Tito 3:14 - AHYERƐLƐ KRONGRON

¹⁴ Ma yɛ mmenia besua nnwumaa paa nwo mmɔdenbɔlɛ, ná bɛ́fa bɛ́boka bɛ bɔ behia mmokalɛ paa ɔ; na mmom ɔnzɛ kyɛ bɛyɛ foen bɔ mvasoɛ nne bɛ so ɔ.

Tito 3:14 Iomraidhean Croise

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Mateo 21:19

Na onwuni borɔdoma bakaa bie wɔ atee ne noa, ɔhɔle ye nwo berɛ, na wannwu hwee wɔ so, sana nyaa ngome. Na osele bakaa ne kyɛ, “Engosu mmaa ko le!” Na berɛ ne ala, borɔdoma bakaa ne wuli.

Mateo 7:19

Bakaa biala bɔ onzu mmaa paa nen, bɛpɛ bɛto, na begyi bɛto see nu.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 15:8

Na ɛhe anu yeɛ ɛmɔhyɛ me Baba animnyam ɔ, sɛ ɛmɔsu mmaa pee a, na ɛhe yeɛ ɔmaa ɛmɔyɛ m’asuafoɛ ɔ.

Asomafoɛ 18:3

na kyɛbɔ ɛtena sua nwonɛ te bɛ mukoraa bɛ sa noa adwuma ne ati, ɔne bɛ tenane, na ɔne bɛ yɔle adwuma.

Asomafoɛ 20:35

Mahyire ɛmɔ wɔ nikyee biala nu kyɛ ɔsɛ kyɛ ɛmɔyɔ adwuma sɔa bɛfa bɛboka ehiafoɛ, ná ɛmɔma yɛkaye Awurade Yesu dwirɛ bɔ ɔhane ne. Ɔnwa: ‘Ɔte saleɛ pee kyɛ ɛkɔma tra kyɛ ekole ɔ.’ ”

Romanfoɛ 12:13

Ɛ́mɔboka anwoteefoɛ wɔ bɔ ohia bɛ ɔ nwo, ná ɛ́mɔbɔ mmɔden wɔ ɛwɔfoɛsolɛ nwo.

Romanfoɛ 15:28

Yiti sɛ meyie sɔ adwuma ye, ná mefa ndoboa bɔ baye ne mema bɛ a, ngɔfa ɛmɔ berɛ ná matoa so mahɔ Sepania.

Ɛfesofoɛ 4:28

Nnɛma awueniɛ wua ko, na mmom ɔsɛ kyɛ ɔbɔ mmɔden ɔfa ye sa yɔ adwuma bɔ ɔfata ɔ; amaa wanya bie wafa waboka sona bɔ wahia ye ɔ.

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Filipifoɛ 4:16

Na mmerɛ bɔ né nwɔ Tɛsalonika ne po, ɛmɔsomane maa bɛfale bɔ ohia me ɔ bɛbrɛle me ye pɛen ko ne ye pɛen nyɔ so.

Filipifoɛ 4:17

Nna kyɛ mepena akyɛdeɛ hɔ ɔ; na mmom mepena mmaa bɔ ɔkɔma ɛmɔ ngondaa ne kɔsone ɔ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

1 Tɛsalonikafoɛ 2:9

Aliɛmaa mɔ, ɛmɔkaye kyɛbɔ yɛsi yɛyɔle adwuma, ɔne yɛ fɛɛ bɔ yɛfɛle ɔ. Yɛyɔle adwuma eyia ne kɔngɔen kyɛbɔ ɔkɔyɛ na yanyɛ ɛmɔ nu biala so tɔsom, wɔ mmerɛ bɔ né yɛkã Nyameɛ nzɛmba ne yɛkyire ɛmɔ ne.

2 Tɛsalonika 3:8

yeɛ yanni ebiala aleɛ bɔ yandua ye kerɛ ɔ. Na mmom yɛyerele yɛ nwo yɛyɔle adwuma eyia ne kɔngɔen, kyɛbɔ ɔkɔyɛ bɔ yɛngɔyɛ ɛmɔ nu biala so tɔsom ɔ.

Tito 2:8

edwirɛ paa bɔ bengonya ye nwo dwirɛ bɛngɔhã ɔ; amaa ɔnate so ebiala bɔ ɔne wɔ bɛnyɛ adwene ne ye nyunu agua ase, bɔ ongonya yɛ nwo dwirɛ tɛɛ biala ngɔhã ɔ.

Tito 3:8

Ɛhe te edwirɛ nahorɛ, na mekuro kyɛ esi edwirɛ hemɔ so paa, amaa ɔnate so bɛ bɔ bale Nyameɛ bali ne badwene kyɛbɔ bɛkɔbɔ nnwumaa paa nwo mmɔden ɔ. Sɔ nningyein nemɔ yeɛ ɔte paa ɔ, na mvasoɛ wɔ so ma sona.

2 Petro 1:8

Na sɛ ɛmɔle sɔ suban paa hemɔ mmorosoɛ a, bɛngɔma ɛmɔngɔtena berɛ mbaen anaa ɛmɔngɔyɛ mmenia bɔ benzu mmaa wɔ y’Awurade Yesu Kristo nwo nimdeɛ nu ɔ.