Tito 2:12 - AHYERƐLƐ KRONGRON

¹² Na okyirekyire yɛ, kyɛ, yɛ́gyi bra fiɛ ne wiase akɔnnɔ yɛ́gua, kyɛ yɛ́nya anwohyɛsoɛ, ná yɛ́fa tenenee ne nyamesom paa yɛtena wiase he anu,

Tito 2:12 Iomraidhean Croise

Edwein 105:45

amaa ɔnate so Yisraelfoɛ bali ye ahyɛdeɛ so, ná bali ye mmeraa so. Ɛ́mɔye AWURADE ayɛ!

Edwein 4:3

Nakoso ɛ́mɔkaye kyɛ sona bɔ ɔtengyɛ ne, AWURADE aneanea nu waye ye wasie berɛ wama ye nwo; sɛ mesu mefrɛ AWURADE a, otie me sufrɛ.

Hesekiel 36:27

Ngɔfa me sunzum ngowura ɛmɔ nu, ngɔmaa ɛmɔkoli m’ahyɛdeɛ so, na ɛmɔkɔnea kyɛ ɛmɔkoli me nhyehyɛleɛ so ɔ.

Mateo 12:32

Ebiala bɔ okodwudwo kotia Sona Awa ne nen, bɛkɔfa bɛkɔhyɛ ye; nakoso bɔ okodwudwo kotia Sunzum Krongron ne de, bɛngɔfa ngɔhyɛ ye, wɔ ewiase wa ne ewiase bɔ ɔ́ba ne anu.

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Luka 1:75

wɔ anwotelɛ ne tenenee nu, wɔ ye nyunu yɛ ngoa ngyẽa mukoraa ne.

Yohane 14:30

Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so.

Yohane 6:25

Na beenwuni ye wɔ ɛpo ne asi dɔ nen, bebisale ye kyɛ, “Rabi, mmerɛ beni yeɛ ɛwale wa ɔ?”

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

Asomafoɛ 24:25

Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.”

Romanfoɛ 12:2

Nnɛma ɛmɔyɛ ɛmɔ nwo kyɛ wiase he, na mmom ɛ́mɔma ɛmɔ adwene nu foforɛyɛlɛ ne ɔsakyera ɛmɔ, amaa ɔnate so ɛmɔanwu bɔ ɔte Nyameɛ apɛdeɛ ɔ, bɔ ɔte paa, ɔsɔ anyeɛ ná odi mu ɔ.

Romanfoɛ 6:12

Yiti nnɛmɔma bɔne di ɛmɔ nipadua so hene bɔ ɔkɔmaa ɛmɔkɔyɛ sotie kɔma ye akɔnnɔdeɛ ɔ.

Romanfoɛ 6:19

Ɔnate ɛmɔ anwoɔnaen mmerɛyɛlɛ ti yeɛ mafa kuro sona atee so madwudwo mahyire ɛmɔ ɔ. Na kyɛbɔ mmerɛ bie ɛmɔfale ɛmɔ nwonaen akwaa bɛyɛle ngoaa bɛmane efiɛ ne amumuyɛɛ mbiri mbiri ne, sɔ ala yeɛ odi kyɛ afei ɛmɔfa ɛmɔ nwonaen akwaa besie berɛ bɛma tenenee bɛkɔ krongronyɛlɛ nu ɔ.

Romanfoɛ 8:13

Ofikyɛ sɛ ɛmɔbɔ ɛmɔ bra kyɛbɔ anwoɔnaen ne kuro a, ɛmɔkowu. Nakoso sɛ ɛmɔfa Sunzum ne beku anwoɔnaen nnwumaa de a, ɛmɔkonya ngoa.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Galatiafoɛ 1:4

Ye yeɛ ɔfale ye ngoa tole berɛ mane yɛ bɔne ɔ, amaa ɔnate so waye yɛ wafi kekesaala ye bɔne wiase ye anu, kyɛbɔ yɛ Baba Nyameɛ apɛdeɛ te ne.

Galatiafoɛ 5:24

Na bɛ bɔ bɛte Kristo Yesu deɛ ne, babɔ anwoɔnaen ne ne ye akɔnnɔ, ɔne bɔ ɔhyɛ anwoɔnaen ne aso mmeamudua nu.

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Kolosefoɛ 1:22

Nakoso kekesaala ye de, ɔnate Kristo wue ne aso wahwe ɛmɔ wabata ye nwonaen nipadua, amaa ɔnate so wafa ɛmɔ wawa ye nyunu kyɛ mmenia bɔ bɛte krongron, bɔ ngekalewa nne bɛ nwo ná benni fɔ ɔ.

1 Tɛsalonikafoɛ 4:7

Ɔnate kyɛ, Nyameɛ amvrɛ yɛ wamma efiɛ nu, na mmom anwotelɛ nu.

1 Tɛsalonikafoɛ 4:9

Onhia kyɛ ngɔhyerɛ ngɔkɔbrɛ ɛmɔ kyɛ ɛmɔhurohuro ɛmɔ aliɛma mɔ bɛ dwirɛ ɔ, ofikyɛ Nyameɛ ahyirehyire ɛmɔ kyɛ ɛmɔhurohuro ɛmɔ nwo dwirɛ.

1 Timoteo 4:12

Nnɛma ebiala bu wɔ animtia kyɛ ɛte aberandeɛ ɔ, na mmom ma agyidifoɛ bɛyɛ nhwɛsoɛ wɔ edwudwolɛ nu, brabɔlɛ nu, ɔdɔ nu, gyidie nu ne anwotelɛ nu.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

1 Timoteo 6:9

Nakoso bɛ bɔ bɛpena kyɛ benya bɛ nwo ne, bɛtɔ nzɔhwɛ ne ngaen ne ngwaseaa akɔnnɔ bɔ ɔtte mayee mma sona, bɔ ɔfa bɛ kɔ ɛsɛkyelɛ ne eminilɛ nu ne anu ɔ.

2 Timoteo 3:12

Amba, sona biala bɔ ɔpena kyɛ ɔbɔ bra bɔ ɔsɔ anyeɛ wɔ Kristo Yesu nu ne, bɛkɔtane ye nye.

2 Timoteo 4:10

Ofikyɛ Dema ahuro kekesaala ye wiase ye dwirɛ, na wayakyi me nu wasi nu wahɔ Tɛsalonika; Kreseke ahɔ Galatia, yeɛ Tito ahɔ Dalmatia.

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Hebrifoɛ 8:11

Na bɛ nu biala ngohyirehyire obiɛngo, anaa ɔngɔhã ngohyire oliɛma kyɛ ‘Nwu Awurade,’ ofikyɛ bɛ mukoraa, fite ngwadaa so kodwu mbanyi so bekonwu me.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,

2 Petro 3:11

Na sɛ sɔ yeɛ sɔ nningyein ne amukoraa bɛkɔsɛkye a, nzaade nzikyɛ mmenia yeɛ ɔsɛ kyɛ ɛmɔyɛ ɔ? Ɔsɛ kyɛ ɛmɔtira bra krongron ne nyamesom paa nu,

1 Yohane 2:27

Nakoso ɛmɔ de, ngoo bɔ wafa wapopa ɛmɔ ne, ɔte ɛmɔ nu, yiti onhia kyɛ ebie kohyirehyire ɛmɔ ɔ. Na sɔ ngoopalɛ ne ala kyirekyire ɛmɔ nikyee biala, ɔkã nahorɛ, ɔmbɛ ngondombo, na kyɛbɔ wahyirehyire ɛmɔ ne, ɛmɔli so.

1 Yohane 2:6

Na ebiala bɔ ɔnwa ɔne Nyameɛ atira abiɛngoɛ nen, odi kyɛ ye koso ɔbɔ ye bra kyɛbɔ Kristo bɔle ye deɛ ne.

1 Yohane 5:19

Yɛse kyɛ yɛte Nyameɛ deɛ, yeɛ ewiase amukoraa wura bɔnefoɛ ne bo.

Yuda 1:18

Bɛhã behyirele ɛmɔ kyɛ, “Mmerɛ bɔ oli nziɛ ne anu, ngorohoɛfoɛ kodwɔso, na bekoli bɛ bɔbɔ b’akɔnnɔ si.”

Nyekyire 14:12

Na ɛhe hia anwoteefoɛ animia, bɛ bɔ bedi Nyameɛ ahyɛdeɛ so ná betira Yesu gyidie nu ne.”