Tito 2:2 - AHYERƐLƐ KRONGRON

² Kyirekyire ngɔkoraa nemɔ ma bɛ nye la berɛ, bɛyɛ mmenia bɔ bɛfata anidie ɔ, benya anwohyɛsoɛ, begyina pindinn wɔ gyidie nu, ɔdɔ nu ne animia nu.

Tito 2:2 Iomraidhean Croise

YOB NWOMAA NE 12:12

Mbanyi mɔ berɛ yeɛ nworɛ wɔ ɔ, yeɛ ndeaseɛ koso wɔ bɛ bɔ banyi bahyɛ ɔ berɛ.

Edwein 92:14

Bɛkɔ so besu mmaa wɔ bɛ nworowaa nu, daa bɛte frɔmfrɔm ne monɛ,

Anyandera 16:31

Egyein te animnyam abotire, sɛ ɔba kyɛ enya ye wɔ tenenee bra nu a.

Yesaya 65:20

Adɔma bɔ bɛwo ye a ɔngyɛ né wawu ne, ebie ngosi ko wɔ kuro ne anu, yeɛ aworowaa bɔ wanyie ye afoɛ mukoraa di ne koso, sɔ ala; ofikyɛ bɔ okoli afoɛ ɛyaa koraka né wawu ne, bekobu ye akwadaa, yeɛ bɔnefoɛ bɔ okoli afoɛ ɛyaa koraka né wawu ne, bekobu ye kyɛ banoma ye.

Lewitikɔso 19:32

“Fa ebulɛ ma panyi, di nworowaa ni, ná suro wɔ Nyameɛ: Me ole AWURADE.

Marko 5:15

Bɛɛtole Yesu berɛ, na benwuni biaa bɔ mmerɛ bie né sunzummɔne wɔ ye so ne, bɔ ye dumaa li Ɛlɔen ne, kyɛ ɔte berɛ ɔ, kyɛ owura ataadeɛ, ná ye adwene wɔ berɛ ɔ, na besurole.

Luka 8:35

Yeɛ mmenia fite wale kyɛ bɛbaanea edwirɛ bɔ wasi ne; na bedwuli Yesu nwo berɛ nen, benwuni biaa bɔ sunzummɔne mɔ batu bafi ye nu ne, kyɛ ɔte Yesu gya bo berɛ, owura ataadeɛ, ná ye adwene wɔ berɛ ɔ, na besurole.

Asomafoɛ 24:25

Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.”

Romanfoɛ 12:3

Ɔnate adom akyɛdeɛ bɔ wafa wama me ne ati, mekã mekyire ɛmɔ kyɛ nnɛma ɛmɔ nu biala bu ye nwo kyɛ odi mu tra kyɛbɔ ɔte ɔ. Na mmom ɛmɔdwene anwobrɛaseɛ adwene kyɛbɔ Nyameɛ gyidie bɔ wafa wama ebiala ne si te ɔ.

1 Korintofoɛ 15:34

Ɛ́mɔfa adwene paa ná ɛ́mɔyakyi bɔne yɔlɛ, ofikyɛ ɛmɔ nu biemɔ belle Nyameɛ nwo nimdeɛ. Mekã he maa ɛmɔ nyunu gua ase.

1 Korintofoɛ 9:25

Ebiala bɔ otu amirika pere ngonim ne, ɔhyɛ ye nwo so wɔ nikyee biala nu. Bɛyɔ sɔ ná banya abotire abasobɔdeɛ bɔ ɔsɛkye ɔ, nakoso yɛ de, yɛnya abotire abasobɔdeɛ bɔ ɔnzɛkye ɔ.

2 Korintofoɛ 5:13

Sɛ y’adwene asɛkye a, wasɛkye wama Nyameɛ; yeɛ sɛ y’adwene nu la berɛ a, ɔla ma ɛmɔ.

Galatiafoɛ 5:23

anwobrɛaseɛ, anwohyɛsoɛ. Mmeraa biala nne berɛ bɔ ɔko tia ɛhemɔ ɔ.

Filipifoɛ 4:8

Afei aliɛmaa mɔ, medwura edwirɛ ne kyɛ, nikyee biala bɔ ɔte nahorɛ, bɔ ɔte animnyam, bɔ ɔtengyɛ, bɔ ye nwo te, bɔ ɔyɛ nyemene, bɔ ole dumaa paa; sɛ bra paa bie wɔ berɛ a, sɛ ayɛyelɛ bie wɔ berɛ a, sɔ nningyein nemɔ yeɛ ɔsɛ kyɛ ɛmɔdwenedwene bɛ nwo ɔ.

1 Tɛsalonikafoɛ 5:6

Yiti nnɛmɔma yɛdafe kyɛbɔ ebiemɔ bɛyɔ ne; na mmom ɛ́mɔma yɛwɛne, ná yɛma yɛ nye la berɛ.

1 Tɛsalonikafoɛ 5:8

Nakoso ɔnate kyɛ yɛte alehyeleɛ mma ne ati, ɛ́mɔma yɛ nye la berɛ ná yɛfa gyidie ne ɔdɔ yɛyɛ koɛ buralɛ yɛkata yɛ hue so, na yɛfa ngoalelɛ nwo anyelasoɛ yɛyɛ koɛ buralɛ kyerɛ yɛwura.

1 Timoteo 1:10

adwamanbɔlɛfoɛ, mmienzua bɔ bɛne mmienzua bɛda ɔ, bɛ bɔ bɛtɔne mmenia, ngondombofoɛ, ndaentolɛfoɛ, yeɛ nikyee biala bɔ ɔboka so bɔ otia ngyerɛkyerɛ paa ɔ;

1 Timoteo 1:14

Na y’Awurade adom ne wale me so mmorosoɛ, wɔ gyidie ne ɔdɔ bɔ ɔwɔ Kristo Yesu nu ɔ.

1 Timoteo 1:2

mefa mebrɛ Timoteo, bɔ ɔte me bɔbɔ mma wɔ gyidie nu ne. Adom, anwumvoinnwunɛ ne asomdwee bɔ ofi yɛ Baba Nyameɛ ne yɛ Awurade Kristo Yesu berɛ ɔyɛ wɔ deɛ.

1 Timoteo 1:5

Na kɔkɔbɔlɛ ne, ye botaeɛ ole ɔdɔ bɔ ofi ahone bɔ nu te ɔ nu, tiboa paa ne gyidie kaenn nu.

1 Timoteo 3:11

Sɔ ala yeɛ ɔsɛ kyɛ bɛ ye mɔ koso bɛyɛ mmenia bɔ bɛ nyunu le animnyam ɔ, bɔ bɛmmɔ nzekure, na mmom bɛ nwo dwo, ná bedi nahorɛ wɔ nikyee biala nu ɔ.

1 Timoteo 3:2

Ɔsɛ kyɛ neafoɛ ne ɔyɛ sona bɔ ngekalewa biala nne ye bra nu ɔ, ɔye yɛ komapɛ, ye nye la berɛ, ye nye dwo ase, ye suban te paa, okuro ɛwɔfoɛsolɛ, ɔse ngyerɛkyerɛ yɛ,

1 Timoteo 3:4

Ɔsɛ kyɛ ɔyɛ sona bɔ ɔkora bu ye bɔbɔ ye awuro yé, ná ɔtete ye mma maa bebu ye wɔ atee biala so ɔ.

1 Timoteo 3:8

Sɔ ala yeɛ ɔsɛ kyɛ asɔre nu asomvoɛ mɔ bɛyɛ mmenia bɔ bɛ nyunu le animnyam ɔ, bɔ bɛkã nahorɛ, na mmom bɛtte akɔnomnzafoɛ ne adifuufoɛ ɔ;

1 Timoteo 5:1

Nnɛtwi panyi nyunu, na mmom tu ye foɛ kyɛ wɔ baba; yeɛ yɛ mmerandeɛ nemɔ kyɛ eliɛma mmienzua;

Tito 1:13

Sɔ adanzeɛ he te nahorɛ, yiti twi bɛ nyunu paa, amaa ɔnate so bagyina pindinn wɔ gyidie ne anu;

Tito 1:8

na mmom ɔsɛ kyɛ ɔma ye nye gye ɛwɔfoɛsolɛ nwo, okuro bɔ ɔte paa, ɔte ebie bɔ ye adwene nu pi, ɔtengyɛ, ye nwo te, ná ole anwohyɛsoɛ ɔ;

Tito 2:7

Na nningyein mukoraa nu, tu wɔ nwo sie berɛ yɛ yɔleɛ paa nwo nhwɛsoɛ: Wɔ ngyerɛkyerɛ nu, da nahorɛlilɛ ne ahoneserɛ ali,

Filemɔn 1:9

nakoso ɔnate ɔdɔ ti, mekuro kyɛ mesrɛ wɔ mmom, me Pɔɔlo bɔ mayɛ akoraa, bɔ kekesaala ye nza nde Yesu Kristo kukununiɛ ɔ.

1 Petro 1:13

Yiti ɛ́mɔsiesie ɛmɔ adwene ma osi pi, ɛ́mɔma ɛmɔ nye la berɛ, ná ɛ́mɔma ɛmɔ anyelasoɛ amukoraa ówura adom bɔ Yesu Kristo kɔfa kɔbrɛ ɛmɔ wɔ ye nwo aliyelɛ ne anu.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

2 Petro 1:6

ɛ́mɔfa anwohyɛsoɛ bɛ́foa nimdeɛ so; ɛ́mɔfa animia bɛ́foa anwohyɛsoɛ so; ɛ́mɔfa nyamesom paa bɛ́foa animia so;