Tito 2:8 - AHYERƐLƐ KRONGRON

⁸ edwirɛ paa bɔ bengonya ye nwo dwirɛ bɛngɔhã ɔ; amaa ɔnate so ebiala bɔ ɔne wɔ bɛnyɛ adwene ne ye nyunu agua ase, bɔ ongonya yɛ nwo dwirɛ tɛɛ biala ngɔhã ɔ.

Tito 2:8 Iomraidhean Croise

Nehemia 5:9

Yiti ngane kyɛ, “Nikyee bɔ ɛmɔyɔ ne, ɔtte mayee. Aso onni kyɛ ɛmɔsuro yɛ Nyameɛ, amaa ɔnate so maen maen mɔ bɔ bɛte yɛ pɔfoɛ ne, bangoro yɛ nwo ɔ?

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Marko 12:17

Yeɛ Yesu sele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.” Na ye nwo yɛle bɛ nwanwa.

Marko 12:28

Na ahyerɛlɛfoɛ nemɔ nu ko bɔ ɔtele kyɛ besu aporowaa, ná onwuni kyɛ Yesu abua bɛ yé ne, oobisale Yesu kyɛ, “Mmeraa dwirɛ beni yeɛ ye nwo hia paa ɔ?”

Marko 12:32

Na ahyerɛlɛniɛ ne sele ye kyɛ, “Amba, kyerɛkyerɛniɛ, ahã nahorɛ, ofikyɛ Nyameɛ te komapɛ, na ebiala nne berɛ kyɛ ye ngome twe;

Marko 12:34

Na Yesu nwuni kyɛ ahyerɛlɛniɛ ne wama mmuayɛɛ nworɛ nu nen, osele ye kyɛ, “Ɛne Nyameɛ ahennie ne b’afia atee wanwa.” Na ebiala angora ammisa ye edwirɛ biala ko.

Luka 13:17

Na ɔhane sɔ nen, ye pɔfoɛ nemɔ amukoraa bɛfɛrele; na mmenia ne amukoraa bɛ nye gyele animnyam nningyein bɔ ɔyɔle ne amukoraa nwo.

2 Tɛsalonika 3:14

Na sɛ ebie ngotie bɔ yahã ye wɔ krataa ye anu a, ɛmɔhyɛ sɔ sona ne nzorɛ, na nnɛma ɛmɔ ne ye bɛbɔ afɛ, ná ɛ́mɔma ɔfɛre.

1 Timoteo 5:14

Yiti mekuro kyɛ akunafoɛ ndaluwa nemɔ begyigya mmiaa ná bɛwo, ná bɛnea b’awuro so yé, ná yamma pɔfoɛ ne ate ma wangekã yɛ nwo dwirɛ tɛɛ;

1 Timoteo 6:3

Sɛ ebie yɛ ngyerɛkyerɛ foforɛ, ná wambene y’Awurade Yesu Kristo nahorɛ dwirɛ ne ɔne ngyerɛkyerɛ bɔ ɔkɔ nyamesom paa nu ne aso a,

Tito 3:14

Ma yɛ mmenia besua nnwumaa paa nwo mmɔdenbɔlɛ, ná bɛ́fa bɛ́boka bɛ bɔ behia mmokalɛ paa ɔ; na mmom ɔnzɛ kyɛ bɛyɛ foen bɔ mvasoɛ nne bɛ so ɔ.

1 Petro 2:12

Ɔwɔ nu kyɛ Amaenmaensofoɛ nemɔ bɛkekã ɛmɔ nwo dwirɛ kyɛ ɛmɔte bɔnefoɛ de, nakoso ɛ́mɔma ɛmɔ bra yɛ sannwuu wɔ bɛ nu, amaa banwu ɛmɔ bra paa ne, ná bahyɛ Nyameɛ animnyam wɔ kyẽa bɔ ɔkɔwa ne.

1 Petro 2:15

Ofikyɛ bɔ Nyameɛ kuro kyɛ ɛmɔyɔ ɛhe: kyɛ ɛmɔkɔfa ɛmɔ bra paa ne bɛkɔhã ngwaseafoɛ noa bɛkɔto nu ɔ.

1 Petro 3:16

Ɛ́mɔma ɛmɔ tiboa obua ɛmɔ be, amaa sɛ bɛto ɛmɔ soen a, bɛ bɔ bɛkekã ɛmɔ Kristo nu bra paa ne nwo dwirɛ tɛɛ ne, bɛ nyunu agua ase.