Tito 1:3 - AHYERƐLƐ KRONGRON

³ na mmerɛ bɔ ɔsɛ ɔ nu, ɔlale ye dwirɛ ne ali wɔ nzɛmbahanɛ bɔ ɔte yɛ Ngoadefoɛ Nyameɛ ahyɛdeɛ bɔ wafa wawura me sa ne;

Tito 1:3 Iomraidhean Croise

Yesaya 12:2

Amba, Nyameɛ te me ngoalelɛ, ngɔfa me wora ngowura ye nu, na mengosuro, ofikyɛ AWURADE Nyameɛ te m’anwoserɛ ne me dwein, na wayɛ me ngoalelɛ.”

Yesaya 45:15

O Yisrael Nyameɛ, Defoɛ ne, amba, wɔ ole Nyameɛ bɔ ɛfa wɔ nwo fea ɔ.

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Daniel 11:27

Nakoso ahemvo nyɔ nemɔ de, nzɛmmɔne yeɛ ɔkɔwa bɛ ti anu ɔ, na bɛkɔtena didipono ko anwo bɛkɔhã ngondombo dwirɛ; nakoso bɛ porɛbɔlɛ ne kɔyɛ mbaen, ofikyɛ mmerɛ bɔ bahyehyɛ bato berɛ ne dwu a, yeɛ b’ayieleɛ kɔwa ɔ.

Daniel 8:23

Na sɛ b’ahennie ne ɔbaawa ayieleɛ a, mmerɛ bɔ mmeraatolɛfoɛ nemɔ bɛ bɔne yɔleɛ ahɔ so paa ne, ɛhene atianuserɛniɛ bie, bɔ otira kanda nworɛ ɔ kodwɔso.

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Marko 1:15

Na ɔhane kyɛ, “Mmerɛ ne adwu, na Nyameɛ ahennie ne wapingye, yiti ɛ́mɔsakyera ɛmɔ adwene, ná ɛmɔle nzɛmba ne beli.”

Marko 13:10

Na nzɛmba ne, odi kyɛ bedi moa bɛkã bekyire maen maen amukoraa.

Marko 16:15

Na ɔhã hyirele bɛ kyɛ, “Ɛmɔhɔ wiase amukoraa bɛɛhã nzɛmba ne behyire abɔdeɛ amukoraa.

Luka 1:47

na me sunzum di ahurusi wɔ me Ngoadefoɛ Nyameɛ nu;

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

Asomafoɛ 17:26

na ɔbɔle mmenia bɔ bɛwɔ maen amukoraa nu fili sona komapɛ nu maa bɛtenane aseɛ ye aso amukoraa. Na ɔhyehyɛle mmerɛ ahoroɔ ne nekaa biala bɔ bɛkɔtena ɔ ye wɛen so tole berɛ mane bɛ,

Romanfoɛ 15:19

nzɛngyerɛnneɛ ne anwanwadeɛ tumi so, Sunzum Krongron tumi so. Yiti mabɔ Kristo nzɛmba ne amukoraa nwo dawure mafi Yerusalem ne ye nwo nguro mɔ so maadwu Yilirikum.

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

Romanfoɛ 16:26

nakoso afei de bala ye ali, na bɛnate bɔ ngɔmhyɛlɛfoɛ bɛhyerɛle ne aso bala ye ali bahyire maen amukoraati, kyɛbɔ Ɛdangama Nyameɛ ye ahyɛdeɛ te ne, amaa ɔnate so maen maen amukoraa bale bali ná bayɛ sotie bama ye.

Romanfoɛ 5:6

Mmerɛ bɔ né yɛtɛ yɛ mmerɛ ne, mmerɛ bɔ wahyehyɛ wato berɛ ne anu, Kristo wu mane bɔnefoɛ.

1 Korintofoɛ 9:17

Sɛ me bɔbɔ me pɛ yeɛ mefa mekã nzɛmba ne a, ye po mefata akatuaa, nakoso sɛ nna me bɔbɔ me pɛ yeɛ mefa mekã hɔ a, nzaade bɔ bafa bawura me sa ne ala yeɛ meyɔ ne.

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,

Ɛfesofoɛ 1:10

Na sɔ nhyehyɛleɛ ne kyire kyɛ mmerɛ ne adwu kyɛ ɔkɔboaboa abɔdeɛ amukoraa bɔ bɛwɔ nyameɛso ne aseɛ so noa ɔkɔbɔ nu wɔ Kristo nu.

Ɛfesofoɛ 2:17

Na ɔwale ɔɔbɔle asomdwee nwo dawure hyirele ɛmɔ bɔ né ɛmɔwɔ dedeede ne, ɔne bɛ bɔ bepingye ne;

Filipifoɛ 1:13

na ɔnate so wala ali wɔ amrado ahemviefoɛ nemɔ amukoraa nu ne mmenia ngaa nemɔ anu kyɛ, Kristo ti yeɛ nna kukunu ɔ,

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 1:6

bɔ bɛfa bɛbrɛle ɛmɔ ne anu. Na onyi, yeɛ osu mmaa wɔ wiase amukoraa, kyɛbɔ wasu mmaa wɔ ɛmɔ nu fi kyẽa bɔ ɛmɔtele ná ɛmɔnwuni Nyameɛ adom wɔ nahorɛ nu ne,

1 Tɛsalonikafoɛ 2:4

na mmom kyɛbɔ Nyameɛ abu yɛ kyɛ yɛfata, ná wafa nzɛmba ne wawura yɛ sa ne, sɔ ala yeɛ yɛdwudwo ɔ; nna kyɛ yɛfa yɛsɔ mmenia nye, na mmom Nyameɛ bɔ ɔse yɛ ti anu dwirɛ ne yeɛ yɛfa yɛsɔ ye nye ɔ.

1 Timoteo 1:1

Pɔɔlo, Kristo Yesu somafoɛ, kyɛbɔ yɛ Ngoadefoɛ Nyameɛ ne Kristo Yesu bɔ ɔte yɛ anyelasoɛ ne hyɛle ne,

1 Timoteo 1:11

kyɛbɔ saleɛ Nyameɛ animnyam nzɛmba bɔ bafa bawura me sa ne ɔte ne.

1 Timoteo 2:3

Na sɔ te paa, na ɔsɔ yɛ Ngoadefoɛ Nyameɛ nye,

1 Timoteo 4:10

Ɛhe ati yeɛ yɛyere yɛ nwo yɛyɔ adwuma serɛ ɔ, ofikyɛ yafa yɛ nye yato Nyameɛ teasefoɛ, bɔ ɔte mmenia amukoraa, nganga agyidifoɛ Ngoadefoɛ ne aso.

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

Tito 2:10

anaa bɛyɛ bɛ so awue mmaa mmaa; na mmom ɔsɛ kyɛ bɛda nahorɛ paa amukoraa ali, amaa ɔnate so bama yɛ Ngoadefoɛ Nyameɛ ngyerɛkyerɛ ne wanya anidie wɔ nikyee biala nu.

Tito 2:13

wɔ mmerɛ bɔ yɛnwondɛ anyelasoɛ bɔ ɔte saleɛ, bɔ ɔte yɛ Nyameɛ piri ne yɛ Ngoadefoɛ Yesu Kristo animnyam walɛ ne ɔ.

Nyekyire 14:16

Na bɔ ɔte munungum ne aso ne hwene ye dadeɛ koateɛ ne siele aseɛ so, na ɔtele aseɛ so nnɔbaeɛ nemɔ.