Sefania 3:3 - AHYERƐLƐ KRONGRON

³ Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Sefania 3:3 Iomraidhean Croise

Anyandera 28:15

Maen panyi bɔ ɔfa atianuserɛ di mmenia bɔ bɛyɛ anwumvo so ne, ɔte kyɛ gyata bɔ opo anaa kwabrafo bɔ ye nye aboro ɔ.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 5:29

Kyɛbɔ besi bɛbobɔ nu ne, ɔte kyɛ gyata deɛ, na bepo kyɛ gyata akrɔngrɔma mɔ, bɛyɛ bɛ komvi hooo bɛkye bɛ naen, na bɛfa bɛkɔ bɔ ebiala ngora nnne mvi bɛ sa nu ɔ.

Yeremia 22:17

Nakoso w’apoobɔlɛ anwonyadeɛ angome yeɛ wɔ nye ne w’ahone li ye si ɔ; ɔne kyɛ ɛkɔhã mogya bɔ odi be ɔ kogua, ɛkɔhyɛ mmenia so ná ekosisi bɛ ɔ.”

Yeremia 23:11

Ofikyɛ ngɔmhyɛlɛniɛ ne ɔsɔfo bɛ munyɔ benzuro Nyameɛ; amba, m’awuro po manwu bɛ bɔne wɔ berɛ, AWURADE noa dwirɛ ɛne.

Yeremia 34:19

Yuda atitire, Yerusalem atitire, sayɛɛ nemɔ, asɔfo nemɔ ne maen ne anu mmenia amukoraa bɔ bɛnatele nandwie akrɔngrɔma bue nyɔ nemɔ b’afia ne,

Yeremia 5:6

Yiti gyata kofi ɛhɔayeɛ nu koohũhũ bɛ, pataku kofi ɛserɛ so kɔɔtete bɛ nu pasapasa. Aboa tetɛ bɛ wɔ bɛ nguro nemɔ aso, na ebiala bɔ okofi kuro ne anu kofite ne, ɔkɔtete ye nu pasapasa, ofikyɛ bɛ mmeraatolɛ sone, na b’asefinɛ ne te piri.

Hesekiel 22:6

“ ‘Tie, Yisrael mbanyi bɔ bɛwɔ wɔ nu ne, bɛ nu biala gyina ye tumi so yeɛ ɔkã mogya gua ɔ.

Hesekiel 33:26

Ɛmɔngyɛ ye nwo né ɛmɔali awue, ɛmɔbɔ akyiwadeɛ bra, yeɛ ɛmɔ nu biala fa obiɛngo aye; na ɔkɔyɛ sɛɛ né ɛmɔanya aseɛ ne bafa bayɛ ɛmɔ deɛ?

Habakuku 1:8

Bɛ mbɔngɔ mɔ koso bɛ nwo yɛ nyera tra aboa, bɛte awerɔm bɛtra nɔsoa mbataku; bɛ pɔngɔhanɛfoɛ nemɔ behuru bɛpepe; amba, bɛ pɔngɔhanɛfoɛ nemɔ befi dedeede yeɛ bɛba ɔ; betu kyɛ kɔleɛ bɔ ɔpe ndɛen kɔkye naen di ɔ.