Tito 3:2 - AHYERƐLƐ KRONGRON

² kyɛ, nnɛmaa bɛkã ebiala nwo dwirɛ tɛɛ, nnɛmaa bɛyɛ tuturefoɛ; na mmom bédwo bɛ nwo ase, ná bɛfa anidie bɔ odi mu ɔ bɛma mmenia mukoraa.

Tito 3:2 Iomraidhean Croise

2 Samuel 22:36

Afa wɔ ngoalelɛ akokyɛm ne ama me, na wɔ mmokalɛ amaa mayɛ sona titire.

Edwein 140:11

Sona bɔ ɔkekã mmenia nwo dwirɛ ne, nnɛma oyie ye yé wɔ aseɛ ne aso, ma musue oli patapaaniɛ si yerɛlɛlɛlɛ!

Anyandera 19:19

Sona bɔ ye ahone hu mbiri mbiri ne, okonya ye nwo asohwenɛ, sɛ ɛpepɛ de ye a, sana esa pepɛ de ye bieku.

Anyandera 25:24

Ɔte paa kyɛ ɛkɔtena sua anwuro pumbu ahameɛ bie anu tra kyɛ ɛne braa bɔ ye nwo te ngondii ɔ bɛkɔtena awuro ɔ.

Anyandera 6:19

sona bɔ odi adanzewia ɔ, yeɛ sona bɔ ɔkekã aliɛmaa mɔ bɛ ti bobɔ nu ɔ.

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Asomafoɛ 23:5

Na Pɔɔlo buale kyɛ, “Aliɛmaa mɔ Yisraelfoɛ, né menze kyɛ ɔte ɔsɔfo panyi paa ɔ; ofikyɛ bahyerɛ kyɛ, ‘Ɔnzɛ kyɛ ɛkã wɔ maen panyi nwo dwirɛ tɛɛ ɔ.’ ”

1 Korintofoɛ 6:10

awuefoɛ, anyeboroborolɛfoɛ, akɔnomnzafoɛ, nzekurebɔlɛfoɛ ne apoobɔlɛfoɛ ngɔhɔ Nyameɛ ahennie ne anu.

1 Korintofoɛ 9:19

Ɔwɔ nu kyɛ ebiala nni me so de, nakoso mayɛ me nwo akoaa mama mmenia mukoraa, amaa ɔnate so me sa ahã mmenia pee.

2 Korintofoɛ 10:1

Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Galatiafoɛ 6:1

Aliɛmaa mɔ, sɛ ɛmɔ nu bie yɔ bɔne a, ɛmɔ bɔ ɛmɔte sunzum nufoɛ ne, ɔsɛ kyɛ ɛmɔfa aboterɛ bɛtengyɛtengyɛ ye. Nakoso nea wɔ nwo yé ná wɔ wora angɔ nzɔhwɛ nu.

Galatiafoɛ 6:10

Yiti mmerɛ bɔ atee wɔ berɛ ma yɛ ye de, ɛ́mɔma yɛyɔ mmenia amukoraa paa, nganga bɛ bɔ bɛwɔ agyidifoɛ abusua fekue ne anu ne.

Ɛfesofoɛ 4:2

anwobrɛaseɛ ne awiɛmvoɛyɛlɛ amukoraati nu, aboterɛ nu, ná ɛmɔhurohuro ebiala dwirɛ kyɛbɔ ebiala te ɔ wɔ ɔdɔ nu;

Ɛfesofoɛ 4:31

Ɛ́mɔgyi amvamviri, ahonetɛɛ, ɛyaafɛlɛ, basabasayɔlɛ, ɛsoentolɛ ne bra fiɛ biala bégua.

Filipifoɛ 4:5

Ɛ́mɔma mmenia amukoraa bénwu ɛmɔ animia ne. Awurade apingye!

1 Tɛsalonikafoɛ 2:7

Nakoso mmerɛ bɔ né yɛwɔ ɛmɔ berɛ nen, yɛdwole yɛ nwo ase te kyɛ brataen bɔ ɔnea ye mma ɔ.

1 Timoteo 3:11

Sɔ ala yeɛ ɔsɛ kyɛ bɛ ye mɔ koso bɛyɛ mmenia bɔ bɛ nyunu le animnyam ɔ, bɔ bɛmmɔ nzekure, na mmom bɛ nwo dwo, ná bedi nahorɛ wɔ nikyee biala nu ɔ.

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

Yakobo 3:17

Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.

Yakobo 4:11

Aliɛmaa mɔ, nnɛma ɛmɔkekã ɛmɔ nwo dwirɛ tɛɛ. Na ebiala bɔ ɔkã oliɛngo nwo dwirɛ tɛɛ anaa obua ye ndɛen ne, ɔkã mmeraa ne nwo dwirɛ tɛɛ, na obua mmeraa ne ndɛen. Na sɛ ebua mmeraa ne ndɛen a, né ɛnyɔ bɔ mmeraa ne kã ne, na mmom ɛte ye so ndɛenbualɛniɛ.

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.

1 Petro 3:10

Ofikyɛ sona biala bɔ okuro ngoa ná ɔpena kyɛ onwu asetena paa nen, nnɛmaa ɔfa ye noa kekã musue dwirɛ, yeɛ nnɛma nnakannaka dwirɛ fite ye noa.

1 Petro 3:8

Bɔ ɔpɛ ye bo ɔ, ɛmɔ amukoraa ɛ́mɔnya adwene ko, ɛ́mɔnwunwu ɛmɔ nwo anwumvoin, ɛmɔhurohuro ɛmɔ nwo dwirɛ kyɛ aliɛmaa mɔ, ɛ́mɔnya tema bɛ́ma ɛmɔ nwo, na ɛ́mɔdwene anwobrɛaseɛ adwene.

1 Petro 4:4

Na ɔyɛ bɛ nwanwa kyɛ afei de, ɛmɔmva ɛmɔ nwo bɛmmɔ bɛ wɔ sɔ bra fiɛ basabasa ne anu ɔ, yiti bɛkekã ɛmɔ nwo dwirɛ tɛɛ.

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.

Yuda 1:10

Nakoso mmenia hemɔ de, bɛkekã dwirɛ tɛɛ betia nikyee biala bɔ bɛnde ye bo ɔ; na nikyee bɔ befi bɛ sona sue nu bɛse, kyɛ ngaka bɔ adwene nne bɛ ti anu ne, ye ala yeɛ ogua bɛ nwo fiɛ ɔ.

Yuda 1:8

Na sɔ ala yeɛ sɔ laleɛhyenɛfoɛ nemɔ begua bɛ nwonaen nwo fiɛ ɔ. Bebu tumililɛ animtia, na bɛkekã dwirɛ betia animnyamfoɛ nemɔ.