Tito 2:5 - AHYERƐLƐ KRONGRON

⁵ ná badwene adwene paa, banea bɛ nwo so yé, basiesie b’awuro, bayɛ paa, babrɛ bɛ nwo ase bama bɛ bɔbɔ bɛ hu mɔ, ná mmenia annya edwirɛ tɛɛ banga bamva Nyameɛ dwirɛ ne anwo.

Tito 2:5 Iomraidhean Croise

Gyenesise 18:9

Bebisale ye kyɛ, “Ɛye Sara wɔ ni?” Na obuale kyɛ, “Ɔwɔ ɛtena sua ne anu dɔ.”

Gyenesise 3:16

Na braa ne wora, Nyameɛ sele ye kyɛ, “Ngɔmaa ɛkɔte aworɛ nu yealɛ paa, na yealɛ nu yeɛ ɛkɔwo mmaa ɔ. Nakoso wɔ wora kɔlɔ ehu, na okoli wɔ so.”

2 Samuel 12:14

Nakoso sɔ bra he bɔ abɔ, bɔ ɔnate so ama AWURADE pɔfoɛ mɔ banya ate baha musue dwirɛ batia ye ne ati, akwadaa bɔ awo ye ne okowu.”

Edwein 74:10

Ao Nyameɛ, bɛ bɔ bekyi wɔ ne, kyinzu koraa yeɛ bɛ ngorohoɛ ne okoodwu ɔ? Pɔfoɛ ne, aso ɔkɔsɛkye wɔ dumaa afebɔɔ anaa?

Anyandera 7:11

Braa ne te sona bɔ wasɛkye, na ɔnze nyanzoen, na ɔndena ye awuro.

Asomafoɛ 9:36

Né gyidiniɛ braa bie bɔ bɛfrɛ ye Tabita wɔ Yopa. (Hela dwudwolɛ nu, Tabita bo kyire Dɔkase, bɔ ye koso ye bo kyire wanzane). Braa he fale paayɛlɛ ne ehiafoɛ adɔeɛyɛlɛ yɛle ye adwuma.

Asomafoɛ 9:39

Yiti Petro dwɔsole, na ɔne bɛ hɔle. Oodwuli berɛ, na bɛne ye hɔle aborɔsaen ne aso. Yeɛ akunafoɛ mmrasua ne amukoraa beegyinagyinane ye nwo berɛ bɔ né besũ ɔ, na bɛfale ndaadeɛ ne ndena bɔ Dɔkase pombale wɔ mmerɛ bɔ né ɔne bɛ wɔ berɛ ne behyirele ye.

Romanfoɛ 14:16

Yiti nnɛma bɔ ɔte paa ma wɔ ne nya dumaa tɛɛ maa bɛka ye nwo dwirɛ tɛɛ.

Romanfoɛ 2:24

Ofikyɛ bahyerɛ kyɛ, “Ɔnate ɛmɔ Yudafoɛ ti, Amaenmaensofoɛ bedwudwo betia Nyameɛ.”

1 Korintofoɛ 11:3

Na mepena kyɛ ɛmɔte ye bo kyɛ Kristo te bienzua biala mene, brasua koso ohu te ye mene, na Nyameɛ koso te Kristo mene.

1 Korintofoɛ 14:34

ɛ́mɔma ɛmɔ mmrasua mɔ bemua bɛ noa wɔ asɔre mɔ nu. Ofikyɛ belle ye nwo ate kyɛ bedwudwo ɔ, na mmom bɛbrɛ bɛ nwo ase kyɛbɔ mmeraa ne kã ne.

Ɛfesofoɛ 5:33

Nakoso ɔsɛ kyɛ ɛmɔ nu biala kuro ɔye dwirɛ kyɛ ye bɔbɔ ye nwo, na yeɛ ne koso, ɔsɛ kyɛ ɔfa anidie ma ohu.

Kolosefoɛ 3:18

Yeɛ mɔ, ɛ́mɔbrɛ ɛmɔ nwo ase bɛ́ma ɛmɔ ahu mɔ, kyɛbɔ ɔsɛ wɔ Awurade nu ɔ.

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

1 Timoteo 6:1

Bɛ bɔ bɛwɔ ngoaasolɛ nu amukoraa, maa bebu bɛ mene mɔ kyɛ anidie amukoraa fata bɛ, amaa ɔnate so Nyameɛ dumaa ne ngyerɛkyerɛ ne nwo angua fiɛ.

Tito 2:4

amaa ɔnate so bafa batete ndaluwa nemɔ maa bahuro bɛ hu mɔ, ɔne bɛ mma mɔ dwirɛ,