Tito 1:7 - AHYERƐLƐ KRONGRON

⁷ Na bɔ ɔfata neafoɛ ɛhe: ɔnzɛ kyɛ benwu ngekalewa wɔ ye bra nu, ofikyɛ ɔte Nyameɛ awuro so neafoɛ; ɔnzɛ kyɛ ɔmoma ye nwo so, onya ahone, ɔyɛ akɔnomnzaniɛ, patapaa, anaa adifuu sona;

Tito 1:7 Iomraidhean Croise

Gyenesise 49:6

Ao me kra, nnɛne bɛ fa adwene; Ao me sunzum, nnɛne bɛ bɔ afɛ; ofikyɛ sɛ bɛfɛ yaa a, bedi awue, na bɛgye bɛ nye a, bɛpepɛ nandwie mɔ gya ndii nu.

Anyandera 14:17

Sona bɔ ye ahone pingye ye ne, ɔyɔ ye nningyein ngwaseaa nu, yeɛ kanda sona koso, mmenia kyi ye.

Anyandera 15:18

Sona bɔ ye ahone pingye ye ne, ye nwo te ngondii, nakoso bɔ ye ahone nhu ndɛ ne de, ɔma mmenia ahone tɔ nzue nu.

Anyandera 16:32

Sɛ w’ahone nhu ndɛ a, ɔte paa tra kyɛ ɛte katakyie ɔ, yeɛ sɛ enya ɛyaafɛlɛ nu anwohyɛsoɛ a, ɔte paa tra kyɛ ɛkɔho kɔfa kuro ɔ.

Nworɛ Dwirɛhanɛniɛ 7:9

Nnɛma w’ahone hu ndɛndɛ, ofikyɛ ngwaseafoɛ yeɛ ahonehulɛ wɔ bɛ so ɔ.

Yesaya 28:7

Sɔ mmenia hemɔ koso, bɛfa nzaa bebia, na nzaa serɛ maa bɛnate fofalifofali: Asɔfo mɔ ne ngɔmhyɛlɛfoɛ bɛfa nzaa serɛ bebia, nzaa ama b’adwene ayɛ nwunyaenn, nzaa serɛ maa bɛnate fofalifofali, bɛyɛ mvomsoɛ wɔ nyekyire nu, na bɛ ndɛenbualɛ ɔtte mayee.

Hesekiel 44:21

Onni kyɛ ɔsɔfo biala no nzaa wɔ mmerɛ bɔ ɔkɔhɔ sua ne akunu dɔ aluo berɛ ɔ.

Lewitikɔso 10:9

“Ɛne wɔ mma mmienzua mɔ, sɛ ɛmɔkɔ ɛtena sua ne anu a, nnɛma ɛmɔno bobe nzaa anaa nzaa serɛ biala amaa ɛmɔanwu; ɔsɛ kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ amukoraa nu.

Mateo 24:45

“Na nwa koraa ole akoaa nahorɛniɛ ne nworɛniɛ, bɔ ye mene afa ye awuro berɛ ngoaa mɔ wawura ye sa, kyɛ ɔma bɛ aleɛ wɔ mmerɛ bɔ ɔsɛ ɔ nu ɔ?

Luka 12:42

Na Awurade buale kyɛ, “Nwa ole awuro so neafoɛ nahorɛniɛ ne nworɛniɛ ne, bɔ ye mene kɔfa ye awuro berɛ ngoaa mɔ kowura ye sa, kyɛ ɔma bɛ b’aleɛ wɔ mmerɛ bɔ ɔsɛ ɔ nu ɔ?

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.

Filipifoɛ 1:1

Pɔɔlo ne Timoteo, bɔ yɛte Kristo Yesu ngoaa, yɛfa yɛbrɛ Kristo Yesu nu anwoteefoɛ amukoraa bɔ bɛwɔ Filipi, bɔ neafoɛ mɔ ne asomvoɛ mɔ bɛboka so ɔ.

Tito 1:5

Na ɛhe ati yeɛ nyakyili wɔ wɔ Krete ɔ, kyɛ ɛ́nea toto nningyein bɔ waha ne pɛpɛɛpɛ, ná ɛyeye mbanyi mɔ wɔ kuro biala so, kyɛbɔ ngane kyɛ ɛyɔ ne:

Tito 2:3

Sɔ ala yeɛ kyirekyire nworowaa nemɔ ma bɛbɔ bra bɔ ɔte krongron ɔ. Ɔnzɛ kyɛ bedi nzekure anaa bɛyɛ akɔnomnzafoɛ; na mmom ɔsɛ kyɛ bekyirekyire bɔ ɔte paa ɔ,

1 Petro 4:10

Na kyɛbɔ ɛmɔ nu biala wanya adom akyɛdeɛ ne, ɛ́mɔfa bɛ́so ɛmɔ nwo ɛmɔ nwo, kyɛ Nyameɛ adom ahoroɔ ne nwo neafoɛ paa mɔ.

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.