Tito 1:9 - AHYERƐLƐ KRONGRON

⁹ ɔsɛ kyɛ otira nahorɛ dwirɛ ne anu bum kyɛbɔ behyirele ye ne, amaa ɔnate so wahora wafa ngyerɛkyerɛ paa watu foɛ, ná wama aporowaasulɛfoɛ bɛ mvomsoɛ ala ali.

Tito 1:9 Iomraidhean Croise

YOB NWOMAA NE 2:3

Yeɛ AWURADE bisale Satan kyɛ, “Aso asusu m’akoaa Yob nwo? Kyɛ sona biala nne berɛ bɔ ɔte kyɛ ye ɔ wɔ aseɛ so; kyɛ ɔte sona bɔ ye bra te sannwuu, ná ɔtengyɛ ɔ; kyɛ osuro Nyameɛ, na ɔtwe ye nwo fi bɔne nwo ɔ?” Ɔtɛ gyi ye gya nu wɔ ye nahorɛlilɛ nu, ɔwɔ nu kyɛ awurawura me amaa mafa ye nwo dwirɛ, kyɛ mbrapra amaneɛ ngua ye so wɔ aberɛ bɔ ɔyyɔle bɔne biala ɔ.”

YOB NWOMAA NE 27:6

Ngotira me tenenee nu pindinn bɔ mengɔyakyi nu ɔ, na me ngoa nu bɔ nde ye, me tiboa mmua me fɔ.

Anyandera 23:23

Tɔ nahorɛ, na nnɛyɛ ye atɔen; yeɛ tɔ nworɛ, foɛtulɛ, ne nimdeɛ.

Asomafoɛ 18:28

Ofikyɛ ɔnate ye ngyerɛkyerɛ so lili Yudafoɛ so ngonim wɔ badwa nu, na ɔfale Ahyerɛlɛ ne hyirele nu pefee kyɛ Yesu ole Kristo ne.

1 Korintofoɛ 14:24

Nakoso sɛ ɛmɔ amukoraa ɛmɔhyɛ ngɔm, ná sɛ ebie bɔ onne nni anaa ebie mbaen ba berɛ a, edwirɛ bɔ ɔkɔte ne amu kobua ye ndɛen na wapusu ye.

1 Tɛsalonikafoɛ 5:21

na mmom ɔsɛ kyɛ ɛmɔso nningyein amukoraa bɛnea: na bɔ ɔte paa ne, ɛ́mɔsɔ nu yé,

2 Tɛsalonika 2:15

Yiti aliɛmaa mɔ, ɛmɔgyina pindinn, na ɛmɔsɔ ngyerɛkyerɛ bɔ yɛnate yɛ noa dwirɛ anaa krataa so yafa yahyire ɛmɔ ne anu yé.

1 Timoteo 1:10

adwamanbɔlɛfoɛ, mmienzua bɔ bɛne mmienzua bɛda ɔ, bɛ bɔ bɛtɔne mmenia, ngondombofoɛ, ndaentolɛfoɛ, yeɛ nikyee biala bɔ ɔboka so bɔ otia ngyerɛkyerɛ paa ɔ;

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.

1 Timoteo 1:19

ná nya gyidie ne tiboa paa bɔ ebiemɔ de bagyi bato nekaa bie, ná bafi ase wɔ gyidie nu ne.

1 Timoteo 4:9

Ɛhe te nahorɛ dwirɛ, bɔ ɔsɛ kyɛ bede bɛto nu bɔkɔɔ ɔ.

1 Timoteo 6:3

Sɛ ebie yɛ ngyerɛkyerɛ foforɛ, ná wambene y’Awurade Yesu Kristo nahorɛ dwirɛ ne ɔne ngyerɛkyerɛ bɔ ɔkɔ nyamesom paa nu ne aso a,

2 Timoteo 1:13

Edwirɛ paa mɔ bɔ ate afi me berɛ ne, sɔ ye nwo nhwɛsoɛ nu yé, gyidie ne ɔdɔ bɔ ɔwɔ Kristo Yesu nu ne anu.

2 Timoteo 2:2

Na bɔ ɛte fili me berɛ wɔ adanzefoɛ pee bɛ nyunu ne, fa wura mmenia bɔ bedi nahorɛ bɔ bɛkɔhora bekohyirehyire ebiemɔ koso ɔ bɛ sa.

2 Timoteo 2:25

ná ɔfa anwobrɛaseɛ nu dwudwo kyire bɛ bɔ bɛne ye nyɛ adwene ɔ. Ofikyɛ ebiaa né Nyameɛ amaa basakyera b’adwene ná banwu nahorɛ ne,

2 Timoteo 3:14

Nakoso wɔ de, bɔ asua ɔne bɔ ale ali ne, kɔ so sɔ nu yé, ofikyɛ sona bɔ esua fili ye berɛ ne, ɛse kyɛbɔ osi te ɔ,

2 Timoteo 4:3

Ofikyɛ mmerɛ bie kɔwa bɔ mmenia ngotie ngyerɛkyerɛ bɔ ɔte paa ne, na mmom bɛ so anu bɔ ɔyɛ bɛ fɛ ne ati, bɛkɔboaboa akyerɛkyerɛfoɛ noa maa bɛkɔhã edwirɛ bɔ bɛpena kyɛ bɛte ɔ.

Tito 1:11

bɔ ɔsɛ kyɛ bɛmaa bemua bɛ noa ɔ. Bɛ yeɛ mvasoɛ fiɛ ti bekyirekyire bɔ ɔnzɛ kyɛ bekyire ɔ, na bɛfa bɛsɛkye abusuafoɛ mukoraa b’adwene.

Tito 2:1

Na wɔ de, ngyerɛkyerɛ sannwuu yeɛ ɔsɛ kyɛ ekyire ɔ.

Yuda 1:3

Aliɛmaa mɔ, mabɔ mmɔden amukoraa kyɛ mekyerɛ ngoalelɛ bɔ yɛ mukoraa yanya ye ne nwo dwirɛ mebrɛ ɛmɔ, na ye nwo ahia kyɛ mekyerɛ mebrɛ ɛmɔ, ná metu ɛmɔ foɛ, kyɛ ɛ́mɔpere bégyina pindinn bɛ́ma gyidie bɔ bafa bama anwoteefoɛ pɛnko ne.

Nyekyire 2:25

Yiti bɔ ɛmɔanya ye ne, ɛ́mɔsɔ nu yé kɔpem kyɛ ngɔwa ɔ.

Nyekyire 3:11

Méba ndɛndɛ, yiti sɔ bɔ anya ye ne anu yé, ná ebiala anne w’abotire ne.

Nyekyire 3:3

Yiti kaye bɔ behyirele wɔ, ɔne bɔ ɛtele ne; sɔ nu yé na sakyera w’adwene. Na sɛ anwɛne a, ngɔwa wɔ so kyɛ awueniɛ, na engonwu dɔnhwere horɛ bɔ ngɔfa ngɔwa wɔ so ɔ.