Sefania 2:3 - AHYERƐLƐ KRONGRON

³ Ɛmɔ, ɛ́mɔpena AWURADE, aseɛ ne asofoɛ bɔ ɛmɔbrɛ ɛmɔ nwo ase ɔ, bɔ ɛmɔdi AWURADE mmeraa dwirɛ so ɔ! Ɛ́mɔpena tenenee si atee, ɛ́mɔpena anwobrɛaseɛ si atee; ebiaa né wamaa ɛmɔanya ɛmɔ ti badidi nu wɔ AWURADE ahonehulɛ kyẽa ne.

Sefania 2:3 Iomraidhean Croise

2 Samuel 12:22

Na Dawide buale bɛ kyɛ, “Mmerɛ bɔ né akwadaa ne te ase ne, nzuni nyɔle akɔngyere, ofikyɛ nyane adwene kyɛ, ‘Ebie nze, ebiaa né AWURADE alo me ama akwadaa ne anya ngoa.’

Edwein 105:4

Ɛ́mɔpena AWURADE ne ye tumi. Ɛ́mɔpena ye si atee daa biala.

Edwein 149:4

Ofikyɛ AWURADE nye gye ye maen nwo, na ɔfa ngoalelɛ ɔbɔ anwobrɛaseɛfoɛ abotire.

Edwein 22:26

Anwobrɛaseɛfoɛ bekodidi bɛkɔma bɛ ko koyi; bɛ bɔ bɛpena AWURADE si atee ne, bɛ yeɛ bɛkɔye ye ayɛ ɔ. Nyameɛ ɔ́ma ɛ́mɔnya anika afebɔɔ!

Edwein 31:20

Wɔ natelɛ bɔ ɛne bɛ nate ne, ɔbɔ bɛ nwo waen fi mmenia bɛ porɛ bɔ babɔ ɔ nwo; ɛfa wɔ ndaa butu bɛ so ede bɛ fi ngɔngɔnzaafoɛ sa nu.

Edwein 45:4

Kɔ so di ngonim wɔ w’ahennie animnyam nu, ɔnate nahorɛlilɛ, anwobrɛaseɛ ne tenenee ti; wɔ nningyein suronyisuronyi nemɔ, ma wɔ sa famaa ne ohyirehyire wɔ.

Edwein 57:1

Nwu me anwumvoin, ao Nyameɛ, nwu me anwumvoin, ofikyɛ wɔ nu yeɛ me kra nwati bafea ɔ; wɔ ndaa ne abo fɔnwoo ne anu yeɛ menwati mebafea ɔ, kɔpem kyɛ asetena nu mvrama piri ne abo kɔpɛ nu kɔhɔ ɔ.

Edwein 76:9

mmerɛ bɔ Nyameɛ dwɔsole buale ndɛen, kyɛ ɔfa pepɛ ode aseɛ ye aso anwobrɛaseɛfoɛ amukoraa ne. Sela

Edwein 91:1

Sona bɔ ɔtena Anwuro Anwuroniɛ n’afealeɛ nu, bɔ yeɛ ɔtena Tuminiɛ ne, ye fɔnwoo ne anu ne,

Ɛksadɔso 12:27

Ɛmɔhã kyɛ, ‘Ɔte Abɔtra afɔleɛ bɔ yɛbɔ yɛma AWURADE bɔ ohuhuni Misraimfoɛ ne. Nakoso odwuli Yisraelfoɛ awuro mɔ nwo wɔ Misraim nen, ɔpɛle nu hɔle maa yɛnyane yɛ ti yɛdidili nu.’ ” Na mmenia ne bɔle bɛ ti ase bɛsɔne (Nyameɛ).

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yesaya 11:4

na mmom tenenee yeɛ ɔkɔfa kobua anwumvoinfoɛ ndɛen ɔ, na pɛpɛɛpɛyɛlɛ yeɛ ɔkɔfa koli anwobrɛaseɛfoɛ bɛ dwirɛ kɔma bɛ ɔ. Ye noa nu dwirɛ yeɛ ɔkɔfa kɔyɛ mbire kofi aseɛ ɔ, na ɔkɔfa ye noa nu nwomeɛ kohũhũ bɔnefoɛ.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Yeremia 39:18

Ofikyɛ ngɔpepɛ ngole wɔ amba, na ɛngɔtɔ ngrandɛ noa, na mmom ekonya wɔ ti kodidi nu kyɛ koɛ nu nzesadeɛ, ɔnate kyɛ afa wɔ wora awura me nu ne ati, AWURADE noa dwirɛ ɛne.’ ”

Yeremia 45:5

Na wɔ, aso nningyein mbiri mbiri yeɛ ɛpena mma wɔ nwo ɔ? Nnɛpena, ofikyɛ ngɔprapra musue ngogua anwoɔnaen amukoraa so, AWURADE noa dwirɛ ɛne. Nakoso wɔ de, ekonya wɔ ti kodidi nu kyɛ koɛ nu nzesadeɛ wɔ nekaa biala bɔ ɛkɔhɔ ɔ.”

Hesekiel 13:5

Ɛmɔ ahɔ a, ɛmɔamvo bangɔangyina fasue ne anu nekaa bɔ tokuro lela ne, yeɛ ɛmɔando fasue bamva Yisrael awuro ama nwo, amaa sɛ AWURADE kyẽa ne dwu a Yisrael wahora ye noa gyina.

Hosea 10:12

Ɛmɔlua tenenee bɛ́ma ɛmɔ nwo, ɛ́mɔbu ye wɔ anwumvoinnwunɛ nu, ɛ́mɔso ɛmɔ hɔayeɛ too ne. Ofikyɛ mmerɛ aso kyɛ ɛmɔpena AWURADE si atee ɔ, kɔpem kyɛ ɔkɔwa kɔɔtɔ tenenee nzue kogua ɛmɔ so ɔ.

Hosea 7:10

Yisrael anwomasoɛ di adanzeɛ tia ye, nakoso benza bɛmma AWURADE bɛ Nyameɛ berɛ, yeɛ ɛhe amukoraa si ne, bɛmbena ye si ate.

Yona 3:9

Ebie nze, ebiaa Nyameɛ kɔsesã ye adwene ná wayakyi ye yaafɛlɛ piri ne, amaa ɔnate so yɛ boso wannua.”

Sakaria 8:19

“Asafo AWURADE nwa: Bosome bɔ ɔtɔ so nna ne anu akɔngyere ne, nnu ne anu akɔngyere ne, nzoo ne anu akɔngyere ne, ɔne buru ne anu akɔngyere ne, bɛkɔyɛ ahurusililɛ, anwosɛpɛlɛ ne anigye aluolue kɔma Yuda awuro ama. Yiti ɛmɔhuro nahorɛ ne asomdwee.

Mateo 5:5

“Anwobrɛaseɛfoɛ banya saleɛ, ofikyɛ bɛ yeɛ bekonya aseɛ ne maa ɔkɔyɛ b’agyapadeɛ ɔ.

1 Tɛsalonikafoɛ 4:1

Aliɛmaa mɔ, bɔ ɔpɛ ye bo ɔ, yɛ́srɛ ɛmɔ, ná yɛtu ɛmɔ foɛ wɔ Awurade Yesu nu kyɛ, kyɛbɔ ɛmɔsuane kyɛbɔ ɛmɔkosi bɛkɔbɔ bɛ bra bɔ ɔsɔ Nyameɛ nye befili yɛ berɛ nen, ɛmɔhɔ so bɛyɔ ye mmorosoɛ kyɛbɔ ɛmɔyɔ ne ala.

1 Tɛsalonikafoɛ 4:10

Na amba, sɔ suban ne ala koso yeɛ ɛmɔala ye ali bahyire aliɛmaa mɔ amukoraa bɔ bɛwɔ Makedonia amukoraa ɔ. Nakoso, aliɛmaa mɔ, yɛsrɛ ɛmɔ kyɛ ɛmɔhɔ so bɛyɔ ye mmorosoɛ,

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Petro 3:4

na mmom ɛ́mɔma ɔyɛ ahone nu nikyee bɔ anyeɛ nnwu ye, sunzum bɔ odwo, ɔbrɛ ye nwo ase, nikyee bɔ ɔmborɔ, bɔ ɔte nikyee nyɔboɛserɛ wɔ Nyameɛ nyunu ɔ.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.