Tito 1:5 - AHYERƐLƐ KRONGRON

⁵ Na ɛhe ati yeɛ nyakyili wɔ wɔ Krete ɔ, kyɛ ɛ́nea toto nningyein bɔ waha ne pɛpɛɛpɛ, ná ɛyeye mbanyi mɔ wɔ kuro biala so, kyɛbɔ ngane kyɛ ɛyɔ ne:

Tito 1:5 Iomraidhean Croise

1 Aberɛso Dwirɛ 6:32

Bɛ yeɛ né bɛto dwein bɛfa bɛsɔne Nyameɛ wɔ nyianu ɛtena sua ne nyunu ɔ, kɔpem kyɛ Solomon sili AWURADE asɔneyɛɛ sua ne wɔ Yerusalem yiele ɔ. Na begyinane nhyehyɛleɛ bɔ bafa bama bɛ ne aso bɛyɔle b’adwuma.

Nworɛ Dwirɛhanɛniɛ 12:9

Nworɛ Dwirɛhanɛniɛ ne, nna nworɛ angome yeɛ ɔse ɔ, na mmom ohyirehyirele mmenia nimdeɛ bokale so. Otiele anyandera pee, ɔpɛnzɛpɛnzɛle nu, na obuli anyandera pee.

Yesaya 44:7

Nwa yeɛ ɔte kyɛ me ɔ? Maa ɔhã e! Maa ɔfa to dwaa, ná ɔfa to me nyunu. Nwa yeɛ ofi tetetete wahyire maen bɔ ngyekyele ye afebɔɔ ne, ɔne kyẽa bie nningyein bɔ bekosi ɔ? Maa ohyire yɛ bɔ ɔbaasisi ɔ.

Lewitikɔso 14:42

Odi kyɛ bɛsesa nyɔboɛ foforɛ bewura nyɔboɛ ɛhene mɔ boso, ná bɛ́fa ɛfaa foforɛ bɛma awuro ne anwo.

Asomafoɛ 11:30

Bɛyɔle sɔ, na bɛfale akyɛdeɛ ne bɛsomane Banaba ne Sɔɔlo maa bɛɛmane Yerusalem asɔre ne mbanyi mɔ.

Asomafoɛ 14:23

Na besili asɔre biala nu mbanyi bɛmane bɛ, na bɛfale mbaeɛbɔlɛ ne akɔngyere betuli bɛ bewurale Awurade bɔ bale ye bali ne sa.

Asomafoɛ 2:11

Yudafoɛ ne Amaenmaensofoɛ bɔ baaboka Yudasom so ɔ, ebiemɔ koso befi Krete ne Arabia, nakoso yɛ mukoraa yɛte kyɛ bɛ́fa yɛ bɔbɔ yɛ dwudwolɛ bɛka Nyameɛ anwanwadwuma bɔ wayɔ ɔ!”

Asomafoɛ 27:12

Né ɛlɛen agyinaleɛ berɛ ɔtte mayee bɔ bedi prakasua mmerɛ ne berɛ a ɔyɛ yé ɔ, yiti mmeni soma yɛle kyɛ bɛkɔtoa ateetulɛ ne aso, na sɛ ɔkɔyɛ yee po a, baadwu Fonike na bali prakasua mmerɛ ne berɛ. Fonike te ɛlɛen agyinaleɛ wɔ Krete, na ɔla sorɔ ne eyia atɔleɛ, ɔne ngwaen ne eyia atɔleɛ b’afia.

Asomafoɛ 27:13

Mvrama bɛtɛɛ bie hyɛle ye bo bɔ fili ngwaen na benyane adwene kyɛ bɛ nzusuleɛ ne kɔhɔ so kama. Yiti betuli sɛkyɛ ne, na yɛfale Krete ɛpo ne noa pɛɛ.

Asomafoɛ 27:21

Ngyẽa pee se hɔle bɔ né yɛllili hwee ɔ. Yiti Pɔɔlo dwɔso gyinane b’afia sele bɛ kyɛ, “Biamɔ, sɛ ɛmɔtiele me yeɛ yandu yamvi Krete a, ahaa yɛngonwu sɔ amaneɛ ne nningyein bɔ yahwere ye.

Asomafoɛ 27:7

Né ɛlɛen ne ngora kɔ paa biala, yiti yɛlili ngyẽa pee wɔ nzue so; na yɛfɛle paa koraa yeɛ yɛpingye Kinido ɔ. Mvrama ne amma yangɔ yɛ nyunu moa ko; yiti yɛɛfale supɔ Krete aseɛnwo dɔ nekaa bie bɔ né mvrama ndu nyia yɛ ɔ, na yɛtrale Salmone mboanoa.

1 Korintofoɛ 11:34

Sɛ ɛhɔen ku ebie a, maa odidi awuro koraka, ná ɛmɔammanyia nu bandwetwe ndɛenbualɛ bamma bɛ nwo. Edwirɛ bɔ wahã ne de, meba a yeɛ ngɔhã ye nwo bie ɔ.

1 Korintofoɛ 14:40

Na ɛ́mɔfa atee paa so bɛ́yɔ nikyee biala pɛpɛɛpɛ.

1 Korintofoɛ 4:17

Ɛhe ati, mésoma mma Timoteo bɔ mekuro ye dwirɛ ná odi nahorɛ wɔ Awurade nu ne wɔ ɛmɔ berɛ, kyɛ ɔɔkayekaye ɛmɔ me Kristo nu brabɔlɛ, kyɛbɔ mekyirekyire ye asɔre biala nu wɔ nekaa biala ne.

Kolosefoɛ 2:5

Ɔwɔ nu kyɛ anwoɔnaen nu de nna me ne ɛmɔ yeɛ yɛwɔ dɔ ɔ, nakoso me ne ɛmɔ yɛwɔ dɔ sunzum nu. Na ɔyɛ me fɛ kyɛ ɛmɔgyi berɛ pindinn ná ɛmɔ gyidie koso atindim wɔ Kristo nu ɔ.

1 Timoteo 1:3

Mmerɛ bɔ né mekɔ Makedonia nen, nzrɛle wɔ kyɛ ɛtena Ɛfeso, ná etu mmenia biemɔ foɛ kyɛ nnɛmaa bekyirekyire ngyerɛkyerɛ foforɛ,

2 Timoteo 2:2

Na bɔ ɛte fili me berɛ wɔ adanzefoɛ pee bɛ nyunu ne, fa wura mmenia bɔ bedi nahorɛ bɔ bɛkɔhora bekohyirehyire ebiemɔ koso ɔ bɛ sa.

Tito 1:12

Bɛ bɔbɔ bɛ nu sona ko, bɔ ɔte bɛ bɔbɔ bɛ ngɔmhyɛlɛniɛ ɔ, ɔhane kyɛ, “Kretefoɛ bɛte ngondombofoɛ daa biala, ngaka amumuyɛɛfoɛ, ɛfoen mmenia bɔ bɛte adifuu ɔ.”