wakaye ye apam krongron ne.

Luka 1:78

ɔnate yɛ Nyameɛ anwumvoinnwunɛ bɔ ɔma ye kunu tete ye ne anu. Na ye sɔ ati yeɛ alehyeleɛ bɔ ofi anwuro ɔ wapukye wɔ yɛ so ye,

Romanfoɛ 11:14

kyɛbɔ ɔkɔyɛ bɔ me bɔbɔ me mmenia Yudafoɛ bɛ nye kɔboro ɔ, bɔ ɔnate so bɛ nu biemɔ konya daa ngoa ɔ.

Romanfoɛ 11:6

Na sɛ ɔnate adom so de a, nzaade Nyameɛ frɛlɛ ne oggyi nnwumaa so ko, na sɛ ogyi nnwumaa so de a, ahaa adom ne ɔtte adom ko.

Romanfoɛ 12:2

Nnɛma ɛmɔyɛ ɛmɔ nwo kyɛ wiase he, na mmom ɛ́mɔma ɛmɔ adwene nu foforɛyɛlɛ ne ɔsakyera ɛmɔ, amaa ɔnate so ɛmɔanwu bɔ ɔte Nyameɛ apɛdeɛ ɔ, bɔ ɔte paa, ɔsɔ anyeɛ ná odi mu ɔ.

Romanfoɛ 3:20

Yiti bengogyina mmeraa nnwumaa so bengobua sona biala be wɔ Nyameɛ nyunu, ofikyɛ mmeraa ne de, ɔma sona nwu ye bɔne.

Romanfoɛ 3:28

Yiti bɔ yɛse ole kyɛ Nyameɛ nate gyidie so yeɛ ɔyɛ bɔnefoɛ teneneeniɛ ɔ, na nna kyɛ mmeraa ne bɔ odi so ti ɔ.

Romanfoɛ 4:5

Na sona bɔ ɔmva ye nwo ndo nnwumaa paa so, na mmom ode Nyameɛ bɔ obua bɔnefoɛ be di nen, Nyameɛ bu sɔ sona ne gyidie kyɛ tenenee ma ye.

Romanfoɛ 9:11

Ɔwɔ nu kyɛ né bennya bɛwwole bɛ de, na wawa kyɛ po bɛyɔ paa anaa tɛɛ biala ɔ. Nakoso kyɛbɔ ɔkɔyɛ na Nyameɛ nhyehyɛleɛ, bɔ oggyi nnwumaa so, na mmom ogyi bɛ nu ko frɛlɛ so kɔwa nu ne ati,

Romanfoɛ 9:16

Yiti oggyi bɔ kuro sona okuro anaa bɔ ɔkɔyɔ so, na mmom ogyi Nyameɛ anwumvoinnwunɛ so.

Romanfoɛ 9:30

Afei, yɛkɔhã ye sɛ? Amaenmaensofoɛ bɔ bandwene ye nwo le kyɛ bɛkɔpena tenenee si atee nen, bɛnate gyidie so banya tenenee.

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

Galatiafoɛ 2:16

Nakoso yɛse kyɛ ɔnate sona gyidie wɔ Yesu Kristo nu so yeɛ Nyameɛ bua ye be ɔ, na mmom ɔnnate mmeraa ne aso lilɛ. Yɛ koso yale Kristo yali, amaa ɔnate sɔ gyidie ne aso Nyameɛ abua yɛ be, na nna kyɛ mmeraa ne aso lilɛ ti ɔ; ofikyɛ nna mmeraa ne aso lilɛ yeɛ Nyameɛ kɔfa kobua sona biala be ɔ.

Ɛfesofoɛ 2:4

Nakoso Nyameɛ bɔ ye anwumvoinnwunɛ sone ne, ɔnate ye hurolɛ bɔ okuro yɛ dwirɛ pee ne aso

Ɛfesofoɛ 4:23

ná ɛ́mɔma bɛyɛ ɛmɔ foforɛ wɔ ɛmɔ adwene sunzum nu,

Ɛfesofoɛ 5:26

kyɛbɔ ɔkɔfa nzue ebialɛ nu kɔte ye nwo wɔ edwirɛ ne anu kɔyɛ ye krongron ɔ,

Deuteronomi 9:5

Nna wɔ tengyɛlɛ anaa wɔ ti anu fufue ti yeɛ ɔmaa ɛkwaafa b’aseɛ ne ɔ, na mmom sɔ maen hemɔ b’amumuyɛɛ ti yeɛ AWURADE wɔ Nyameɛ ɔ́foa bɛ fi wɔ nyunu ɔ; amaa ɔnate so edwirɛ bɔ AWURADE tale ye nwo ndaen hyirele wɔ nana mɔ, Abraham, Yisake ne Yakob nen, wasi so agyinayɛɛ.

Kolosefoɛ 3:10

na ɛmɔanya sona sue foforɛ, na ye bɔ ɔbɔle yɛ ne, ogu so ɔyɛ yɛ foforɛ ba nimdeɛ nu maa ye sɛso yɛ kyɛ ye bɔbɔ ne ala.

2 Timoteo 1:9

Ye yeɛ oolele yɛ ná ɔfale ɛfrɛlɛ krongron frɛle yɛ ɔ, nna kyɛ yɛ nnwumaa ti ɔ; na mmom kyɛbɔ ye bɔbɔ ye nhyehyɛleɛ ne adom bɔ wafa walo yɛ wɔ Kristo Yesu nu fi tetetete ne ɔte ne.

Tito 3:4

Nakoso mmerɛ bɔ yɛ Ngoadefoɛ Nyameɛ ɔlale ye paayɛlɛ ne ye ɔdɔ ali hyirele adasa mmaa ne,

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Hebrifoɛ 4:16

Yiti ɛ́mɔma yɛsi y’ahone yɛbra adom ahennie bia ne nyunu, amaa ɔnate so wanwu yɛ anwumvoin, ná yanya adom bɔ ɔkɔboka yɛ ɔ wɔ mmerɛ bɔ ɔsɛ ɔ nu.

Hebrifoɛ 6:6

sɛ bedi gyidie ne anwo makyebu a, bekosa bɛkɔsakyera b’adwene ko ɔ; ofikyɛ besa bɛbɔ Nyameɛ Awa ne mmeamudua nu bɛma bɛ nwo, na begua ye nyunu ase wɔ mmenia nu.

1 Petro 1:3

Animnyam hã Nyameɛ, y’Awurade Yesu Kristo Baba ne, bɔ ɔnate ye anwumvoinnwunɛ mmorosoɛ ti wafa Yesu Kristo awufoɛ nu ewutingyelɛ ne aso wawo yɛ foforɛ maa yanya anyelasoɛ bɔ ngoa wɔ nu,

1 Petro 2:10

Daa ne de, né ahaa ɛmɔtte maen, nakoso afei de, ɛmɔte Nyameɛ maen; daa ne de, né onnwuni ɛmɔ anwumvoin, nakoso afei de, wanwu ɛmɔ anwumvoin.

1 Petro 3:21

Na sɔ nzue ne sɛso, ye ole asubɔlɛ bɔ ode ɛmɔ koso ɛmɔ ngoa ɛnɛ ne. Ɔtte anwoɔnaen nu fiɛ nwunzinɛ, na mmom ɔte tiboa paa nwo abisadeɛ bɔ yɛfa Yesu Kristo wutingyelɛ ne aso yɛfa yɛto Nyameɛ nyunu ɔ.