Tito 3:3 - AHYERƐLƐ KRONGRON

³ Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Tito 3:3 Iomraidhean Croise

Gyenesise 38:9

Nakoso né Onan se kyɛ mmaa nemɔ ngɔyɛ ye deɛ. Yiti ɔne oliɛma n’aye ne lale ne, ɔmane ye nwo nzue guale ase, kyɛbɔ ɔkɔyɛ na ɔngɔwo ngɔma oliɛma ne ɔ.

Gyenesise 39:16

Ɔfale Yosef ataadeɛ ne guale ye nwo berɛ maa oodwuli kyɛ ye mene wale awuro ɔ.

Edwein 36:2

Ofikyɛ ode ye nwo di alaa maa ɔnate so ɔngora nwu ye amumuyɛɛ, maa ɔnate so ɔngora ngyi ye amumuyɛɛ ne.

Anyandera 8:5

Ɛmɔ bɔ ɛmɔ adwene te nganga ɔ, odi kyɛ ɛmɔma ɛmɔ adwene nu bukye, ɛmɔ, ngwaseafoɛ, ɛ́mɔsua nworɛ.

Anyandera 9:6

Nnɛma ɛmɔfa ɛmɔ nwo bɛbɔ ngwaseafoɛ, na ɛmɔkonya ngoa, na ɛ́mɔfa ndeaseɛ atee so.”

Yesaya 44:20

Nzoen yeɛ odi ɔ; ye adwene bɔ ɔte kãa ne amaa wamini, ɔngora mbepɛ nnne ye kra, yeɛ ɔngora mmisa ye nwo kyɛ, “Bɔ me sa famaa tira nu ye, aso nna nnakannaka nikyee ɔ?”

Obadia 1:3

W’ahone nu anwomasoɛ ne alakalaka wɔ, wɔ bɔ ɛte nyɔbotaen ndokuro nu, bɔ w’atenaleɛ wɔ nekaa bɔ ɔwɔ anwuro ɔ, wɔ bɔ ɛkã ye wɔ wɔ ti anu kyɛ, “Nwa yeɛ ɔkɔhora kɔhwe me kɔto ase ɔ?”

Mateo 21:29

Na obuale kyɛ, ‘Mengɔhɔ.’ Nakoso nziɛ ye ɔsesane ye adwene, na ɔhɔle.

Luka 21:8

Yeɛ Yesu buale kyɛ, “Ɛ́mɔla ɛmɔ nwo so ná bannakalaka ɛmɔ; ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole ye,’ ɔne kyɛ ‘Mmerɛ ne adwu!’ Yiti nnɛma ɛmɔdi bɛ si.

Yohane 8:34

Yesu buale bɛ kyɛ, “Nahorɛ nu paa, mekã mekyire ɛmɔ kyɛ, ebiala bɔ ɔyɔ bɔne ne, ɔte bɔne akoaa.

Romanfoɛ 11:30

Na kyɛbɔ ɛmɔ koso mmerɛ bie ɛmɔanne Nyameɛ banni, nakoso afei de, ɔnate elelɛ bɔ banni ne aso wanwu ɛmɔ anwumvoin nen,

Romanfoɛ 6:12

Yiti nnɛmɔma bɔne di ɛmɔ nipadua so hene bɔ ɔkɔmaa ɛmɔkɔyɛ sotie kɔma ye akɔnnɔdeɛ ɔ.

Romanfoɛ 6:17

Ɛmɔma yɛla Nyameɛ ase! Ofikyɛ ɛmɔayɛ bɔne ngoaa le, na afei de ɛmɔafa b’ahone mukoraa bayɛ sotie bama nahorɛ, bɔ ɛmɔanya bafi ngyerɛkyerɛ bɔ bɛfa bɛmane ɛmɔ ne anu ne.

Romanfoɛ 6:22

Na kekesaala ye de, bale ɛmɔ bafi bɔne nu amaa ɛmɔayɛ Nyameɛ ngoaa. Ye so mvasoɛ bɔ ɛmɔnya ole kyɛ, ɛmɔayɛ krongron bɔ ye ayieleɛ ole daa ngoa.

Romanfoɛ 6:6

Yɛse kyɛ babɔ yɛ sona sue daa ne ne Kristo mmeamudua nu, kyɛbɔ yɛ bɔne nipadua ne kowu na yanyɛ bɔne ngoaa ko ɔ.

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

Galatiafoɛ 6:3

Ofikyɛ sɛ ebie dwene kyɛ odi mu, nakoso ɔtte huu a, ɔlakalaka ye bɔbɔ ye nwo.

Kolosefoɛ 1:21

Na ɛmɔ de, ahaa né ɛmɔte ɛlɔenyɛlɛfoɛ mɔ ne pɔfoɛ mɔ, wɔ adwene nu ne bɔne nnwumaayɔlɛ mu.

Kolosefoɛ 3:7

Na mmerɛ bɔ né ɛmɔwɔ sɔ tebea ne anu ne, sɔ ala yeɛ ɛmɔbɔle ɛmɔ bra ɔ.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

2 Timoteo 3:6

Sɔ mmenia ne, bɛ nu biemɔ wurawura awuro mɔ nu, na bɛlakalaka mmrasua bɔ b’adwene te nganga, bɔ bɔne ayɛ bɛ so adesoa, ná akɔnnɔ ahoroɔ ahyɛ bɛ so ɔ benya bɛ;

Tito 1:16

Bekyire kyɛ bɛse Nyameɛ, nakoso bɛfa bɛ yɔleɛ bɛpo ye; bɛte akyiwadeɛyɔlɛ mmenia, asoserɛfoɛ, bɔ bɛngora bɛnyɔ nikye paa biala ɔ.

Tito 2:12

Na okyirekyire yɛ, kyɛ, yɛ́gyi bra fiɛ ne wiase akɔnnɔ yɛ́gua, kyɛ yɛ́nya anwohyɛsoɛ, ná yɛ́fa tenenee ne nyamesom paa yɛtena wiase he anu,

Yakobo 1:26

Sɛ ebie dwene kyɛ ɔte nyamesomniɛ, ná wannea ye dwudwolɛ so yé, ná mmom ɔlakalaka ye nwo a, sɔ sona ne nyamesom te mbaen.

1 Petro 1:14

Ɛ́mɔyɛ kyɛ ngwadaa bɔ bɛ so yɛ mmerɛ ɔ, na akɔnnɔ bra bɔ daa ne né ɛmɔnze ti ɛmɔbɔle ne, nnɛma ɛmɔsa bekodi ye si.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:14

Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 18:2

Na ɔteane nu serɛserɛ kyɛ, “Kuro piri Babilɔn abɔ, wabɔ! Wakakyi sunzummɔne mɔ b’atenaleɛ ne sunzum fiɛ amukoraa b’awuro ne nnomaa bɔ bɛ nwo nde ná bekyi ɔ amukoraa b’atenaleɛ.