Tito 1:10 - AHYERƐLƐ KRONGRON

¹⁰ Ofikyɛ mmeni pee wɔ berɛ bɔ bɛte asoserɛfoɛ, nzekurebɔlɛfoɛ, nnakannakafoɛ, nganga bienzuapɛlɛfoɛ nemɔ,

Tito 1:10 Iomraidhean Croise

Mateo 23:14

Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔbɔ akunafoɛ mmrasua apoo bede bɛ nningyein, nakoso ɛmɔpati bɛbɔ mbaeɛ tendenn bekyire. Ɛhe ati, bekobua ɛmɔ foɛ piri paa!]

Asomafoɛ 11:2

Yiti mmerɛ bɔ Petro wale Yerusalem nen, bɛ bɔ bɛte bienzuapɛlɛfoɛ nemɔ bɛne ye nyane dwudwolɛ

Asomafoɛ 15:1

Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.”

Asomafoɛ 15:24

Yate kyɛ yɛ nu biemɔ bɔ nna yɛ yeɛ yɛsomane bɛ ɔ bawa ɛmɔ berɛ baahã edwirɛ bafa babiri ɛmɔ nye so bama ɛmɔ adwene ayɛ ɛmɔ naa.

Asomafoɛ 20:29

Na mese kyɛ mefi wa mekɔ a, mbataku awerɔm koowura ɛmɔ nu, na bɛngɔyakyi mmoaen ne koraa.

Galatiafoɛ 2:4

Na aliɛmaa mɔ ngondombofoɛ bɛfeafeale bɛ nwo bɛwale berɛ bie kyɛ bɛbaatetɛ bɛpena yɛ fawɔnwodi bɔ yanya ye wɔ Kristo Yesu nu ne nwo ate, na bamaa yaawura ngoaasolɛ nu.

Galatiafoɛ 3:1

O Galatiafoɛ bɔ ɛmɔndwene ɔ! Nwa yeɛ odwumvale ɛmɔ sɔa ye; (bɔ ɔmaa ɛmɔnne nahorɛ ne nni ɔ?) Aso nna ɛmɔ nyunu yeɛ behyirehyirele nu pefee kyɛ bɛbɔle Yesu Kristo mmeamudua nu ɔ?

Ɛfesofoɛ 4:14

amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.

1 Timoteo 1:4

yeɛ nnɛmaa bɛha bɛ nwo wɔ ɛhoaa ne afilie nu aworɛ ndoatoasoɛ nwo dwirɛ bɔ ye bo mbɛ ɔ, bɔ ɔfa aporowaasulɛ ba tra nyamesom paa ne bɔ ɔwɔ gyidie nu ne.

1 Timoteo 1:6

Na ɛhe yeɛ mmenia biemɔ bali makyebu bafi ye nwo baali aporowaasulɛ mbaen mbaen si,

1 Timoteo 1:9

Yeɛ yɛse kyɛ mmeraa ne ɔnne berɛ mma teneneeniɛ, na mmom ɔwɔ berɛ ma mmeraatolɛfoɛ, asoserɛfoɛ, bɛ bɔ benzuro Nyameɛ, bɔnefoɛ, bɛ bɔ bɛ nwo nde, ɔne bɛ bɔ bɛ nwo agua fiɛ ɔ, bɛ bɔ beku bɛ se ne bɛ ni, awudifoɛ,

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

2 Timoteo 4:4

Bekotuatua bɛ so wɔ nahorɛ ne anwo, ná baatie ɛhoaa mmom.

Tito 1:6

Bɔ ngekalewa biala nne ye bra nu; bɔ ɔye te komapɛ, bɔ ye mma mɔ bɛte agyidifoɛ bɔ bɛnyɛ basabasa anaa asoserɛ ɔ.

Yakobo 1:26

Sɛ ebie dwene kyɛ ɔte nyamesomniɛ, ná wannea ye dwudwolɛ so yé, ná mmom ɔlakalaka ye nwo a, sɔ sona ne nyamesom te mbaen.

1 Yohane 2:18

Me mma mɔ, ayieleɛ mmerɛ ne apingye. Na kyɛbɔ ɛmɔate ye daa kyɛ antikristo ne ɔ́ba ne, sɔ ala yeɛ kekesaala ye antikristo pee bawa ɔ; na ɛhe maa yɛnwu ye kyɛ ayieleɛ ne ala ɛne.

1 Yohane 2:4

Na sona bɔ ɔkã kyɛ, “Mese ye”, nakoso onni ye ahyɛdeɛ so ne, ɔte ngondomboniɛ, na nahorɛ nne ye nu.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

Nyekyire 2:6

Nakoso ayɔ paa he, kyɛ ekyi Nikolatafoɛ nnwumaa bɔ me koso mekyi ne.