Tito 1:4 - AHYERƐLƐ KRONGRON

⁴ na mékyerɛ mebrɛ Tito, bɔ ɛte me bɔbɔ mma wɔ gyidie komapɛ ne ala nu ɔ. Adom, anwumvoinnwunɛ ne asomdwee bɔ ofi Baba Nyameɛ ne yɛ Ngoadefoɛ Awurade Yesu Kristo berɛ ɔyɛ wɔ deɛ.

Tito 1:4 Iomraidhean Croise

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Yohane 4:42

Na besele braa ne kyɛ, “Afei de, nna wɔ noa dwirɛ ne ati yeɛ ɔmaa yɛde yɛdi ɔ, na mmom yɛ bɔbɔ yate, na yanwu kyɛ amba, ye ole ewiase Ngoadefoɛ ne.”

Romanfoɛ 1:12

mekyire kyɛ, ɔnate ɛmɔ gyidie ne me deɛ so, yɛ mukoraa yɛkonya aworakyekyerɛ wɔ yɛ nu.

Romanfoɛ 1:7

Mekyerɛ mebrɛ ɛmɔ amukoraa bɔ Nyameɛ kuro ɛmɔ dwirɛ bɔ ɛmɔwɔ Rome, bɔ wafrɛ ɛmɔ kyɛ ɛmɔɔyɛ anwoteefoɛ ɔ. Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

2 Korintofoɛ 12:18

Nzrɛle Tito, na nzomane ye ne aliɛmaa ne kyɛ bɛbra ɛmɔ berɛ. Aso Tito, olili ɛmɔ aminɛ anaa? Ɔne me yɛ dwumadie ne ɔtte ko anaa? Anaakyɛ nna agyirɛ komapɛ ne ala yeɛ yɛtuli ɔ?

2 Korintofoɛ 2:13

Nakoso wanyɛ me fɛ paa biala, ofikyɛ mannwu nniɛma Tito wɔ berɛ. Yiti ngrale berɛ ama, na nzili nu ngɔle Makedonia.

2 Korintofoɛ 4:13

Ɔnate kyɛ yɛ koso yɛle sɔ gyidie sunzum ne ala bie, kyɛbɔ wahyerɛ kyɛ, “Male mali, yiti madwudwo” ne, sɔ ala yeɛ yɛ koso yɛde yɛdi, yiti yɛdwudwo ɔ.

2 Korintofoɛ 7:6

Nakoso Nyameɛ bɔ ɔkyekye bɛ bɔ bɛ wora abɔ wora ne, ɔfale Tito walɛ ne aso kyekyele yɛ wora.

2 Korintofoɛ 8:16

Yɛda Nyameɛ ase kyɛ wafa ɛmɔ nwo mmɔden bɔ yɛbɔ ne ala wawura Tito ahone nu ɔ.

2 Korintofoɛ 8:23

Tito de, ɔte mmiɛngo ne nniɛma adwumayɔlɛniɛ ma ɛmɔ, na aliɛmaa nemɔ wora bɛte asɔre nemɔ somafoɛ, bɛte Kristo animnyam.

2 Korintofoɛ 8:6

Na yasrɛ Tito bɔ olili moa hyɛle adwuma ne abo ne kyɛ ɔɔtoa so ná oyie sɔ adom adwuma ne wɔ ɛmɔ nu.

Galatiafoɛ 2:3

Nakoso Tito po bɔ ɔte Helaniɛ na ɔboka me so ne, banhyɛ ye kyɛ ɔpɛ ye bienzua.

Galatiafoɛ 3:26

Ofikyɛ ɛmɔ amukoraa bɛnate gyidie so bɛte Nyameɛ mma wɔ Kristo Yesu nu.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Ɛfesofoɛ 1:2

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

Kolosefoɛ 1:2

Yɛfa yɛbrɛ anwoteefoɛ ne aliɛmaa mɔ bɔ bedi nahorɛ wɔ Kristo nu bɔ bɛwɔ Kolose ɔ. Adom ne asomdwee bɔ ofi yɛ Baba Nyameɛ [ne Awurade Yesu Kristo] berɛ ɔyɛ ɛmɔ deɛ.

1 Timoteo 1:12

Meda y’Awurade Kristo Yesu bɔ wama me anwoserɛ ne ase; ofikyɛ wabu me nahorɛniɛ wafa me wawura ɛsolɛ adwuma ne anu.

2 Timoteo 1:1

Pɔɔlo bɔ ɔnate Nyameɛ pɛ so nde Kristo Yesu somafoɛ, kyɛbɔ ngoa bɔhyɛ bɔ ɔwɔ Kristo Yesu nu te ne,

2 Timoteo 1:2

mefa mebrɛ mma Timoteo bɔ ɔla m’ahone nwo ɔ. Adom, anwumvoinnwunɛ ne asomdwee bɔ ofi Baba Nyameɛ ne y’Awurade Kristo Yesu berɛ ɔyɛ wɔ deɛ.

2 Timoteo 4:10

Ofikyɛ Dema ahuro kekesaala ye wiase ye dwirɛ, na wayakyi me nu wasi nu wahɔ Tɛsalonika; Kreseke ahɔ Galatia, yeɛ Tito ahɔ Dalmatia.

Tito 1:3

na mmerɛ bɔ ɔsɛ ɔ nu, ɔlale ye dwirɛ ne ali wɔ nzɛmbahanɛ bɔ ɔte yɛ Ngoadefoɛ Nyameɛ ahyɛdeɛ bɔ wafa wawura me sa ne;

Tito 2:13

wɔ mmerɛ bɔ yɛnwondɛ anyelasoɛ bɔ ɔte saleɛ, bɔ ɔte yɛ Nyameɛ piri ne yɛ Ngoadefoɛ Yesu Kristo animnyam walɛ ne ɔ.

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

2 Petro 1:11

Na ɔba ye sɔ a, bɛkɔma ɛmɔ atee mmorosoɛ bɔ ɔkɔ y’Awurade ne yɛ Ngoadefoɛ Yesu Kristo ahennie afebɔɔ ne anu.

2 Petro 2:20

Na sɛ bɛnate y’Awurade ne yɛ Ngoadefoɛ Yesu Kristo nwo nimdeɛ so banwati bafi wiase bra fiɛ nu, ná nziɛ ye bɛma sɔ bra fiɛ ne osa kye bɛ odi bɛ so a, ye de bɛ nziɛ ye asetena ne ɔte bɔne tra bɛ daa asetena ne.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.

2 Petro 3:2

kyɛ, ɔsɛ kyɛ ɛmɔkaye edwirɛ mɔ bɔ ngɔmhyɛlɛfoɛ krongron nemɔ bɛhane ye daa ne, ɔne y’Awurade ne yɛ Ngoadefoɛ ahyɛdeɛ bɔ ɔfale yɛ bɔ yɛte ye asomafoɛ so wahã ne.

1 Yohane 5:14

Na anyelasoɛ bɔ yɛle wɔ ye nu ne ole kyɛ, sɛ yɛbisa nikyee biala kyɛbɔ ye pɛ te a, otie yɛ.

Yuda 1:3

Aliɛmaa mɔ, mabɔ mmɔden amukoraa kyɛ mekyerɛ ngoalelɛ bɔ yɛ mukoraa yanya ye ne nwo dwirɛ mebrɛ ɛmɔ, na ye nwo ahia kyɛ mekyerɛ mebrɛ ɛmɔ, ná metu ɛmɔ foɛ, kyɛ ɛ́mɔpere bégyina pindinn bɛ́ma gyidie bɔ bafa bama anwoteefoɛ pɛnko ne.