Tito 2:6 - AHYERƐLƐ KRONGRON

⁶ Na mmerandeɛ nemɔ koso, sɔ ala yeɛ tu bɛ foɛ ma benya anwohyɛsoɛ ɔ.

Tito 2:6 Iomraidhean Croise

YOB NWOMAA NE 29:8

sɛ né mmerandeɛ nwu me a, begyina ahameɛ, yeɛ mbanyi bɔ bɛ nye afi koso bedwɔso begyina berɛ;

Edwein 148:12

mmerandeɛ ne ndaluwa mɔ, mbanyi ne ngwadaa!

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Nworɛ Dwirɛhanɛniɛ 12:1

Kaye Nyameɛ bɔ ɔbɔle wɔ ne wɔ wɔ mmerandeɛ nu koraka né mmerɛ tɛɛ ne awa; anyɔ sɔ ná afoɛ nemɔ pingye a, ɛkɔhã kyɛ, “Mennya bɛ nu anigye biala”;

Yoel 2:28

Na ɛhe asi ne, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mma mmrasua kɔhyehyɛ ngɔm; ɛmɔ mbanyi mɔ kɔhyehye laleɛ, na ɛmɔ mmerandeɛ konwu nyekyire;

1 Tɛsalonikafoɛ 5:6

Yiti nnɛmɔma yɛdafe kyɛbɔ ebiemɔ bɛyɔ ne; na mmom ɛ́mɔma yɛwɛne, ná yɛma yɛ nye la berɛ.

1 Timoteo 5:1

Nnɛtwi panyi nyunu, na mmom tu ye foɛ kyɛ wɔ baba; yeɛ yɛ mmerandeɛ nemɔ kyɛ eliɛma mmienzua;

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

1 Yohane 2:13

Ngya mɔ, mekyerɛ he mebrɛ ɛmɔ, ofikyɛ ɛmɔse bɔ ahyɛaseɛ ne né ɔwɔ berɛ ne. Mmerandeɛ mɔ, mekyerɛ he mebrɛ ɛmɔ, ofikyɛ ɛmɔali bɔnefoɛ ne so ngonim. Ngwadaa mɔ koso, mekyerɛ he mebrɛ ɛmɔ, ofikyɛ ɛmɔse Baba ne.